السلام عليكم

شلونكم ؟ عساكم بخير ؟

من فترة لاحظت بقع صغيرة جدا جدا تكاد لا تُرى
ولونها حنطي خفييييف يميل للبيج .. يعني لو لا اني الاحظ كل شيء جان ما دريت عنها
وبعد فترة يبدأ لونها يصير اغمج..
وتصير رسمياً حبة خال 😳 .. خبري حبة الخال تطلع لمن نكون يهال صغار
بس انه على قولت المثال يوم شاب ودوه الكتاب...
حبة الخال اقصد فيها الشامة يمكن بعضكم يسميها چذي...
وشكل حبة الخال مو دائري مستوي
لااا .. شكلها مو منتظم...
آمنت بالله وسكتت .. لاحظت بعد مدة قصير حجمها يكبر مع انه لازال صغير
وكالعادة بحثت في النت وطلع لي بالبوينت العربض ( سرطان الجلد )
ذاك اليوم ما يحتاج اقول لكم شلون كان حالي .. دموعي اربع اربع
و رحت عيادة خاصة بدون موعد ... شاف الدكتور وقام يضحك قال لي هذا مو سرطان الجلد
وان هذا شيء عادي .. وسرطان الجلد يعني بتحسين بألم في الشامة وبتنزف دم
واذا تبين تيشيلنها سوي ليزر ...

لكن لازلت مو مطئنة بس قلت الحمدلله دام انها مو في وجهي..
الا قبل جم يوم قاعدة اتأمل وجهي .. وتوني اقول كأني القمر المنير في ليلة تمامه وكماله 😂 لا امزح
المهم
لاحظت ثنتين صغاااا ر صغار جدا جدا امبديين يصيرون ..
فكرتهم زايريني سفر وسياحة ويومين ويروحون بس ما راحوا

عندكم فكرة عن الامر ؟
تعرفون كريم او خلطة توخرهم قبل لا حجز موعد لليزر ؟؟
لان بصراحة اخاف ان يحترق وجهي بالليزر 😆😆😆

__________________

حاجة الناس إليكم من نعم الله عليكم ، فـ لا تملوا النِعم ☁✨