قبلت أن أكون زوجة ثانية فظلمني زوجي - الصفحة 7 - منتدى عالم الأسرة والمجتمع
logo

الملاحظات

المتزوجين مواضيع تهم المتزوجين من الرجال والنساء.

موضوع مغلق
قديم 10-10-2007, 04:35 PM
  #61
sara1111
عضو نشيط جدا
 الصورة الرمزية sara1111
تاريخ التسجيل: May 2006
المشاركات: 236
sara1111 غير متصل  
حبيبتي الله يفرج همك من جد انقهرت عليكي مع اني زوجة اولى لكن الحق يقال
حبيبتي ساعطيك نصايح اتمنى انك تطبقيها
دايما خليكي متشيكة ولابسة اتعطري اتشيكي ولاتزعلي نفسك جددي بالبيت غيري الديكور جيبي شموع ورود
سويله ليالي رومانسية فكري بس كيف ترضيه ومن ناحية الاولى طنشي ولا كأنه وكلمي زوجك وذكريه بالعدل وادعي بصلاتك سمعي زوجك كلمة حلوة اكتبيله بكرت بين فترة وفترة انا محتاجتلك.لاتبعد عني مستحيل اعيش بدونك.انت نور البيت.وغيرها من العبرات لايخرج غير وهو مبسوط من عندك صحيح هي عندها الاوولاد بس انتي عندك الحب والحنان وصدقيني زوجك ماراح يستغنى عنك وراح مع الايام يعدل بينك وبينها وخليكي قوية ولاتتاثري والله يوفقك ويسعدك
تحياتي.............
قديم 11-10-2007, 01:25 AM
  #62
ام ارخيم
عضو نشيط
تاريخ التسجيل: Sep 2007
المشاركات: 176
ام ارخيم غير متصل  
مرحبا للجميع
انصدمت يوم لقيت عدد كبير من الردود تهاجمني ع كلامي

اولا انا ما اعترض على حكم رب العالمين لانه هو الي يعرف مصلحة عبيده وكوني مب موافقة على الرجل الي يتزوج على زوجة مب لانة الشرع ظلمنا لا حاشى لله بس الرجال ما يعرفون يعدلون وهذا باين وشوفو من حولكم واذا كان فيه حد تعرفونه عدل هذي حاله نادرة جدا

ربنا حلل الزواج والتعدد وخلا شرط اذا استطاع الرجال ان يحققه بالعافيه عليك تزوج بس هاذا الشرط صعب وايد لانه القلب يحكم ع العقل حتى عند الرجال

بعدين هالهجوم على ترى انا ما استحقة لاني لا شتمت ولا اسات للزوجة الكريمة بس يمكن كل شخص ينظر للموضوع من منظوره الخاص الي مع التعدد عنده اسبابه ةالي ضده بعد عندة اسبابه

التعديل الأخير تم بواسطة فيافي نجد ; 11-10-2007 الساعة 02:49 AM
قديم 11-10-2007, 03:36 AM
  #63
fafi
عضو مميز
تاريخ التسجيل: Dec 2003
المشاركات: 1,198
fafi غير متصل  
اختي اعود لك مرة ثانية

اختي ... لا تنسي انك الثانية ...وواضح انه يحسب لها الف حساب

اذا خليك ذكية جدا ... يعني

ابعدي عن المشاكل كل ما تقدرين ....

لا تتنازلي عن حقك ..على الاقل الحقوق الاساسية ...المبيت ...الصرف عليك ...احترامك

الامور الثانية ..هذه ثانوية ..يعني تتصل عليه ...خليها تولي ...ان شاء الله تتصل مليون مرة ... لا تسوين مثلها...لانك راح تحرقين اعصابك ..

لا تضيعي جهدك ووقتك في التفكير في كيفة الكيد والزعل ...

ارجع و اقول لك انت الثانية ... يعني ممكن يستغي عنك في اي لحظة اذا حس انك بعد راعية مشاكل ...هو تزوجك لكي يرتاح ويشعر انه رجل عندك وفي بيتك ...

واضح انها مورية الويل ... والرجل ممها صبر على زوجة من هذا النوع مسيرة يطق و يتزوج عليها ..

اذا انت وفري له جو المتعة ...

حقوقك المالية خذيها ثالث مثلث ... وكثر ما تقدرين ... من هذه الناحية لا تتنازلين

ليلتك ...مهما صار .. لا تتنازلي عنها ... حتى لو رجع لك اخر الليل

مرة مرتين ثلاث يتأخر عليك ...لكن اذا شافك ما تفرطين حتى لو في ساعة واحده ...راح يعرف ان الله حق وانك ما راح تتنازلين عن ليلتك ...يعني لا تدققين على المدة اللي يقضيها معك ...لكن على كيفية قضاءة هذه الليل معك ...خليها ليلة انت تستمتعين بها زين

وربي يوفقك
قديم 11-10-2007, 04:49 AM
  #64
Roses Fragrance
عضو جديد
تاريخ التسجيل: Oct 2007
المشاركات: 25
Roses Fragrance غير متصل  
اقتباس:
المشاركة الأصلية كتبت بواسطة fafi
اختي اعود لك مرة ثانية

اختي ... لا تنسي انك الثانية ...وواضح انه يحسب لها الف حساب

اذا خليك ذكية جدا ... يعني

ابعدي عن المشاكل كل ما تقدرين ....

لا تتنازلي عن حقك ..على الاقل الحقوق الاساسية ...المبيت ...الصرف عليك ...احترامك

الامور الثانية ..هذه ثانوية ..يعني تتصل عليه ...خليها تولي ...ان شاء الله تتصل مليون مرة ... لا تسوين مثلها...لانك راح تحرقين اعصابك ..

لا تضيعي جهدك ووقتك في التفكير في كيفة الكيد والزعل ...

ارجع و اقول لك انت الثانية ... يعني ممكن يستغي عنك في اي لحظة اذا حس انك بعد راعية مشاكل ...هو تزوجك لكي يرتاح ويشعر انه رجل عندك وفي بيتك ...

واضح انها مورية الويل ... والرجل ممها صبر على زوجة من هذا النوع مسيرة يطق و يتزوج عليها ..

اذا انت وفري له جو المتعة ...

حقوقك المالية خذيها ثالث مثلث ... وكثر ما تقدرين ... من هذه الناحية لا تتنازلين

ليلتك ...مهما صار .. لا تتنازلي عنها ... حتى لو رجع لك اخر الليل

مرة مرتين ثلاث يتأخر عليك ...لكن اذا شافك ما تفرطين حتى لو في ساعة واحده ...راح يعرف ان الله حق وانك ما راح تتنازلين عن ليلتك ...يعني لا تدققين على المدة اللي يقضيها معك ...لكن على كيفية قضاءة هذه الليل معك ...خليها ليلة انت تستمتعين بها زين

وربي يوفقك
وربي كلامك صح 100% من ناحية أنه يقدر يستغني في أي لحظة..لكن يا أختي يجب أن أمتلك قوة كبيرة حتى ارى بها سلب الحقوق التي ذكرتها وأسكت وأتجاهل..ليس بالسهل على النفس..لأن إحترام الزوجة هو بأداء حقوقها كامله..سأحاول تغيير سياستي كما إقترحت بعض الأخوات..بأن أكون كما قلتي مصدر للراحة قدر المستطاع..وسأرى ماذا يحدث..شاكرة لك نصائحك أخيتي..
قديم 11-10-2007, 05:17 AM
  #65
fafi
عضو مميز
تاريخ التسجيل: Dec 2003
المشاركات: 1,198
fafi غير متصل  
اختي اهم شي لا تتوقعي نتايج في خلال شهر وشهرين

لا ...هذه الامور يبغي لها نفس طويل .. وشغل على نار هادئة

خليك ذكية جدا في التعامل معه واخذ حقوقك ...ولكن بالسياسة والدبلوماسية

قولي ما راح اخلي زوجته الاول تحرق اعصابي ... خلها هي اللي اعصابها تحترق بتصرفاتها

لا تحاولي ان تسوي وحده بوحده ...اذا هي عندها القدره ...قد ما تكون عندك القدرة في العمل مثلها

خليك على طبيعتك وربي يعطيك على نيتك

تحياتي
قديم 11-10-2007, 07:27 AM
  #66
^فرح^
عضو متألق
تاريخ التسجيل: Jul 2005
المشاركات: 1,211
^فرح^ غير متصل  
اقتباس:
المشاركة الأصلية كتبت بواسطة fafi
اختي اهم شي لا تتوقعي نتايج في خلال شهر وشهرين

لا ...هذه الامور يبغي لها نفس طويل .. وشغل على نار هادئة

خليك ذكية جدا في التعامل معه واخذ حقوقك ...ولكن بالسياسة والدبلوماسية

قولي ما راح اخلي زوجته الاول تحرق اعصابي ... خلها هي اللي اعصابها تحترق بتصرفاتها

لا تحاولي ان تسوي وحده بوحده ...اذا هي عندها القدره ...قد ما تكون عندك القدرة في العمل مثلها

خليك على طبيعتك وربي يعطيك على نيتك

تحياتي
صراحة رد مميز ماشاء الله عليك
الله يعطيك العافية
__________________
Hug
قديم 16-10-2007, 07:44 PM
  #67
Roses Fragrance
عضو جديد
تاريخ التسجيل: Oct 2007
المشاركات: 25
Roses Fragrance غير متصل  
شكراً لكل من رد على مشكلتي رد تشجيعي أو مساندة..ولكل من رد على الردود السلبية وأوضح لهم أخطائهم..لقد أخجلتموني بتفاعلكم مع موضوعي..وأنا الآن قدر المستطاع أحاول تطبيق نصائحكم..ولا تنسونا من الدعاء أخواتي
قديم 16-10-2007, 09:27 PM
  #68
أم وداد
عضو نشيط جدا
 الصورة الرمزية أم وداد
تاريخ التسجيل: Aug 2006
المشاركات: 1,771
أم وداد غير متصل  
أنا دايم ضد التعدد .. مو لشي مو لاني مع الاولى وضد الثانية .. لكن لاني اشوف التعدد يتعب الطرفين الاولى والثانية .. وتبتدي المشاكل بينهم ..

مو غلطتك وافقتي على زوجك .. وهو متزوج .. غلطته هو الي ماعرف يعدل بينكم .. صحيح عنده اولاد .. بس لازم يعطي كل وحدة حقها .. ودام عطاك موعد لازم يلتزم فيه .. ولازم الاولى ماتتصل فيه يوم يكون معاك .. ولا انتي تتصلين فيه يوم يكون معاها.. ويفصلكم عن بعض نهائي.. وان كان لا سمح الله صاير شي في الاولاد ... تقدر ترسل مسج .. وبعدين يكلمها تلفون لو اشتدت الامور..

زوجك هو الغلطان ... انتي لازم تكلمينه بهدوء.. ولا تحاولين ابدا بانك اتقوليله اقطع زوجتك يوم اتكون معاي.. لا خذيها بالسياسة .. عشان زوجته ماتزيد الامور.. وتشكك فيك ..
افتحي معاه الموضوع بين فترة وفترة .. ولما يكون غايب اشغلي نفسك حبيبتي لا يتعبك التفكير ان شاء الله مع الوقت والصبر بتنحل هالمشكله ..

الله يكون في عونك .. ويهدي زوجك ويسخره لك ..
__________________
ربنا هب لنا من أزواجنا و ذرياتنا قرة أعين واجعلنا للمتقين إماما

أرجوكم ادعو لي ..بإن ربي يجمع بيني وبين زوجي على خير

إلى زوجي ..إلى مقلتي.. إلى فؤادي...إلى بسمتي... إلى دمعتي... إلى حياتي وروحي... إلى عشيقي، حبيبي، فارسي، أميري، إلى القلب والكيان... والحب والهيام...

الـعزيـــــــــــــــز بو وداد..

أحبــــــــــــك ...
قديم 17-10-2007, 12:02 AM
  #69
حور الأحزان
عضو جديد
تاريخ التسجيل: Sep 2006
المشاركات: 34
حور الأحزان غير متصل  
والله يا اختي العزيزة أنا مش قادرة أساعدج لاني لو كنت مكان الزوجة الاولى كنت بسووي المستحيل عسب اكسبه ويتم عندي

بس يوم هو مرتاح مه زوجته الاولى بالله ليش اتزوج عليهااااااا؟؟؟

والبنات اللي قالولج زوجج شخصيته ضعيفه غلطانين لان لو شخصيته ضعيفه جان ما قدر يتزوج على حرمته

الله يعينج
قديم 17-10-2007, 01:49 AM
  #70
بنت_الحب
عضو نشيط
تاريخ التسجيل: Dec 2005
المشاركات: 153
بنت_الحب غير متصل  
اختي ٌRoses Fragrance

ادري الموضوع مر عليه وقت و ما شاء الله الاخوات ما قصروا في الردود سواء السلبية او الايجابية لكن اسمحيلي اشارك في هالموضوع .. انا قبل ما ارد قريت كل الردود على موضوعج و فعلا بكيييييييت و انا اقراها .. ابكاني الاحساس بالظلم الواقع على كل زوجة ثانية .. وللاسف الظلم هذا من النساء اكثر من الرجال .. لكن شو اقول غير الله يسامح الجميع

اختي الغالية ... انا مثلج زوجة ثانية .. صارلي متزوجة حوالي 6 سنين .. انا يوم تزوجت كنت توني ما كملت 18 سنه .. زوجي ما كنت اعرفه قبل الزواج يعني ما خطفته من بيته و عياله مثل ما الكل يتهم الزوجة الثانية .. كان مجرد واحد اتقدملي و فيه كل المواصفات اللي تحلم فيها اي بنية .. حتى بالنسبة لزواجه هو وقت ما اتقدملي كان منفصل عن زوجته صارله شهور و هي و عيالها كانوا في بيت اهلها و اللي عرفته ان كان فيه اتفاق على الطلاق .. طبعا ما كان بيطلقها عشاني هالموضوع كان صاير قبل ما يتقدملي .. المهم انخطبنا و بعدين انصلح الحال بين زوجي و زوجته الاولى و ردت لبيتها و انا ما كان لي اي اعتراض بالعكس والله فرحت لاني كنت عارفه ان زوجي بيتعب لو بعد عن عياله و انا ما كنت اريد احس بذنبهم .. بعدين زوجته انا اتعرفت عليها قبل العرس و ما شفت منها الا كل خير

المهم تزوجنا و عشنا نفس الوضع اللي انتي عايشته الحين .. معظم وقته هناك .. بيته هناك .. اللي بيزوره من ربعه او اهله يزورونه هناك.. المناسبات يقضيها هناك .. اغراضه كلها هناك .. اما انا سوالي ملحق في بيت اهلي مع وعد انه بياخذلي بيت بعد كم شهر و للحين ما شفته... يوم يكون عندي يتصل فيها قدامي و لو طلعت و قلتله كلمها على راحتك يعصب و يتحراني زعلانه .. و يوم يكون عندها لو صار شي و اتصلت في الليل او النهار ما يرد و لو رد يكلمني على اني واحد من الربع .. دايما يتكلم عنها و يمدحها بمعنى انه يبغيني اكون مثلها .. مع اني قلتله مليون مرة لا تتكلم عنها قدامي بدون سبب مو لاني اكرهها لا والله بس احساس طبيعي بالغيرة من حرمة تشاركني زوجي.. تدرين شو يقولي مرات؟ يقول انا احبج و اموت فيج بس بعد احبها و اموت فيها.. و انا ما احصل رد غير ان لو مالك خير فيها ما بيكونلك خير فيني

يوم يكون عندي يعاملني احسن معاملة و انا عارفة انه يحبني بس اتم انا الثانية .. الزايدة .. الفرعية .. و هي الاساس.. انا عارفه هالشي و على قد ما هو صعب و يجرحني بس هذا الواقع مهما زعلت او عصبت الوضع ما بيتغير .. حتى العيال .. انا عندي بنت في الروضه و الثاني في الطريق بس بعد هي ام العيال انا الزوجة الثانية و بس ..

انا ادري انه يرتاح معاي اكثر و هو دايما يقول هالشي لاني احبه و ادلعه و ما اخلي اي شي في الدنيا يشغلني عنه اما هي مشغوله عنه بعيالها و طلعاتها هذا غير ان العلاقة بينهم بردت بسبب العشرة الطويله
اللي انا اعرفه و متاكده منه انه لو اضطر في يوم يختار بيختارها هي حتى لو كان يحبني انا اكثر .. هو يتم هناك بالاربع و الخمس ايام و عندي مستحيل يتم اكثر من ليلتين و مع هذا لو اشتكيت حتى لو بعد فترة طويله يقول انتي تبيني اهد الدنيا كلها و اجلس ادلعج طول الوقت!!

اللي بوصلج اياه ان الزواج الثاني مستحيل يكون مثل الاول .. احيانا يكون الوضع معكوس يعني اهتمام الزوج ووقته يكون كله للجديدة على حساب الزوجة الاولى بس حتى هذا يكون مؤقت .. دايما الزوجة الاولى لها مكانه خاصة مستحيل الثانية توصلها مهما سوت و مهما حبها الزوج .. و هذا مو غلط لان الريال يكون محترم العشرة و محترم احساس زوجته الاولى اللي فجاة بتحصل حرمة اصغر منها تشاركها زوجها فتحس بالظلم و التهديد فيكون الريال يبغي يطمنها ان مكانتها محفوظة بس يكون هالشي على حساب الزوجة الثانية

طبعا انتي بتمر عليج اوقات تحسين بالظلم و الغضب و تقصير زوجج و ياج .. بتحسين ان احلامج و الصورة الوردية اللي كانت عندج عن الزواج كلها اتبخرت و طلعت و هم و الواقع شي ثاني و مهما كان ريلج زين وياج بيتم عندج الاحساس انج مظلومه ..

الحل الوحيد اللي بيريحج و يسعدج انج تعودين نفسج عالوضه هذا .. يوم يكون عندها انسي انه عند حرمة ثانية اقنعي نفسج انه غايب في شغله او اي مكان ثاني بس لا تفكرين فيها .. و الله انا اول مرة زوجي راح عند زوجته الاولى بعد زواجنا كنت بموت .. طول الليل ما رقدت افكر انه معاها في حضنها يقولها الكلام اللي كان يقولي ايه و يلمسها مثل ما كان يلمسني و الله كنت بموت و بالغصب منعت نفسي اني اتصل فيه و اقوله تعال .. بس بعدها فكرت ان اكيد هي بعد تفكر بنفس الطريقة و تتعذب يوم يكون عندي .. فعودت نفسي اني ما افكر فيها .. يوم هو عندها اعتبره غايب و بس .. لا عتاب و لا مشاكل و مع الوقت اتعودت و هو قدرني و حبني اكثر بسبب تفهمي له .. و يوم يكون عندي يوم يوصل و نقعد شوي اساله عنها و عن العيال و بعدين انسى وجودها .. حتى يوم يتكلم عنها الحين ما صرت ابينله زعلي مثل اول بالعكس اكمل معاه السالفه لين صار هو يستحي يتكلم عنها زيادة عن اللزوم

طولت وااايد ادري و سامحيني بس حبيت افضفض وياج لان ماحد بيحس فيني الا اللي عايشين نفس الوضع ..

شي اخير بقوله لكل اللي تلوم الزوجة الثانية انها اتزوجت ريال متزوج .. تعتقدون ان اي حرمه في الدنيا بتحصل فرصة انها تكون الوحيدة في حياة زوجها و تختار انها تكون شريكة وحدة ثانية؟؟!! نحن مو دايما نختار قدرنا لكن النصيب يحكم

تحياتي
موضوع مغلق

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 02:06 AM.


images