في بداية موضوعي حابة أوضح نقطة
إنه مافيه قاعدة ثابتة ماتتغير لأي شيء
حتى الشمس اللي بتشرق كل يوم من الشرق
بيجي يوم واحد تشرق من الغرب!
والتعميم على مايقولوا لغة الجهلاء!
لكن المنطق غالبا يتدخل في أمور سواءا كانت
تجارب لنا أو لغيرنا !
المهم حابة أطرح رأيي بشأن رجل تقدم لأختي قبل أسبوع
وكان رجل مخلوع للمرة الأولى ومطلق للمرة الثانية!
وأنا أسمع ظروف خلعه من الاولى و طلاقه من الثانية
ما اقتنعت أبدًا ! مطلع نفسه بالمرتين مظلوم !
وأنا عندي فكرة عن الشخص اللي يحط الغلط بغيره
فكرة سيئة و كمان مخلوع !
انا عندي قناعة - أؤمن بها غالبا- مافيه حرمة تخلع رجل وترجع له
المهر بعد عشرة سنين ويكون رجل جيّد !
لو كانت سيئة أو حتى خائنة وخلعته عشان تتزوج (شخص معين(
في أسوأ الأحوال لو كان زوجها رجل جيّد بيطلق بدون خلع!
أما اللي بيوصل الموضوع للخلع ، هذا رجل يخوف بإختصار !
هذا برأيي ، أيش رأيكم ؟!
وعليكم السلام ورحمة الله وبركاته
الرّجل المخلوع
أجدت طرح المشكلة
وضعه يقع بين ما مهّدتِ به لموضوعك: والتعميم على مايقولوا لغة الجهلاء!
وما ختمتيه به: أما اللي بيوصل الموضوع للخلع ، هذا رجل يخوف بإختصار!
إذا كان التحرّي مطلوب تجاه أي خاطب, فإنّه بالنسبة للرجل المخلوع يجب التدقيق أكثر,
مع أنّ الإبتعاد عنه أكثر وقاية,,
__________________
إن كنت في مجالس الناس فاحفظ لسانك,
وإن كنت في بيوت الناس فاحفظ بصرك. ممتنّة لله وحده