يوم تحس انالموضوع بيصير لا محال له،،، وقتها قول لزوجتك انا عندبيشروطي وهي غصبا عنها توافق لانك تكرمت عليهم،،، قول الكناسه والمسح وغسيل الصحون والمواعين وتغسيل الملابس عليهم تراهم مش صغار هذيك عذرا وهذا رجال،،، استضفناهم في البيت اجلسي معاهم وفهميهم اباكم تساعدوني انا اختكم في شغل البيت عشان تخففون عني وراي دراسه ،،، انته اللي بيبقي لك هو الطبيخ اذا هي محد،،،، خليها تجلس معاهم قوليلها هذا رجال في الثناويه كثر خيري استضفتهم وبضغط علئ نفسي 3سنوات ما اريد احس باي ثقل وعطي اخوانك مهاهاتهم وخليهم يسوونها زين ما بيكون عندهم غيرها مع دراستهم. وافقتي خير وبركه لانه هذه مهامك اللي انا شايلها
|
اخوي اقدر احراجك لان وضعك صعب
ولكن شوف اخوي عندك واحد من اثنين اما انك ترضى بسكنهم عندك وتحط ببالك انهم ضيوف وتكرمهم مثل اي ضيف وعيب تقولهم اكنسوا واغسلوا هذولا ضيوف تقوم فيهم اختهم الله لا يهينها وانت حط رجل على رجل ولا لك علاقه في شغل البيت ابدا خلها هي اللي تتعب تبي اختها تساعدها بكيفهم تتفاهم هي واختها اما انك انت تقول لهم اشتغلوا ماهي زينه وراح تطلع بسواد الوجه بدال ماتكون متجمل وفهمها ان دخلك محدود وميزانيتك محدوده وماراح يتغير شي بمصروف البيت ومصاريف الضيوف اهلهم يرسلون لهم يدبرون نفوسهم واما انك ترفض بشكل قاطع ومافيه مجال للنقاش وخلها تفهم اهلها بطريقتها وتعتذر لهم بطريقتها |
وليش تهدد حياتك الزوجية يا اخي انت صاحب البيت وصاحب الكلمة ليش تكلم
زوجتك مستحيل تكلم اخوها.. والكلمة الي تستحي منها بداها امسك اخوها على جنب وقلة يافلان انا اعزك وقدرك ولاتزعل مني انا ماني قاعد اخذ راحتي في بيتي وحتي زوجتي ماهي قادرة تلبس لزوجها ومو معنى كلامي اني اكرهك او مبابيك انت خال عيالي وعلى راسي من فوق ولكن من حقي ارتاح في بيتي مثل كل زوج لكن بتسكت و وانت مو مرتاح هذا خطئ بحق نفسك لاتقعد اتجامل على سبيل راحتك وزوجتك مو بضروري تناقشها والكلام الي تقولة يمشي بكل احترام |
ياخي خلك صريح مع نفسك
اسأل نفسك هل انت قادر ماديا على الاقل باستضافتهم؟ اذا الجواب نعم زين استضيفهم واحتسب الاجر عند الله بغض النظر انهم نسايبك والا غيرهم واذا ماتقدر خلاص خلك صريح ارفض بشكل قاطع لانك فعلا ماتقدر منين راح تجيب الا اذا ان اهلهم يتكفلون فيهم وبمصاريفهم هذا شي ثاني يعني بالمختصر انت اجلس مع نفسك واترك عنك كلام زوجتك وشوف انت قادر على هالشي والا لا وبموجبه اتخذ القرار لكن انك توافق بس عشان زوجتك ماتزعل وانت ماتقدر منين راح تجيب خلك واضح وصريح مع نفسك مهما كانت الضغوط |
ياخوي كلم احد من أقاربهم ينصح الولد ان وجود اخته العذراء في بيت زوج الأخت مصيبة
واغلب المصائب تجي من اخت الزوجة او اخو الزوج و لازم الناس تبعد هالشيء انا بصراحة استغرب من الأهل اللي يخلون بنتهم عند اختها .. عندنا بيت الأخت مثل بيت اي شخص مجهول ما يخلونا ناخذ راحتنا فيه |
اذا انت مو قادر
لاتستضيفهم اقول لك ذا الكلام من واقع تجربه لانك ماراح تقدر تكمل معهم المعروف وراح ينقدونك انك ماتحملتهم خلك صريح قل انا اعرف بضروف لو عندي امكانيه ماقصرت اذا ابو امهم وام امهم وخالهم اخو امهم يعني لحمهم ودمهم مو قادرين يوفرون لهم مكان انت تو متزوج واظروفك اصعب |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|