السلام عليكم
بصراحه ماكنت ناويه اكتب عن مشكلتي
بس لمن شفت التفاعل من اعضاء المنتدى قلت اتوكل على الله واكتب مشكلتي
وطلب من المراقبين لايقعدون يكتبون الموضوع مغلق منعاً لتكرار الله يوفقكم انا محتاجه مساعدتكم
انا متزوجه لي اربع سنوات وماعندي اولاد مشكلتي ان زوجي سكير وعرفة هالشي بالصدفه ولمن واجهته اعترف وقال من ضيقة الصدر اسوي هالشي هددته ورحت عند اهلي شهر هذا كله بعد ماطول الموضوع وصار بشكل يومي يسكر ويجي وريحته ماتنطاق كلمته ونصحته يتأسف لي ويندم على سواته لدرجة والله العظيم انه يبكي من احتقاره لنفسه ويقول اخاف اموت وانا على الحال هذي.
انا احب زوجي ولا افكر بشكل جدي بالطلاق بسبب المشكله لانه انسان طيب والي ابيه يسويه لي وبنفس الوقت احس انه فيه شي من خوف لله لمني بديت اكلمه عن الجنه والناريبكي واحس الثار على وجهه
الان زوجي ينتهز فرصة الخميس والجمعه علشان يوديني لاهلي ويسوي الي يبيه انا اتاكد انه يسكر بالفتره هذي لان ريحته تكون قويه مره
ولاتقولون قولي لاهلك لان اهلي لو درو والله مايتركوني معاه ولادقيقه والمشكله ان مالي اخوان اكبر مني وفاهمين حتى اشكيلهم
ابيكم تفيدوني وش اسوي غير الدعاء اقصد فيه طريقه معينه للتعامل مع هالشخص