صديقتي وتهورها مع ابن عمها اللي في بالها خطيب المستقبل
موضوع او مشكله او قصه !! مدري وش أقول بس اعتقد مشكله خطيرة
وحده من صدقاتي المقربات جدا تفاجئت منها
وبصراحه بيني وبينكم طاحت من عيني
كنت أحس انها عاقله
بس طلعت متهوره وبايعه نفسها
هي سبق وقالت لي أيام المراهقه أنها تحب ولد عمها
وهو نفس الشي
بس كان الوسيط بينهم اخته بحكم انها كبر صديقتي ... المهم هذا الكلام لما كنا بال16 سنه ...
وخلاص كبرنا وتخرجنا من الثانويه وانا تزوجت وتفرقنا هي بكليه وانا بالجامعه صرنا ما نشوف بعضنا
بس مكالمات تلفون فقط ... واتعرفت لي أمس
بحركات هبال مع ولد عمها
وكانت تتكلم بجد ومحتاره
هل تصرفاتها مع ولد عمها صحيحه او خاطئه ؟؟
وكل همها انها هل بتطيح من عينه وما راح يتزوجها ؟؟
وهل انه تسرعت ؟؟
متناسيه انها اغضبت ربها بفعايلها ولا شالت هم ذنوبها اللي ارتكبتها ...
يعني هي صحيح ما وصلت للعميق معه بس يعني حركات مو حلوة بين بعضهم ..
قلت لها كيف تطلعين معه !! قالت أصلا ما طلعت معه كنا متجمعين في استراحه جدي وكلهم لاهين ورحت اتمشى انا وياه بالليل لما كلهم ناموا!!!
انا كنت بسكر الخط في وجهها
قهرتني قلت لها وين دينك ماتخافين من ربك؟؟
قالت انا وياه نحب بعض وبنتزوج قلت لها ليش مايخطبك الآن قالت لي ابوها رافض يزوجها الا لما تخلص دراستها
بالكليه!!!
قلت طيب يخطبك وتتملكون وسووا اللي تبون على الأقل شي بالحلال
قالت أبوي رافض ,,,,,,,,,,,,,,,,,,,,, بس انا وولد عمي قررنا نحطه أمام الأمر الواقع ونتهور بشي حتى هو يوافق
على الزواج الآن ...
انا صكني راسي صدعت وجلست أنصح فيها واقولها هذاا حرام حرام حرام
هذا ما هو من محارمك وهذا اجنبي عنك ..
ولا فيه أي فايده اذن من طين واذن من عجين ............. معنده الا رايها هو الصحيح
قلت لها انتي تبين ربي يعاقبك
تبين تزعلين ابوك وتفشلينه
انتي بكامل عقلك
!!!!!!!!!!!!!!!!!!!!!
وش اسوي معها هالمجنونه جلست اصراخ عليها واهزئها مانفع صاع عناد
قمت تهاوشت معها
قلت انتي كبيره وفاهمه وحرمه ووصلتي لسن تقدرين تميزين فيها الحلال من الحرام
والصح من الغلط وانتي وضميرك وانتي وخوفك من ربي!!
بس بصراحه قهرتني بكلامها الوسخ ما كأنها صديقتي اللي أعرفها كانت خلوقه ومؤدبه ما نسمع منها كلمه
وخجوله مدري وش صار لها انهبلت !!
وش الحل معها؟
__________________
يارب سهل حملي ويسر ولادتي وقومني بالسلامه وفرحني برؤية جنيني في حضني وانا وهو بأتم الصحه والعافيه ..