السلام عليكم انا عضوه جديده في هذا المنتدى الرائع الذي بالصدفه وجدته لاني ابحث عن احد يشاركوني همومي بعدما كتمتها في داخلي واوصدت قلبي عليها لكي لايعرف بها احد واطلب من اعضاء المنتدى مشاركتي موضوعي لعلي اجد اذان صاغيه
انا عمري 30سنه فتاة جامعيه ومن اسره ميسوره الحال معروفه باخلاقها من الجميع وصلت لهذا العمر ولم اخطب واملك الا من ثلاثه اشهر فقط نظرا لتشدد ابي الغالي الله يرحمه في امور زواجنا نظرا لخوفه علينا من ان نقع في ايدي رجل لايخاف الله ومن ثلاثه اشهر ملكت على ابن عمي الذي يعمل في منطقه اخرى ولااعرف عنه شيئا بس عمي كلم امي وكانت غير موافقه لان اسرتهم معروفه بانها سمعتها مو حلوه وكمان اخويه الاكبر كان غير موافق لانه سمع عن هذا الشخص انه كان على علاقة حب مع ابنه عمنا بس لانها ارمله ومعها طفله خافت ان تتنازل على طفلتها مقابل هذا الشاب فقرر العزوف عن امر الزواج بها بس انا لما سمعت انه هناك خاطب لي فرحت كثيرا خصوصا انه بلغت 30 ولم اتزوج وكانت بمثابه الفرصه لي فوافقت من غير تردد واقنعت اهلي رغم انهم كلهم كانوا رافضين وكمان هو مدخن ومامعه شهاده مثلي معه فقط المرحله المتوسطه ويشغل في شركه براتب زهيد جدا كل هذا كان لايهمني لانه كنت حابه اعيش في كنف رجل واكون اسره سعيده لم يهمني مستواه الدراسي ولا علاقة به القديمه ولاراتبه ولاشيئ لانه انا انسانه لاانظر الا للاخلاق فقط لاغير وتمت الملكه رغم انه اهلي كلهم كانوا رافضين ومش عاجبهم العريس طبعا احنا في فترة الملكه يعني مسموح له ياخذ رقم هاتفي ويكلمني طبعا كان طاير من الفرحه ويقول انه سعيد انه ماكان يتصور انه يتزوج وحده مثلي ذات اخلاق وشهاده وسمعه وانا لاامدح نفسي والعياذ بالله طبعا انا كنت طايره من الفرحه والسعاده كنت في قمه الفرح الا ان جاءت ليله كانت بمثابه الكارثه عندي كان يكلمني بالتلفون وفجاه اعترف لي بانه كانت له علاقات جنسيه مع بعض النساء ومنهم متزوجات ولكنه تاب وحابب يكمل حياته معي انا انصدمت كانت بالنسبه لي كارثه جلست ابكي وابكي وماعاد رديت على اتصالاته وهو جلس يدق عليه ويقولي انا تبت الله يغفر وانتي ماتغفري انا لملمت جراحي رغم اني ابكي في اليوم مليون مره وقررت استمر معه رغم الامي وانه نزل من عيني وعاتبته وقلت له لو سويت هذا الشيئ بعد الزواج ماراح استمر معه قال طيب اصلا مستحييل واستمريت معه وانا في اليوم اموت مليون مره واتظاهر اني احبه وانا غير ذلك وفي مره كانوا هو وابوه في السياره دق عليه وقالي انه هو وابوه يقولوا بعد ماتتعيني مدرسه انه راح اشتري له بيت وسياره انا انصدمت للمره الثانيه حاسه انه هذولي الناس داخلين على طمع فعاتبته وقلت له كيف اصلا تفكر كذا انت الرجل وانت المسؤول وانا ماعليه اساعدك بس مايعطيك الحق انك تستولي على راتبي لو تعينت هو عصب وقال انتي بخيله وكل البنات الموظفات يشتروا لازواجهم سيارات وبيوت وزعل من ذلك الوقت وصار يعاملني بجفاف وكل يوم مشكله

انا تعبت استحملت واستحملت ومااحس انه هذا الانسان المناسب لي وافكر افسخ الملكه وفي نفس الوقت خايفه اندم انا طالبه مشوررررتكم ارجوووووكم ساعدوني

تم تعديل العنوان ليتناسب مع المضمون

تندمين على ايش؟

زوج والسلام؟

مو مهم متزوجة مين يعني؟

وين ميزاته؟

توه مادخل عليك وطمعان بوظيفتك و بفلوسك ويصرح بكل وقاحة حتى مافيه حياء!

له سوابق زنا.. وناوي من الحين مايصرف ومدخن وشمعته هو وعائلته سيئة! سلمي لي عالاخلاق اللي تكلمتي عنها..

شهادة ماعنده! وحالته المادية مش ولابد..

تشوفين انه ينقص قدرك تاخرك عن الزواج شوي؟ لاتقولين لي الناس!

انتي اللي تقررين ومحد بيقرر عنك.. ولما تتزوجين وتطلع اشياء مستخبية ثانية برضو محد بيتحمل عنك

واذا اشتكيتي بيقولون انتي تزوجتي و محد جبرك!

اذا الأب كدا متخلف ويقول خلك مدرسه عشان تشتري لولدي سياره وبيت بالله كيف تبين الابن يطلع نصيحه افسخي الخطبه لنه غير مسؤول

وعليكم السلام ورحمة الله وبركاته

اهلاً بك ومرحباً اختي الغالية في هذا المنتدى ..

باذن الله يفيدوك من هم اكثر خبره مني اما انا فما اوصيك الا بالاستخارة ...

وان اردتي رأيي الشخصي المتواضع ، فاني لا ارى ان تستمري معه ..

الله يوفقك ويلهمك الصواب .

__________________
lk

يا بنت الحلال ،،، إنجي بنفسك
والله يعوضك بأرجل منه

__________________

يااختي الله ماشفناه بالعقل عرفناه...الله يرسل لك انذرات واضحة عن هذا الرجل..اخاف ان استمريتي تندمين اخاف بكره يغصبك راتبك ويذلك بعيالك لو جاكم عيال وساعتها صعبه الانفصال..مادمتي على البر استخيري واستشيري اهل الحكمة والعقل

__________________
سبحان الله وبحمده..سبحان الله العظيم

استخيري دامك ببدايتك
لا تقدمي على خطوة بالزواج
وانتي مو مرتاحة

انتبهي و اهربي منه

بكرة لو تزوجتي .. اهلك تكوني ضيفة عندهم
و تشيلي نفسك بنفسك

اهربي

احس نوعيتك من البنات ما عادت موجودة
ماتت البنت اللي تقول اهم شي اتزوج
خطيبك ابلقى فيه صفة وحدة حلوة ما لقيت
الله يرحم ابوك بس

إذا وحده عرفت إن خطيبها كان عايش حياته في مستنقع ولا حسيب ولا رقيب ولا أهل يربون وبعدها تكمل مراسم الزواج..... فالله يعينها ..