السلام عليكم ورحمة الله وبركاته
انا انخطبت قبل 8 شهور وزواجي بعد 3 شهور
مرت فترة الملكه مثل اي فتره طبيعيه تعارف مد وجزر بيني وبين خطيبي ..
بحكم إختلاف شخصيتي كـ انثى .. وهوا كـ رجل ..
وكنا صريحين مع بعضنا ف كل شي من البدايه علشان
ما ننصدم بعد الزواج ف صفات غطينا فيها ع بعضنا ..
انا جنوبيه غربيه فيني شوي شماليه بحكم ظروف الحياة ..
وخطيبي شمالي شرقي اوقات احس فيه جنوبيه خفيفه مراا ..
اتقدم ل اكثر من بنت قبلي وكانو يرفضونه ..
ماعرف اسبابهم طبعاً .. استخرت وكذا وافقت .. وكلت امري ل ربي ..
الشي هذا مرا كان فارق ف حياته ..
لأنو انا اعلا منه نسب وجمال واشياء ثانيه << ماحب اقول كذا بس علشان ابين لكم كل شي ..
هوا حس موافقتي عليه انو قهرت ناس كان يتشمتون فيه علشان انو مافي احد وافق عليه وكذا ..
هوا وضعه المادي شوي صعب راتبه قليل شوي الشي هذا ما حسسته فيه أبد ..
ب العكس سرت اقول له لا تشيل هم مصاريف الحياة ف بداية حياتنا ..
عادي حبه حبه شوي شوي لين ما تمشي حياتنا ..
كان مفكر ياخذ قرض علشان يأثث الشقه ..
قلت له لا عادي نأثث شوي شوي
ما ابغاك تدخل ف دوامة القروض ..
وهوا حاسس فيني انو انا اراعيه كثير وتفكيري مو مادي ..
واتغيرت نفسيته كثير حتى اهله لاحظو الشي هذا عليه ..
انا مريحه ف التعامل مرا .. وحسسته ب القبول من اول مرا ف كل شي ..
اسمع له اطبطب عليه اراعيه ل درجة سار يحكي لي كل شي عن حياته ..
وهذا مو من طبعه لأنو كتوم .. بس معاي اتغير كثير ..
ويقول لي ماكنت اتوقع راح ألاقي زوجه مثلك .. ف كل شي .. واشياء كثير ( أسرار بينا )
طبعاً بعد الملكه جا عندي مرتين بس ..
انا ماحبيت اضغط عليه واقول له لازم تجي ..
الشي اذا ما سواه هوا من نفسه ماراح يسير له طعم لما أطلب منه ..
بعد عيد الحج ما جا علشان يعايد علي ب حجة انو جا عندي ف بداية الشهر اللي قبله ..
الشي هذا جرحني انو ما فكر يعايد علي ويجي يسلم علي حتى لو كان عندي قبلها بيوم
بس ما قلت له .. ومشيتها ..
الحمدلله كل شي فيني عاجبه هوا عارف انو ماراح يلاقي مثلي ف صفات كثيره ..
مشكلتي معاه فترة الملكه الشي هذا اتكرر اكثر من مرا ..
تجي فترات يختفي ما يكلم ولا يرسل ولا شي
بعدين يجي يقول كنت مشغول ..
ما كنت اقول له شي بس كنت ألتمس له الأعذار ..
واقول عادي مع انو مو مبرر ابد له حتى لو رساله ع الواتس يعتذر لي انو مشغول ..
بس الحين اختفى يومين .. ارسلت له وش فيك مختفي .. ؟
يشوف المسج وما يرد ..
حتى مايرد مايقول مشغول ..
لما عصبت وارسلت له رساله انو ليش تسوي كذا وكل فترا تجي تسوي هذي الحركه .. رد قال مشغول ..
( طيب ليش ما قال لي هذي الكلمه من اول ؟ )

سكتت انا ماقلت له شي وجلس 5 ايام لا اتصال ولا رساله .. وانا ساكته ..
متأكده عنده وقت لو دقيقه بس يرسل لي يبرر غيابه ..
انا عندي اختبارات بعد يومين ..
حتى ما كلف ع نفسه وسألني كيف مذاكرتي ..
عصبت من حركاته مرا مرا ..
وارسلت له مسج انو سرت احس ب برود من برودك ..
وما ابغا اشوفك ولا اسمع صوتك وعادي عندي يتأخر الزواج وكلام كذا ..
وع قد ما تعطيني راح تاخذ مني .. واذا شفت تعاملي تغير معاك من اسلوبك ..
بعدها ما رد ..
ارسلت له مسج ..
قلت له من زمان ما شفتك وكذا وبدل ماتعوضني عن غيابك تزيد
علي وتسوي كذا وف وقت مو مناسب بعد << اقصد انو وقت اختباراتي ..

انا ما ابغا يكون مستهين فيني وحاسس انو انا طيبه وقاعده امشي
له امور كثيره ويستخف فيني وتسير حياتنا بعد الزواج كذا ..
انا ما ابغا تواصل 24 ساعه وقلت له هذا الكلام ..
يكفيني يحسسني انو انا ف حياته ..
لأني متأكده في اشياء اصغر مني اعطاها من وقته ف الوقت اللي مفروض يعطيني انا ..
نوعاً ما سار عندي برود تجاهه ..
ع قد ما كان فيني حياه ودلع ومتحمسه اعطيه واحبه ونعيش ف سعاده ..
سار فيني برووووود وعادي عندي اي شي ..
ولا متحمسه ل ولا شي معاه .. ووعادي عندي لو نوصل ل الانفصال ..
وجد استخرت وفكرت ف الإنفصال ..
لأني احسه شخص باارد ويقتل الحياة ..
وكل شي كنت افكر اسوي علشان اجهز ل الزواج سحبت عليه ..
وسرت اقول ليش اسوي كذا .. علشان وشو اسوي كذا ..

ياليت تدلوني ع حل ل المشكله هذي وش التصرف الصحيح اللي اتصرفه معاه ..
لأني ما ابغا الشي هذا يكبر وبعد الزواج يسير بينا انفصال نفسي واحنا عايشين مع بعض
انا اقدس الحياة الزوجيه ويهمني التواصل بين الزوجين وانو كل واحد راحه ل الثاني ..
بس مو مستعده انحط تحت اختبارات نفسيه عنيفه منه ..
وما احب لما احس انو احد استغل طيبتي ..

الحين هوا مارد علي ف الواتس ولا شي يشوف كلامي ومايرد ..
اسكت واخليه لين مايرد بس ما ارد عليه ابد .. راح اخليه يحس مثل اللي سوا فيني ..
او اكتب له مسج و اقول له شي ؟
وقبل كل شي ابغا احط حدووود ل حركاته هذي ..


يعطيكم العافيه يارب ..

اووووول شي..

اسالي نفسك مرة ثانية وعاشرة وخلك صريحة معاها.. هل انتي مقتنعة فيه 100٪؟

ثاني شي..

لما تراعين الشمالي كثير من النواحي المادية والرجل بشكل عام لما تضحين تضحيات ماطلبها منك بالنسبة له انتي قاعدة تعفينه من مسؤولياته.. هالشي وقفي وفكري فيه.. تفكير الرجال غير عنا من هالناحية

وبيني له انك سويتي هالشي لانك تشوفينه صح

مو عشان تكبرين بعينه <حطي خط تحت هذي

خلي اهلك يكثفون السؤال عنه برضو..

السلام عليكم ورحمة الله وبركاته ..
أختي الكريمة رُبما يعاني من أمراً ما يخفيه ويفكر بالأمور المادية بما أن زواجكِ قد اقترب أو ظرف ما ..
لا تُلحي عليه دعيه ولا تقلقي سيسأل عنك ، العتاب وهو بهذه الحالة سيكون ثقيلا جداً ..
انشغلي بإختباراتك الآن ..
أما بالنسبة لهذا سيكبر بعد الزواج وسيكون انفصال نفسي هذه خرافة من الأخرين ، فمن الطبيعي جداً بعد الزواج تمرين بعوائق ووو لكن المهم أن تكوني قادرة على حلها بعقلانية ..
والأمر الآخر لا تتحسسي من وجود المشاكل ، فلا يوجد حياة كاملة بتاتاً..
وفقكِ الله .

انا اوافق بشدة علي فكرة انفصالك عنه

وعليكم السلام ورحمته الله وبركاته

مبارك لك حبيبتي الخطوووبه والله يتمملك علي خيرر

فتره الخطوبه من اجمممل واحلا المراحل حياه غير ومشاعر جديده

بس الانسان يصنع من نفسسه المشاكل والحزازيات وضيقه الخلق

كل كلمه قلايها ياقلبي حااااسه فيك وفاهمه مشاعر ان خطيبك يتركك ومايرد او يبتعد عنك

لاكن ياحبيبتي لازم تشوفي حل يرضيك ويريح خطيبك

هو كان من البدابه معاك ومايتركك الا في هذي الفتره البسيطه لازم تعذريه
والرجال مايحبو جثره العتاب والالحاح بالرسايل او الاتصال
مهنا كان يحبك لازم يخلي مساحه لنفسه شوي يتنفس فيها وهذا مو معناته انه بعد زواج راح يتخلي عنك او عن مسؤوليته
ناحيتك وناحيته البيت
انتي كذلك محتاجه مساحه راحه تختلي بنفسك ترتبي وضعك وحجوزاتك وتجهزي لزواج
لاتخليه هو همممك الوحيد في يومك .. ليش ماكلمني ليش مارد علي
عيشي يومك بين اهلك وخواتك اذا ارسل كان بها اهلا وسهلا واذا ما ارسل الله يحفظه
عارفه شعور صعب يبتعد عنك لاكن عليك بالصبر وانا اختك
تحملي شوقك له واضغطي ع نفسسك واشغليها باشيا تفيدك


وكمان في اقتراح لو اتفقتي مع خطيبك ان لكم يوم في الاسبوع تجونوا متواجدين فيه مثل يوم الجمعه مثلا
افضل من طول الاسبوع وكل يوم احس راح تخلص السوالف ومافيه شوق

وكذا راح يريحك من عتاب ليش ما اتصلت وليش مارديت
وفكره انك تفجرين بالانفصال منشان هذا السبب اشوفه غريب هذي اول مشكله مريتي فيها واتفصلتي
بكره اذا صارلك اكبر لاسمح الله كيف تتصرفي تعوذي من الشيطان واتركيه ولا تلحي عليه ابد
وبيرجع انشالله .. واذا رجع حاسببي تعاتبيه او تشرهي عليه

انسي وتغاضي واستقبليه بشوووق



سسسسسخر الله لك ويسسر امرگ

الله يتمم علي خير وتوكم ما بعد عرفتي الرجال صح العشره تبين كل شي

يعطيكم العافيه

الله يفرج همومكم ويفتح عليكم

اكبر غلطه سويتيها لما رفضتي يطلع قرض ياثث بكره لما يتهاون في التاثيث لاتلومي الا نفسك واقلك من تجربه الرجل مايحس انه تزوج الا لما يدفع دم قلبه .....

الافضل تقولي اهلي رفضو اني ادخل بيتي بدون اثاث ً


بالنسبه لتعامله معاك اسالو عنه كثيييير خاصه الي خطب عندهم ممكن عنده حاله نفسيه او شي .....

الله يكتب لك مافيه الخير بس انتبهي لا ترسلي له شي طنشيه وخليه يرجع من وحده

وع فكره في شباب ينصحو بعض ( اثقل عليها ،خليها تجري وراك ، البنت تحب الرجل الثقيل .....الخ ممكن قاعد يرخي اذنه لهم

يعطيكم العافيه ..

هوا يقرب لنا تقريباً نعرف كثير عنه ..
وابوي سأل عنه .. ومهما سألنا ما يطلع كل شي الا
ب المعاشره .. اهم شي صلاته واحترامه ل اهله وكلام الناس عنه ..
والاشياء الثانيه استودعت ربي وكلته كل امري ..

ب النسبه ل القرض لما ياخذ قرض انا الخسرانه ..
كم راح يصفى لنا من راتبه ؟
علشان يجيب اثاث ومدري وشو نسير يا دوب ناكل
ويا دوب نطلع وفواتيرنا واحتياجاتنا .. عادي الاثاث لاحقين عليه ..
هذي وجهة نظري .. لأنو فكرت فيها مو بس هوا الخسران
انا بعد ..

الله يكتب اللي فيه الخير .. وينور لي حياتي وحياتكم

ويعطيكم العافيه يارب ع وقتكم