السلام عليكم

أخوكم طالب طب في السنة الرابعة متأخر دراسيا عمري 25 طبعا المفروض أكون تخرجت لكن قدر الله تأخرت بسبب إهمال السنوات الأولى بعدها مشي الحال

انا الآن أفكر بالزواج من وحدة أقل مني بسنتين راح أسكنها بشقة مستقلة و الوالد متكفل فيني في كل شيء براتب شهري وسيارة و كل شيء

انتظر آراءكم و اقتراحاتكم

انا اقول تجمع تكاليف الزواج من الحين وتخليها لين تتخرج وتتزوج قبل الامتياز..

مو حلوة بحقك ولا انت نفسك بتحس الوضع طبيعي انك تعيش زوجتك على مصروف ابوك..

غالبا مايزوجون واحد بدون وظيفة او طالب.. وهذا منطقي..

و الله هو بالنسبة لي راح أحس إن الوضع طبيعي اذا أبوي يصرف علي ومافيها شيئ من أي ناحية و تقريبا ما أشوف فيها خلل

أشكرك على المشاركة

ابوك يصرف عليك وانت طالب ووحيد..

مو يصرف على رجال بزوجته ومعه بيبي.. صعب!!!

وبيني وبينك بدون زعل "عيب"

ولنفرض لاسمح الله تعثرت دراستك مرة ثانية..

بيكمل ابوك يصرف عليك وعلى زوجتك؟ الوضع مو امن بالنسبة للزوجة..

غريب أو غريبة تفكيرك عادي ما فيها شيء بالنسبة للصرف إذا أبوي راح يوفرلي راتب بشكل ثابت أغطي نفسي فيه ما فيها شيء بالنسبة لي و كمان لأبوي

ووش العيب في الموضوع ؟؟

تسال وين العيب..

طيب انا بسالك اين الرجولة وتحمل المسؤولية في الموضوع؟

كيف بتحس انك متزوج اصلا وانت ماتغيرت حياتك غير ان في وحدة جت سكنت معاك بالبيت؟

الرجولة بنظرك إنه من وين أجيب فلوسي !!

الرجولة و تحمل المسؤولية إنه في شخص دخل حياتك وصار تحت جناحك المفروض يكون بأمان و يعيش بخير تحت ظلك بدون ما يقلق

و اللي جت و سكنت معي في البيت مو شيئ كبير بنظرك ؟؟

مو وحدة تركت بيت أهلها عشان تعيش مع رجال غريب و تشاركه المسؤولية

أستغرب إصرارك على إن موضوع الزواج فقط يقتصر على المال

إنه في وحدة ترتاح معها و تبادلك نفس الشعور و تشاركك حياتها راح يغني عن التفكير المادي

و بشكل أو بآخر مشكلتي مي مادية الحمدلله الله كافيها و ميسرة

لم اقل ان الزواج يقتصر على المال! لاتلف الحكي وتفهمه غلط!

تحت جناحه على اي اساس؟

كيف تشعر بقوامتك عليها؟ وانت لست مستقلا بعد!

نتكلم عن فطرة واساسيات الزواج!

و الله مدري وش أرد
طيب إذا الزواج ما يقتصر على المال

فبرأيك صارت الرجولة تقتصر على المال !!

الموضوع مبدا كيف يتحمل المسؤولية وهو اخر الشهر يمد يده لـ"بابا" ياخذ مصروف يأكل فيه زوجته!!! ماتبي تفهمه انت حر..

وصلت وجهة نظري وكلامي واضح..