هذا اللي انا اقصده


يا اختي عيون فاتنه


ما أخذ من الدين وااحاديث الرسوا غير هالحديث


وناسي كل الأحاديث الثانيه


وأولهم غض البصر عن ماحرم ربي مغير مبقق عيونه بالحريم اللهم لك الحمد


الله يعين وربي يصبر قلبي على طبايعه الغريبه نوعا ما !!!!

__________________

الله يعينج عزيزتي ويصبرج....ويتمم حملج على خير...

انتي يالغاليه مب غلطانه...واهنيج على صبرج وهدوئج....مثل ما قالوا الاخوان والاخوات

كوني عاااااديه جدا...وتصرفي معاه عادي...لا تشيلين في خاطرج ...حتى لو كان معصب

او زعلان....ما عليج منه ولا تردين او تتناقشين معاه وهو معصب ...واكرر كوني عااااديه اختي..

والله يفرج همج....ويسعدج..

اختج...لمني بشوق

__________________

الله يعينك حبيبتي الريم على هالموقف..

أولا أقول لك إنك ماغلطتي ولا تعتذري..
لكن خلي الموضوع يعدي..
وخلك طبيعية.. وكأنك ناسية الموضوع..

هذا بدل ما الزوج يراعي زوجته بهالفترة ويقدر وضعها وتعبها مع ثقل الحمل ..
وإنها شايلة ببطنها ولده ..
وتعبانة عشان تجيب له الولد ..
وهو مايبذل اي جهود سوى إنه يدفع كم من ريال من جيبه على هالولد ..؟؟؟؟؟؟

مرة ثانية إذا زوجك ما يمانع لا تاخذينه معاك السوق..
إخذي أمك.. أختك.. أخوك .. أخت زوجك .. أو أمه .. أي حد بس مايكون هو ..
ترى السوق كله بلاوي..
وحريم من جميع الأشكال.. الله يرحمنا برحمته ..
و أزواجنا صاروا يبصبصون ومايهمهم غذا زوجاتهم معاهم أو لا ..
وما يهمهم إذا زعلوا أو ما زعلوا ..
أهم شي يمتعون نظرهم ..

لا حول ولا قوة إلا بالله ..

مشكورين على مشاركتكم لي بمشكلتي


ويا اختي وحبيبتي بحرينيه ولكن



انا مالي غيره يوديني للسوق صحيح عندنا سواق بس أمي دايم تاخذه وتروح بيت اهلها وبيتهم بعيد لأن امها مريضه

وكبيره بالسن محتاجه لأحد يزورها شبه يوميا وطبعا الكل تخلى عنها مافيه غير أمي



يعني أنا ملزومه انه يوديني

وأنا شوفي صح أغار من نظراته للحريم

بس ما هي هذيك الغيره أنا واثقه من نفسي بس اللي يقهرني ويغثني ويجيب لي الهم والغم


أني لما أتكشخ وأتزين وألبس و..و..و الخ


مايعطيني كلمه وحده لا مدح ولاذم بس يطالع بعيونه


واذا بغيته يختار لي على ذوقه فستان او بلوزة او قميص نوم يقول ما عرف ما عرف اي شي اختاري انتي




وامس بالسوق شاف بلوزة قال هذي أحس تناسب لوحده سمينه


وأحس هذا الفستان يناسب لوحده نحيفه وطويله

وقام يعطي آراء في أجسام الحريم


كأني رجال جنبه مو حرمه مثلهم

وانا ولا شي مايقول نفسي أشوف هاللون عليك

أحب هالنوعيه من اللبس عليك لا استحاله يطلع حكي لزوجته





قاهرني قاهرني فاقع قلبي

وأخرتها يقول (( ليش تلهثين كأنك كلب )) أقلها كان رحمتني وشريت لي مويه أشربها,,,,,,,,



أأأأأأأأأأأأأأأاخ بس وش أقول بهالرجال المتبلد الاحساس ويشغل احاسيسه للناس الثانيه !!!

__________________

يابنت الحلال طنشي
لو بتدققين بتتعبين
كلميه بس حسسيه ان فيك شيء

الله ييسر امورك ياااااااااااااااااااااااااااااارب

الله يكون بعونك يالغلا

لاتعتذرين له ولا شيء

تصرفي طبيعي وكالميه ولا كان شيء صار

وبعدين اذا شفتيه جالس معك ومرتاح

سوي نفسك تفكرين وحزينه بيقول وش فيك

تكالمي بصوت يقطع القلب انك كل ماذكرتي كلمته بسوق ليش تلهثين كأنك كلب

انه يتقطع قلبك كنت تتنتظرين منه كلمه حلو يابعد قلبي تعبتي او اقل شيء الله يعطيك العافية

بس قولي الكلمه هذا بنبرة حزن مو بهوش وشوفي كيف بيتأثر فيك

اذكر موقف صار لى وسكت وقالته الزوجي بالطريقه هذا

والله تندم عدد شعر راسه

وقالي كم مره كل ماتذكرت موقفي معك

يضيق صدري كيف كان ماعندي قلب

الرجال ماينفع بالهوش والزعل الرجال يبي كيد شوي ولين

بعدين ياقلبي ليش تمشينه معك بالسوق

انا زوجي ينزلني ودخل السوق انا وبنتي بس

واكون متفقه مع احد من خواتي او زميلاتي

صراحه ماينفع الرجال بسوق حتى يشتت تفكيرك


الله يسعدك ويقومك بالسلامه

__________________
سبحان الله وبحمده

ياالغاليه مافيها كلام هو الغلطان أكيد
بس الوحده مننا ايش تسوي؟؟؟
مالنا غناة عنهم
وانتي أهم شي بينتيله انك زعلت وضايقتك تصرفاته
وأكيد هو عارف انو كلامه وتصرفاته تزعل بس لو تموتين
مايعترفون
يومين وتهدون ان شاء الله
أمسكيه وكلميه وقوليله على اللي يضايقك
وانك تمرين بمرحله لازم يكون يراعي فيها أكثر من أول

الله يسعدكم حبيبتي ويسخركم لبعض

اول شى مبرووووك لأنج حامل ربي يقومج بالسلامه حبيبتي ليش تعتذرين؟؟ انتي مو غلطانه سوي نفسج عاديه جدا و

لا كأنه شى صار هو راح يحس بنفسه و انا اتمنى انى انزف و لو مره وحده

اختي ريم:
حشاك الغلط هو الي غلطان وتصرفه كان بس يبغاك تطفشين بسرعه وتطلعين من السوق اكيد عنده شغله او موعد مستعجل عليه وعطلتيه
كثير من الرجال يتصرفون نفس تصرف زوجك علشان يبطلون حريمهم ينزلون السوق ولو بيتغزل ويطالع في الحريم كان في وقت وزمان انتي منتي معاه
خذي الموضوع ببساطه والله يقومك بالسلامه

يا اختي كان تبين ترتاحين بحياتك معاه لا تدققين عليه التدقيق هو سبب مشاكلنا مع ازواجنا

وتعليقه عادي جدا ومن باب المزح وهذا دليل انه مو غصب موديك للسوق بعض الازواج يكشر بوجه زوجته بالسوق ولا يكلمها ولا كلمه ويالله بسرعه وافف ومن هالكلام اللي يقهر

اللي يخربنا ياالحريم اننا نبي ازواجنا يسولفون معنا مثل اصدقاءهم واذا كانو صريحين زعلنا

يا عزيزتي كوني له زوجه وصديقه بنفس الوقت والاشياء اللي تزعجك منه لا تقولينله الين يكررها او يتمادى فيها

واللي صار بينكم عادي لا هو يعتذر ولا انتي تعتذرين لان ما حصل شي كبير

ومن رايي انك تتكلمين معاه عادي ولا كأن شي صار ولا تفتحين معه الموضوع نهائيا