السلام عليكم


اخي انت تعلم ان ابغض الحلال الى الله الطلاق ,,,


اخي ليس بينك انت وزوجتك اي خلاف في البداية واسال الله ان يرجعكم لبعض بدون مشاكل ,,,,,


الحل سهل لانكم في الاساس عالجتم المشكلة ولكن بقيت الاثار الجانبية نتيجة العلاج ولتفادي الاثار الجانبية عليك بالحلم والتوجيه للزوجة والصبر وذكر المعروف لها وانك وقفت معها بالحق ضد اهلك ... ولكن بين لها انك لاترضى الخطأ منهم ولامنها ....


انت فعلا رجل تذكرها بالخير وتحبها وهذا فعلا من شيم الرجال ولكن اخي رويدا وفكر بابنتك وزوجتك التي هي امها ومربيتها وانت ذكرت ان عملك بعيد عن بيت اهل زوجتك ففكر ايضا بالشتات الذي سيحصل لابنتك .........

اخي لوقارنت حجم المشكلة ببنتك وزوجتك وبيتك والعشرة اللي بينكم سترى ان المشكلة لاشيء .......

وفقك الله واسال الله ان يجمع بينكم وان يبعد الشيطان من طريقكم .....

تقبل تحياتي ............

شكلك منتب خبير بالحريم واخذن الامور بجديه بزياده00اولا زوجتك تموت عليك والدليل انها تتعالج تدري ليش ب


بسبب فراقك تحسب انك صممت على الطلاق مادريت انك تقطع عليه واحسن لاتدري وشلون لو تبي تزوج كان بالمقبره


وبعدين اذا طلبت الطلاق خذ الامور بمزح وتطنز امسك اعصابك مثل زوجي اطلب منه الطلاق وانا بي روعه خايفه بس وش


تقول كيد حريم الله لايبلانا ومره قالي اركبي السياره حسبه يمزح وما دريت الا انا عند باب اهلي وعييييييييييييييت مانزلت


عاد تعال شف الفشيله وبعده بيني وبينك تادبت000ام مشكلة الاهل اتكلم معه بسبب موقف فضيع يصيرلي معهم وهو


ان كان الجدار يتكلم فهو يتكلم انا متحمسه واذا التفت عليه تخيل القاه نايم ويشخر بعد عاد دورني ماتلقان من القهر


يصبح يروح لعمله ولا كان شي صار وانا اغلي بالنهايه كرهت شي اسمه كلام باهله00 بالعربي حط خطوط حمرا بحياتك


ولا تاخذ الامور بمحمل الجد ارخ شوي 00ملاحظه لاترسل رسايل علشان اذا رحت تبي الصلح كانك طاب عليه من السماء



ماتصدق خبر 000ارجو انك استفدت من تجاربي

بتصير كتير مشاكل بين الازواج
بس مو كل مشكلة بدنا نفكر ساعتها بالطلاق
اقعد واتتفاهمو مع بعض وشوفوا شو اللي ممكن يهدي الوضع
وشو هو الحل المناسب غير الطلاق طبعا
والله يسعدك

عسى الله يهدي سركم ... وتعود المياه الى مجاريها ...

في البدايه انت الغلطان وفي النهاية أيضاً انت الغلطان لعدة أسباب منها أنك دخلت نفسك بين مشاكل الحريم ولم يكن يفترض بك اكثر من دخولك انت ووالدك في الموضوع واقناع خواتك بالاعتذار منها وهذا ماحصل فيفترض بأن تدخلك لم يتعدى هذا ولا يجب الخوض في المشكلة ومن المتسبب وما السبب لأنها دائرة تتسع ولا تقف عند حد معين , واخطأت بعدم احترامك لوالدها وهو كما قلت رجل طيب فمن باب اولى كان أجدر بالإحترام حتى وان اخطأ عليك فهو يعتبر بمقام والدك , وتخيل لو أن الوضع كان العكس أي أنها هي قلت أدبها على أمك أو أبوك ... وكلامي هذا ليس من باب اللوم فما مضى مضى ولكن لكي لا يخيل لك الشيطان أن مافعلته هو الصح وان الخطأ كاسيها من رأسها لأسفل قدمها ... وأخطأت أيضاً بسبها ولعنها وتبادل الشتائم معها فأنت الرجل في النهاية وليس حرياً بك ملاسنتها فلو كان ردك كليها بصفعة كف أفضل من تبادل السباب والشتائم واذا لم يكن هناك خيار سوى ضربة كف لكان أفضل من المجاراة بالسب والشتم ... أما فيما يخص طلبها للطلاق ليس من الصح بأنه عند حدوث مشكلة خلاص تقول لك خلاص بروح لأهلي وانت على طول يله روحي أصلاً حتى لو جهزت عفشها ولمت شناطها طنش الشقى والتعب عليها زي مالمتهم ترجعهم وعادي كثير من الحريم بلحظات الزعل طلقني ودني لأهلي ماني جالست لك بالبيت ومن الكلام هذا لكن لا جا الجد تجد انهم مايقصدونه ولا يتمنونه ويبقى السبب الأهم أن الخطأ عليك هو ان زوجتك تراجع طبيب نفسي وبطلب منها هذا شي تشكر عليه هي دليل انها حاسه بأنها بحاجة علاج نفسي وفي هذه الحالة تكون بحاجة وقوفك بجانبها وتحملها أما ما يخص مشاكلكم فهي تقريباً تنحصر فيما حصل بينها وبين اخواتك وتبعات الموضوع ... وهذا حله بسيط كان يفترض بك أن تقول يازوجتي ياحبيبتي يا حياتي الموضوع حصل وانتهى واعتذار اعتذروا لك ولو كل من صارت له مشكلة وقف عندها كان حياة الكون كله وقفت من أول مشكله ولما استمرت الحياة وانا وانتي بيننا وبين اهلنا 1000 كيلو والروحات مانروح الا بالاجازات كم يوم واذا طولت قعدتنا عندهم رحنا بالصيف يادوب شهر وبقية السنه انتي وانا هنا اداريكي وتداريني تتحمليني واتحملك اخاف عليكي وتخافي علي تشجعيني واشجعك اعينك وتعينيني يعني باختصار انا مالي الا انتي مثل ماني حاط في بالي ان مالك الا انا اذا ضحكتي لي شفت دنياي كلها تضحك لي وعشان كذا لا تزعلي ولا تتضايقي لأجل ماتظلم دنياي بوجهي لأني بحاجة ضحكتك لأجل أحقق النجاح بالعمل والدراسة وحنا هنا مع بعض تقريباً 11 شهر مانقدر نتحمل شهر واحد بالسنه حتى لو كان من أول يوم لآخر يوم مشاكل في مشاكل وليتنا نكتفي بالمشاكل اللي تصير هناك واذا رجعنا نسيناها نروح نجيبها معانا وليتنا نجيبها وبس لا نعيش فيها على طول ونقعد نعيد ونزيد فيها ونتذكرها كل شوي ....

اخي الكريم .........

تقول انك تحبها استمر على ذلك ....انت من النوع اللي ماتعودت على المشاكل ولكن هذة ضريبة

الزواج لابد ان تعترية الخلافات ....والحل هو الصبر والتغاضي .....

اذا بدأت زوجتك بالتهجم على خواتك اترك اذن من طين واذن من عجين .....سوي نفسك ماركزت معها

والله مرة مرتين وبعدين راح تستحي انها تفتح الموضوع ....علاقتك بخواتك ليست سنة او سنتين ....

مهما كان بنت الناس تبدلها بساعة وخواتك مستحيل ....قل لزوجتك مهما كان هاذولي خواتي ماارضى

تجيبين سيرتهم ...ترضين اسب أخوانك ....

حبب زوجتك بخواتك..... وحبب خواتك بزوجتك ....

بعد ماترجع زوجتك اعزمها وخواتك على عشاءحتى لو كان في بيت اهلك ......

لاتكبر المشاكل والله راح تتعب ..... لاتكون بصف زوجتك تخسر اهلك كلهم ....ولاتكون بصف اهلك تخسر

زوجتك وانت تحبها ...اجمع بين الاثنين والله انت الرابح الاكبر......

سؤال هل انتم عايشين مع اهلك ؟؟؟خواتك متزوجات ؟؟

لاتلوم امها لا تظلمها ....الام اقرب لها البنت وكيف اذا كانت وحيدتها اكيد راح تكون متعلقة فيها والبنت كذلك

لاتضغط عليها بين فترة وفترة اتركها تروح لها .....

الله يجمع بينكم على خير ....

تقبل مروري .......

السلام عليكم ورحمة الله وبركاته

الحل بسيط جدا ولا يريد كل هالعصبيه


اتصال صغير بوالدها وقل له يا عمي جايه اعتذر منك


واذا تقدر تاخذ والدك ووالدتك ما تقصر



ثم تحضر معك باقة ورد كبيره


وحل الموضوع فورا




اول شي باقة ورد كبيره جدااا


واعزم عمك ومرت عمك وخذهم معك لمدة اسبوع


طيب خاطرهم جميعا واعملو شهر عسل كلكم مع بعض


خليها تحس انك تحب وتحترم اهلها


عشان تحس بالامان وقل لها اك دايما كل مده رح تعمل لها مفاجئه اما تروح هي اسبوع لعند اهلها



او تحضر امها لعندها اسبوع


وهي مع الزمن رح تنشغل بالاولاد وتقول لك مش قادره اروح



والاحترام واجب بين اخوتك وزوجتك


انت تقول اها تتعالج عند طبيب نفسي

ااكيد انهارت اعصابها من قوة الشجار للي حصل بينكم


حرااام اكيد انصدمت


انتم الاثنان غلطانين


وقت تقول لك اخوتك ما يحبوني اطلب منها انها تخليهم يحبونها


ايضا قلت انها تعامل امك وابوك بالحسنى وهم ايضا




كبرها بتكبر صغرها بتصغر

القضيه مش مستاهله


انما لازم يكون هناك وعد قاطع بينك وبينها انو ترجعو عرايس

والاحترام وانكم ما تستغنو عن بعض


خذ اجازه من العمل اسبوع اعتقد انو حياتك تستاهل اسبوع

افضل من الطلاق والزواج من الثانيه


وايضا رح تتحول نظرتك لاخوتك بالكره وانهم هم السبب في طلاقك



انت شكلك رجل عاقل ومتفهم والحل بيدك


اتمنى انو ما تطول المده لان البعد يولد الجفا


اقرأ سورة البقره وآية الكرسي وادخل زي السبع وكن رجلا بلباقتك وحسن ردك


عشان تمسح كل الغلط الله يوفقك

__________________
http://live.gph.gov.sa/
اللهم اني استودعك اولادي

الله يصلح حالكم ..

__________________

قد قيل ... اني لأرى ذنبي .. في خُلق زوجتي ودابتي..!!

الأخ السيف المهند أولا انا أشكرك ثانيا انا يا عزيزي لم أتهاون في مسألة ذهابها لبيت أهلها انا رفضت لكن جاني اتصال من والدها نفس يوم الجدال الحاد وقالي بالحرف الواحد يا تجيبها عني يا اجيك آخذها عاد لحظتها عصبت وقلت له شوف زوجتي بتبقى في بيتي غصب عنها وعنك قال لي ليش متى استعبدتها؟ قلت له ما استعبدتها لكن هذي من حقوقي قال لازم تجيبها في أقرب فرصة ولا بتكبر السالفة بينكم وبتوصل لما لايحمد عقباه عاد قلت له بعدما هديت وفكرت خلاص ابوديها لكم والله يكتب ما فيه الخير الحين عزيزي السيف المهند حط نفسك بمكاني وش تسوي؟
apple-green صدق العطا الشكر الجزيل لمشاركتكم
نشمية نجد: السالفة ما هي قلة خبرة بالنساء لكن الواحد لما يكون مشغول بعمل ودراسة ومو فاضي للمشاكل وتكرارها وانا اعرف الحب اللي بيني وبينها لكن لازم يكون فيه حد لإنهاء المشاكل

أخي الفاضل ***
ما هكذا تورد الإبل *** أنت غلطان بردك على أبو زوجتك ***
المفروض يكون ردك دبلوماسي *** وكان قلت له أبشر بالخير مايصير خاطرك إلا طيب***
وأن شاء الله في أقرب فرصه ابجيبها لكم *** لا تحاول تعقد الأمور وتصب الزيت على النار***
يا أخي حاول أنك تكسب والد زوجتك *** علشان يكون في صفك ***
ويدافع عنك عند حماتك *** لكن يهذه الطريقه سوف يكون الجميع ضدك ***
أنصحك أن تأخذ إجازة وتذهب لوالد زوجتك وتعتذر له ***
وتنقاشه بالموضوع بالين وبهدوء *** وإذا عصب قله يكون خير وحب رأسه ***
واخرج من عنده بدون أن ترد عليه ***علشان يندم على تصرفه ***
هذا مثال بسيط عن كيفية التعامل في هذه الظروف ***
وإذا رجعت زوجتك *** وأنا أن شاء الله متفائل كثير برجعتها ***
حاول أن تكون حازم بعض الشي *** بدون تجريح أو سبها وشتمها وشتم أهلها***
لازم تعرف أن الزوجة لا ترضى بأن تقلل من قيمة أهلها *** حاول أن تذكرهم بالخير ***
لو مجامله *** علشان تكسب زوجتك وتعيش معاها بسعاده ***
ومثل ماقلت لك في ردي السابق أن بعض الزوجات يتفوهون بكلام لا يثمنون عواقبه ***
وبالنسبة للمشكلة التي حصلت بينها وبين أخواتك ***
هذا شي عادي يحصل في كثير من البيوت *** وسببه الغيره بين النساء ***
وحاول أنك ماتفتح المجال لزوجتك أو أخواتك بالكلام عن بعضهم البعض ***
وخلك رزين *** ودبلوماسي *** ولا تستعجل بالكلام ***
ولا تتخذ قرار إلإ بعد تفكير عميق وأنت رايق علشان ما تتندم حيث لا ينفع الندم ***
بالتوفيق أن شاء الله 0

تحياتي 0