السلام عليكم ورحمة الله
أول مشاركة لي بالمنتدى
يا أخوان وأخوات
أنا متزوج لي سنوات وعمري 31 , لكن ما جاني أولاد
وعايش مع زوجتي مبسوط , وهي مو مقصرة معي بشي وتحبني وانا كذلك, وانا بعد مو مقصر معها وسمح كثيير
لكني مهموم , وفكري مشغول
أبغى أتزوج ثانية أبغى فيها مواصفات معينة , ولقيت كثير
وأنا الحمد لله مستقيم وما عندي لف ولا دوران وإن شاء الله أني راح أعدل
المشكلة :
أني ما أصبر إذا رحت للسوق مع زوجتي من كثرة ما أشوف من الفتن
ودي أكسر هذا الشي الي فيني وآخذ وحدة ثانية حتى أرتاح ,ويطيح الي براسي وأعيش أحسن عيشة بعد ذلك ومنها يجيني ولد إن شاء الله
وفيه شيء ثاني , يتعلق بالفراش
وش رايكم ؟
أحس كل تفكيري في الزواج , مع اني قبل ما كنت أفكر فيه ؟
وانا انسان طموح وهمتي عالية ودراستي عليا وموظف في وظيفة مرموقة
وراح أبحث لي عن مطلقة أو أرملة عمرها فوق 25 إلى قريب من عمري او أكثر شوي ؟ اريد احتساب الاجر
.
وش رايكم يا إخوان وأخوات ؟
الله في عون العبد ما كان العبد في عون أخيه

اخي لكريم انت ماوضحت سبب عدم الانجا ب هل هو عيب في الزوجة او هكذا من الله وايضا لم افهم مادخل السوق في مشكلتك وواضح من كلامك ان الانجاب ليس هدفا مهما انما امرثانوي نصيحة ان كنت مرتاحا مع زوجتك فعالجها ان كان مانع ا لانجاب مرضي
اسأل لله لك الذرية الصالحة والحياة السعيدة

شكرا لك
الإنجاب سبب من الأسباب , أحيانا يكون عيب وأحيانا تكون سليمة وما فيها شيء لكن ما تحمل
المشكلة الفتن الي نشوفها والعبايات المخصرة
لا تقولي عندك زوجتك
نعم عندي زوجتي والله يجزيها خير
بس أتطلع إلى غيرها غصب عني

أعقلها وتوكل على الله أهم شيء يكون نيتك خالصة لوجهه الله -يعني يكون قصدك الولد وإعفاف أخت لك في الله والأهم من ذلك أن تكون عادلا بين زوجاتك

وأنصحك أن تتزوج بكرا لأنك مازلت صغير السن سوف تجد فتاة صغيرة لم تتزوج بعد وسوف تقبل بك

وعليك بالدعاء والاستخارة وعدم الترددوإنما يجب أن تكون جادا وهماما وربي يوفقك في زوجة مثل زوجتك وتكون ولادة

وأذكر أن رجلا تزوج من أخرى حيث أن زوجته الاولى قد يأس منها لكن سبحان الله تزوج فحملت الثانية وبعد عدة أشهر حملت الاولى لأول مرة وأنجبتا الزوجتان طفلان

-وعلى زوجتك أن تكثر من الاستغفار لأنه سبب لكل خير

-ايضا أنصحك بأن تفحص نفسك في مستشفى وعليك بالرقية وقراءة سورة البقرة وملازمة الاستغفااار

فقلت استغفروا ربكم انه كان غفار يرسل السماء عليكم مدرارا ويمددكم بأموال وبنين) سورة نوح

__________________

	لادار للمرء بعد الموت يسكنها**إلا التي كان قبل الموت بانيها فاءن بناهابخيرطاب ساكنها**وإن بناهابشرخاب بانيها وأعمل لدارالبقاء رضوان خازنها**الجار أحمد والرحمن بانيها أرض لها ذهب والمسك طينتها**والزعفران حشيش نابت فيها

الله يجزاك خيرا يا الكسائي
وإن شاء الله إنك مثل الكسائي القارئ والنحوي المشهور
والله إني ما أريد إلا إعفاف نفسي , واكتساب الأجر في بنت المسلمين , والله شاهد .

الموحد لله ..

الي حسسني بحسن نيتك .. شغلتين .. انك فكرت بمطلقة واخذت العمر ايضا

بعين الاعتبار حبيت تاخذ وحدة عمرها 25 وفوق يعني صاير احسن من ناس كثير صراحة .. انتبهت للعمر وتاثيره
على التوافق بين الزوجين ..


لكن اول شي .. تاكد وش سبب رغبتك بالزواج .. هو هو فعلا تاخر زوجتك بالانجاب ؟؟؟

ولا روحتك معها للسوق وشوفتك للبنات واشكالهم .. ضروري الشخص يكون فاهم نفسه

واسباب افعاله الموحد لله .. ليش ؟ لان لو كان السبب عشان السوق والبنات

فلا تتوقع ان حلها بالزواج .. لانك بكل بساطة بتروح مع الثانية للسوق وتشوف نفس البنات

وتفكر بالثالثة .. وتدخل نفسك بمتاهة انت بغنى عنها ..

وغير كذا اصلا مشكلة السوق والفتنة حلها ابسط من انك تفكر بالزواج الثاني .. بكل بساطة لا تنزل مع زوجتك السوق .. خلها لحالها او مع اهلها ..

ولكن لو السبب الانجاب

بصراحة اقول لك توكل على الله والله يبارك لك ويجعل خير لك .. ولو اني اءيد انك تصبر

على زوجتك كم سنة ايضا خصوصا وانك توك صغير والعمر قدامك ان شاء الله ..

دمت بود



الكسائي ... افهم من كلامك ان المطلقة وغيرها ما تاخذ الا كبير السن !!

الله يعين المطلقات والارامل على الي يساومونهم على حقوقهم عشان اشياء

مالهم ذنب فيها ومقدرة عليهم ..

دمت بود

__________________
شتان .. بين من تسيره مبادئه ، ومن تسيره مصالحه

شكر الله لك
نعم هذه نيتي , يعلم الله
السبب ذكرته هو الرغبة في الإنجاب
والسبب الثاني الفتن ما ظهر منها وما بطن فلا تكفي واحدة , وهذا يعرفه الرجال
بعدين ما أقدر أترك زوجتي تنزل للسوق لحالها
وهذا يكون في السوق ويكون في غير السوق , مثل المتنزهات والأماكن السياحية ,

السلام عليكم ورحمة الله وبركاته


اخي الفاضل الموحد لله بارك الله فيك .


سأخبرك قصة واقعية حصلت في قديم الزمان


وهو ان رجلاً متزوج دائما يعجب بالنساء الاخريات الا زوجته ويعتقد ان بهن شيئا اخر يختلف عن زوجته التي قد ملها وحصل ان طلب احداهن بالحرام فاخبرت هذه المراة زوجته ..

المهم أن المرأتين اتفقتا ،، على خطة


وذهبت المرأة التي طلبها بالحرام واخبرته انها موافقة واخبرته المكان وهو تحت شجرة معينة في ساعة متاخرة من الليل

المهم اتى الرجل في ذلك الوقت وواقعها وعندما فرغ اكتشف ان المراة هي زوجته ..

فقال ما اشهاك حراما واقبحك حلالا


يجب ان تعلم ان الشيطان يزين في نظر ابن ادم الحرام حتى يقع فيه ويقبح في نظره الحلال والمشروع ..




الشاهد من هذه القصة أن تنظر في السوق وتجد هذه الازياء والاغراءات الكثيرة


ولكن صدقني ليس تحت هذه الاغراات الا امراة عادية ربما زوجتك تفوقها جمالا واغراءا ..



انت الان تعيش ف حالة رغبة شديدة وحماس ولكن بعد ماتتزوج لن يمر عليك فترة الا وتصبح زوجتك الثانية كالأولى وتصحوا من السكرة ولكت تبقى مسؤولية التعدد العظيمة في رقبتك وتعلم ان الذي لا يعدل
ياتي وشقه مائل والعياذ بالله ..






ملاحظة : لا تذهب الى السوق اذا كان فيه هذه المفاسد التي تؤثر عليك ، قل لزوجتك تذهب مع اختها .. وأهلها وأخبرها بالسبب ,

طيب الأشياء اللي تبي منها صارحها فيها ويمكن تتعدل وبالنسبة للسوق يعني تبيها تلبس مخصر عشان ماتشوف غيرها وتطالع فيها أزين لك حتى ما تنفتن بغيرها _‏
ونصيحه لوجه الله غض بصرك وبكذا تكسب الاجر أكثر لأنك مابترضى تطالع لغيرك ولا حد يطالعها

شكرااا
أنا غاض بصري والحمد لله وحريص على ذلك
لكن وش نسوي بنظر الفجأة ؟؟؟؟؟؟؟؟؟؟ حسبي الله ونعم الوكيل , الحين الحرمة هي الي تزاحمك وتحشرك حشر بالأسواق لين ما تخليك تمشي بطرف الأسياب والممرات , وأنت مطأطئ راسك , والمفروض العكس
اللهم إنا نعوذ بك من الفتن ما ظهر منها وما بطن

وعلى فكرة , تراني ماأشوف المسلسات ولا الأفلام , ولا أنا براعي الشغلات هذي , يعني ما أشوف الحريم إلا بالسوق , وغصب علي , بالفجأة ....