بسم الله الرحمن الرحيم

أنا ردي بيكون قاسي شوي بس استحملي الله يعينك

أولا تصرفك هذا ماله داعي أبد وإنتي اللي جنيتي على نفس(جنت على نفسها براقش)

ثانيا: إتأكدي إنه خطيبك ماهو ملك ولا نبي حتى يكون معصوم من الخطأ والمعصية

ثالثا: إنتي اللي خليتيه يتصرف هذا التصرف لأنك بداية حرمتيه من صوتك وحنانك واهتمامك وهذا الشي اللي كل شاب ينتظره من خطيبته بعد ملكته وبعدين هيئتي له ظروف الإرتباط بوحدة ثانية (يعني مو هو اللي راح يدور على غيرك علشان تقولي خاين) يعني باختصار عنده فراغ عاطفي يدور أحد يملاه له ولما راح للحلال مالقي هذا الشي.

أخيرا: لو صارحتيه بهذا الشي أتوقع إنك راح تدمرين حياتك بنفسك، لأنه أفعالك بصراحة تثير الشكوك فيك إنتي:
1- ليش عندك شريحة ثانية؟
2- طلبتي من صحباتك إنهم يكلموه، يعني الواضح من إنه صحباتك ماعندهم مشكله يكلموا شباب ,اقرب صديقة لك هي اللي وافقت ( قل لي من تصاحب أقول لك من أنت)

يعني معليش لو أنا كنت مكانه واكتشفت بعدين إنه هذي تصرفاتك وهذول هم صحباتك ماراح أستمر معك ولا يوم واحد

اختي انصحك نصيحة .. من وحده صديقتي فاهمة بهالامور زين..

لا تواجهينه .. اذا واجهتيه واللللللله بيتفركش كل كل كل شي..

ولا تحز بخاطرك لان متاكده لو تزوجتوا بينسى و يسلى و بتصيرين انتي هاجسه الاول والاخير
ما اقولك انه ما غلط .. اكيد غلط .. لكن بالاخير هو رجججججججججججل .. باعتقاده يقدر يثبت رجولته بهالطريقة

والله يوفقك يارب

__________________

الحمد لله حبيبتي انها عدت على خير,,,

كيف قدرتي تخلين وحدة تكلم حبيب قلبج وريلج اختي ,, الله يسامحج ؟ ماتغارين ؟ انا امووووت من الغيرة ماتخيل اسوي هالشي بخطيبي

حاسة فيج حبيبتي وادري ليش سويتي هالشي ,, تبين تتأكدين زيادة ,,تعوذي من ابليس واستغفري ربج

بس ماعليه لاتعيدينها معاه ,, لان تصرف يوحي بالشك ,, واي واحد مايكون مرتاح لو حد شك فيه

ترا هالزمن كله فتن ,, وانتي زوجته شرعا ,, فالمفروض تحمينه من الفتن بدل ما تفتنينه بغيرج
الريال محتاج للحب والدلال والغزل والكلام الحلو,, واللي يسأل عنه ويخاف عليه
لازم ما تحرمينه من هالشي لانه من خطب حط بباله ان بيحصل ع الحنان والحب والغزل ,, لاتخففين المكالمات ,, هو محتاج لج وانتي محتاجه له

والغلط انج تجرين صديقتج للغلط ,, تخلينها تكلم ريال محرم عليها ؟ ومب حلوة بحقج بعد يمكن تقول هالسالفة يدام الناس ,,
هذا غير البنات اللي حاولتي معاهم قبل وما رضو ,,

لو ما قريت ردج الاخير كنت بقولج ان اكيييييييييد هو شك بالسالفة لان مستحيل ريال تتصل له وحدة ويتكلم معاها عن وحدة ثانية (عنج) اذا كان يبي يغازل
وكنت بقولج لا تقولين له وانسي السالفة ,,

بس الحمد لله ريلج طلع متفهم وااااااايد واتقبل السالفة وكلمج بضحك عنها ,,

والسموحة حبيبتي اتمنى ماكون ضايقتج

اختي عليك ان تحسسيه انك خطيبته وانك زوجته بالمستقبل يعني اسألي عليه دائميا كما قال الاخوان كي يرد باله من نفسه ويلا يخرج لي المحظور
وانا من راي انتتكلميهعلي الجوال يعنيمو دائما ولكن علي فترات تدكره انه انت له وهو لك
وارجوا ان اكونوفقت لي حل المشكلة انا واخواني فالله
جزاك الله خير