حلمت فيه لاول مره من شهور حلم غريب
انو ارسل لي ايميل.. وصحيت الساعة 4 الفجر مفزوعه
رحت اشيك على ايميلي وكنت متأكدة بلقى شي
وما لقيت شي

على الساعة 10 الصباح جتني رسالة من المحكمة
طلقني


جاني شعور غريب
كأن صعقني كهرباء
تذكرت الحلم وحسيت بقشعريره
كنت برداااانه.. تغطيت.. وبلغت اهلي
باركوا لي ودعوا لي لاني كان بينا محاكم
وانا كنت جامده كأني تمثال
شافوني ملخبطة.. قالوا: مو هذا اللي طلبتيه!


دخلت غرفتي وحضنت اطفالي وبكيت
بكيت بكيت بكيت.. لحد ما ارتحت
بعدها عزمت اخواتي على قهوة وكيك برا


هو تاركني معلقه لي اكثر من 7 شهور ببيت اهلي
وقبلها علقني سنه ببيته.. هجر تام
وطول ما انا عند اهلي مافكر يدق او يرسل او يتفاهم
ماكن لي اي قيمه.. حسسني اني ولا شي
سواء لما كنت عنده او لما تركته
المفروض اطوي الصفحة بكل مافيها وافكر بالجاي
بس داخلي غصة
لاني قدمت كثير خلال العشر السنين وبالاخير عدم
ولاني عشت معاه اجمل ايام عمري باول 5 سنين زواج
والعلاقه فعليا انهارت قبل 3 سنوات تقريبا
اهانات وخيانات وتجريحات وبخل وهجر بالاشهر
تجاهلت توددت طنشت ناقشت بكيت تركت البيت
عملت كل شي حتى يستوعب ان حياتنا بتنهار
ولما فقدت الأمل طلبت الطلاق، وتحداني فيها
والحين تطلقت
عقلي يقول الطلاق قرار حكيم ونعمه
لكن بداخلي ألم وخوف وارتباك
يارب عوضني خير
اللهم اجرني في مصيبتي واخلف لي خير منها


أخواني واخواني ادعوا لي بساعة الاستجابة
جزاكم الله خير
والحمدلله على كل حال