السلام عليكم و رحمة الله و بركاته

الصراحة محتارة كثير و حابة استشيركم في أمور مالية و عقارية ، لإنكم أهل للثقة ..
و ماعندي طبعاً أي خبرة ..؟

- بعد كم شهر إن شاء الله بنرجع نسافر للخارج و نتغرب كم سنة أنا و زوجي و ولدي و النونو
اللي جاي بالطريق ، و حابة بدل ما نستأجر شقة و ندفع فيها أقل شئ 15 ألف بالسنة عالفاضي
عشان نترك فيها أغراضنا ، و عشان إذا نزلنا في الإجازات القصيرة .. ما نتبهدل زي زمان يوم كنا ننزل
بالإجازات و نلقى لنا مكان نجلس فيه ..

- بينزل لي هنا في حسابي نص الراتب من غير البدلات شهرياً و الحمد لله ،.

حابة الأيام هذه استغل فترة تواجدي بالسعودية .. و استغل الراتب بشئ مفيد لنا ، و للمستقبل ..
و حتى لا تنصرف الفلوس عالفاضي .. و أبغى أضمن مستقبل ولدي و أخوه بشئ يجلس لهم ..
و بحيث لو رجعنا بعد 4 سنوات تقريبا و يمكن تزيد أو تنقص ، يكون فيه شئ لهم ..

.
.

عشان كذا ..

جاتني أفكار ، بس ماعندي أي خبرة و لا عارفة كيف أبدأ فيها و لو فيه أفكار أفضل ، بأستفيد منكم ..

أفكر اشتري عقار صغير ، أو عمارة من دور واحد و فيها شقتين ..
أسكن في شقة ، و أأجر الشقة الثانية ..

و من إيجار الشقة الثانية أسدد الأقساط + الراتب تبعي ..

.
.

أسألتي ..

- كيف ممكن أبدأ بالفكرة ؟ هل فكرتي كويسة ؟ و هل هناك أفكار أفضل ؟
الهدف: لحفظ المال من الصرف و بشئ يفيدنا مستقبلا ..

- إذا رحت للبنك ، أسألهم عن التمويل العقاري و لا عن إيش أسألهم ؟؟؟؟
( طبعا بأتجنب أي شئ ربوي ) ..

.
.

اللي عنده خبرة يفيدني رجاء ..

أهلين روح

كنت مفكره قاعده تسألي تشتري بيت في الغربه فكنت ممكن أساعدك بشوية أفكار
بس قصدك في السعوديه فأبداً ما عندي أي خبره

إن شاء الله تلاقي نصايح و أفكار من الأعضاء و العضوات
و تأكدي ألف مره قبل ما تسوي شي و استخيري و تجنبي تتعاملي مع الربا بأي شكل

موفقه إن شاء الله

__________________

الامومة هي ان تضحي بكل شيئ جميل ليكون في اطفالك الاجمل

لوفي

الحمد لله عالسلامة أول شئ ^_^
نورتي

الصراحة ، لو عندك أفكار ممكن تفيدني لشراء منزل في الغربة كذلك
فليت تفيديني ، لإني كنت مخليتها من ضمن الأحلام المستقبلية
و أكيد أفكارك بتنفعني بالمستقبل إن شاء الله ..

و الربا ، بكل تأكييييييييييد راح أبعد عنه و بدون شك ..

.
.

هو الهدف من الفكرة ، إنه الراتب ما ينصرف عالفاضي ..
و إنه بعد ما نخلص من غربتنا ، أكون ضمنت شئ عالأقل ..

و العقارات كل سنة تزيد أسعارها عن اللي قبل ..

تفكيرك حلوو وعقلاني ماشاء الله
ربي ييسر أمرك ولاتقي منزل الأحلام
ماعندي خبرررة والله بس فكرتك معقولة شراء شقة والثانية تأجير عالأقل تستفيدي منها

__________________
اللهم اجبر كسر قلبي وروحي اللهم آآمين
دعواتكم لي بالوظيفة الصالحة فانا بأمس الحاجة إليها
سبحان الله وبحمده سبحان ربي العظيم
فزورة مطبخنا اليوم
علينا اللون وعليك التنسيق مسابقة ممتعة وشيقة
امممممممم ماذا لوو

أول شئ كيف حالك وحال النونو يا أحلى روح طير بالمنتدى عندنا كله ثاني شئ أهنيك على أفكارك الرائعة والجميلة بصراحة أحسك إمرأة عصامية وأنا تعجبني المرأة إللي تفكيرها كذا شوفي حبيبتي أنا عندي شوية معلومات عن العقارات بس المعلومات إللي عندي شماليه عن عقارات الشمال عاد عندكم بالرياض الله العالم كيف الأسعار لاكن في البداية أسعار العقارات ترتفع وتنزل على حسب مثلا العقار يرتبط في الحي إذا كان حي جديد ومرتب وفيه كل الخدمات من مواقف سيارات ومدارس وشبكة كهرباء ومياه وإتصالات والحي يكون جديد والعقار بنائه توه جديد فأكيد بيكون سعره غالي شوي الأسعار بحسب مدة بناء العقار مثلا عقار عمرة 10 سنوات يفرق عن عقار عمره 15 سنة
كمان الأحياء الجديدة تفرق أسعارها عن الأحياء القديمة
لأن الأحياء الجديدة فخمة ومتوفره فيها كل الخدمات والبنى التحتيه بشكل أنيق ومرتب لاكن الأحياء القديمة تلاقين معظم مبانيها قديمة وتحتاج ترميم وبعضها بنائها يكون بشكل عشوائي أحيانا حتى موقف لسيارتك ماتلاقي من ضيق شوارعها وأزقتها هاذا غير طفح المجاري والروائح بالشوار ع فسعر العقار يحكمه الحي إللي موجود فيه وعمر بنائه وجودة الطراز المعماري في البناء بالنسبة لتقديمك في البنك على قرض هاذا الله يسلمك تروحي للبنك قسم تمويل العقارات وتشوفي شروطهم لأن عندهم شروط للي يبغى تمويل عقاري طبعا من ضمنها إن عمر العقار مايتعدى 15 سنة وكمان أنتي تروحي تدوري العقار بنفسك وهما بعدين يرسلوا معاكم مندوب يطلع من البنك يشوف المبنى ويسعره ويفاوض البائع ولو تم الشراء العقار يتم بإسم البنك حتى يستوفي الأقصاد منك بعدين يعطيك صك العقار بس يكون بينك وبين البنك عقد بيع وشراء بالأقساط للعقار ولاكن الله يكون في عونك ترى البنوك في تمويل العقارات بالذات ماترحم أحد تصلخ الناس صلخ عاد أنتي روحي للبنك وشوفي شروطهم وأسعارهم طبعا هما لازم ياخذوا منك أرباح لأنهم يشتروا
لك العقار بسعر كاش ومن ثما يقسطونه عليك أقساط ولهم نسبة أرباح فيه .
حنا عندنا في الشمال عمارة مكونة من دور وثلاث شقق الدور فيه 5 غرف وصالة ومطبخ ودورتين مياه وأنتي بكرامة والشقق كل شقة تتكون من ثلاث غرف وصالة ومطبخ ودورتين مياه العمارة كاملة بدورها وشققها إللي عمرها حدود 15 سنة يبلغ سعرها من خمس مئة ألف وعليها خمسين ألف كمان أو 600000ألف ريال وتدفع 400000 مئة ألف كاش أو 300000 مئة ألف للمالك والباقي تتقبل البنك العقاري وتقسطها طبعا الدور إيجاره أقل شئ 1300 ريال والشقق على 1200 ريال طبعا هاذي العقارات بأحياء متوسطة لا قديمة ولاجديدة الجديدة عندنا إيجار الدور الواحد 1800ريال والشقق على 1500 ريال ديلوكس لاكن الأراضي عندنا الحين ولعت أسعارها وغليت على الناس وهية خارج النطاق العمراني صار سعر القطعة أقل شئ 200000 ألف ريال هاذي أقل شئ عندنا ومافيها ولا خدمة أرض جدباء وبعيدة بس الله العالم وش ولع فيها كذا عموما حبيبتي أنا دوختك معاي شوي بلأسعار إللي عندنا
وبصراحة ترى الإستثمار في العقار زين وبإذن الله مابه خساير أنتي إستخيري وتوكلي على الله وربنا يسهلها لك إن شاء الله وبالتوفيق يالغالية .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

بسم الله ماشاء الله عليك
تفكير جدا عقلاني

فكرتك جدا حلووة ... بس اسمحيلي اسالك
اذا استخدمتي راتبك و العلاوات و ايجار الشقة الثانية لتسديد القرض
من وين بتصرفوا بالغربة ؟؟
لازم تتاكدي اولا من انه معيشتك في الغربة ماراح تتاثر ماديا
الحين بيصروا عندك طفلين ماشاء الله و مصاريفكم بتزيد هناك
خاصة اذا بتحطي البيبي الجاي في حضانة
فا اتاكدي اولا من هذه النقطة...

بالنسبة لشراء منزل في الغربة .
لي صديقة باكستانية .. ماشاء الله عليها
اخذت شقة من غرفة و صالة بس في وسط السوق و جنب الجامعة قيمتها تقريبا 100 الف جنيه
دفعت المقدم (كانت تشتغل مدة سنة و وفرت مبلغ المقدم)
المهم دفعت المقدم و الباقي اخذت فيه قرض من بنك اسلامي في مانشستر
وعاشت في الشقة سنة على بال ماتكمل اخر سنة جامعية لها و كانت تشتغل و تدفع االاقساط الشهرية
و بعد ماكملت دراسة .. رجعت عند اهلها بمانشيستر و الشقة الحين تاجرها على طلبة لانها جنب الجامعة
و بالشهر ماشاء الله ايجاراها مايقل عن 800 جنيه استرليني
وزي ماتدري العقارات هنا دايم في ارتفااااع

بس ذذكرت قصتها للفايدة يمكن تجيب لك فكرة و لا شي
ربي يرزقكم و يوفقك و يسهل ولادتك ياعسل

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

روح المساء ..

الصراحة هي فكرة أخوي ، و يوم قلت لزوجي ..
عجبته الفكرة و قال ممكن كمان بعد ما يتسدد سعرها.. نبني دور ثاني أو ملحق ..

لإني في البداية كنت أفكر اشتري فيلا ، بس لو سافرت كم سنة ..
بتجلس الفيلا فاضية و مهجورة .. فأفضل شئ عمارة دور واحد عالأقل ^_^

بس كيف الطريقة و تفاصيلها ، فأخوي ما عنده خلفية ؟

---------------------------------

بنت الحكمي ،.

يا أطيب و أحلى قلب .. ^_^
كل التفاصيل اللي قلتيها من جد مفيدة ، و خاصة الفرق بين العماير و عمرها و البنية التحتية ..

و دقيت على بنك سامبا ، لإنه راتبي ينزل عندهم ..
و قالولي أدور على أي عقار في أي مدينة ثانية غير المدينة اللي أنا فيها ؟؟؟
يوم سألتهم إيش السبب ؟ قالولي لسى مافيش عقارات هنا ..

ما عرفت الصراحة ليش ؟ و هل ممكن أبحث بنفسي و أجي أكلمهم ؟؟؟

زوجي قال لي أسأل بنك الراجحي .. ممكن عندهم عروض أفضل ؟
و بأسأل إذا راتبي ممكن يتحول من سامبا للراجحي ؟

الموضوع من أكثر 3 أشهر ، و كل يوم أقول بكرة أروح للبنك ..
لإنه دوام زوجي مرة متعب و ما تتوافق مع مواعيد البنك ..

فقلت أسأل و أجمع معلومات قبل لا أروح للبنك ..
و يمكن أروح بكرة مع أخوي الصغير للبنك و أسألهم كيف ؟؟؟

المشكلة عندنا ، إنه بنك سامبا ما عندهم فرع نسائي ..
و بنك سامبا قالولي بالتلفون يعطوني 800 ألف و أسددها خلال 25 سنة ..
طبعا بس كانت أسألتي لهم عامة و بأعرف التفاصيل إذا رحت لهم إن شاء الله

-----------------------------------------------

نورة يا حلوة ..

الراتب اللي هنا ما كنت أقرب منه زمان ، و كنت أستخدمه للضروريات ..
زي تذاكر سفر ننزل بها على حسابنا مرات خلال السنة، و لا فيزة الشغالة و لا مقاضي بالإجازات اللي ننزلها ..
و لا تمشيات و لا هدايا و كماليات .. و في الأخير ما كان يبقى منه شئ ..


بس في الغربة ،.
بينصرف راتب اخر و كنا نصرف منه كله للإيجارات و الفواتير و المقاضي اليومية و ما يبقى منه شئ على نهاية الشهر ..
فنمشي حالنا بالغربة من الراتب اللي ينزل من الملحقية ..

و لا تخافي علي ، تعلمت مع الغربة كيف أدبّر و أرتب و أنظم الأمور المالية

و بالنسبة للغربة ، جاتني الفكرة زماااااااااااااااااااان أول ما تغربنا ..
فكرت و قلت ، بدل ما ندفع كل شهر إيجار للشقة أقل شئ 700 أو 800 باوند ..
فنشتري بيت صغير ، و ندفع 1000 باوند كل شهر .. و خلال 4 سنوات أقل شئ ..
نكون سددنا جزء من الأقساط .. و الضرائب أظن إننا معفيين عنه ؟ لإننا طلاب ؟؟؟

و بعد كذا أأجرها و من الإيجار ، أكمل باقي الأقساط ..
بس خفت وقتها من المجازفة ، لإنه ما كانت عندي لغة و لا خبرة ^_^

بس بأخليها براسي إن شاء الله ..

ما عندنا بالمنتدى أشخاص أصحاب عقارات ممكن يفيدوني بخبراتهم ؟