|
المشاركة الأصلية كتبت بواسطة مجنونه بزوجها
حبيبتي تفاحه هانم هو اكيييد انك غلطانه ومعاه حق يزعل بس بعد مو مفرووض تخلينه دقيقه وحده زعلان اولا عشان اهو زوجك ورضاااه مهم يالغاليه وثانيا انتي قصرتي بإنك ماسألتي الشغاله قبل وخصوصا انك عارفه انه مستعجل
الرجال يحبون الزوجه تكون ودوده مهتمه فيهم تراضيهم ولا تخلي فترة زعله تطول لانه كذا بيقول بخاطره انا ماهميتها وعادي عندها ازعل او ارضى00وانتي اكيد مو عادي شوفي حبيبتي لما يجي اعتذري منه وقوليله انا اسفه واوعدك ماعيدها وانا مالي غيرك اذا زعلت علي الدنيا بعيني ظلمه(لازم يحس ان رضاه يهمك) لان عمر السكوت ماجاب فايده وقولي كلام حلو ولا تقولين مو لازم او ماعرف ومااقدر بالعكس 000حتى اذا ماعطاك وجه ولف عنك لفي وراه واتعلقي فيه ولا تخليه بحاله الين يرضى الييين يرضى وايش مايقول عدي وحتى لو سبك وقال انتي مهمله وانتي همك نفسك برضو اتحملي واتنازلي خليه يقول اللي بخاطره وبعدها بيكون مرتاح وراضي ويدلعك بعد ونصيحه مني يالغاليه اذا زعلتي زوجك اعتذري ولا تخليه ينام وهو زعلان منك اضغطي على نفسك واحراجك و صلحي اللي قلتلك ياقلبي حتى اذا كان هو الغلطان سايريه وراضيه واذا هدأت اعصابه اتفاهمي معاه00000صدقيني انا مجربه وعرفت ان هذي انسب طريقه وصدقيني راح يحطك فوق راسه000الله يسعدك يارب |
المشاركة الأصلية كتبت بواسطة العام
بصراحه وبدون زعل .. انتي غلطانه .. اول شي ماتعرفي تكوي .. وثاني شي مااهتميتي اذا الشغاله كوت ولا لا ... وثالث شي ما اهتميتي اذا جوالك موجود معاكي ولا لا .. يعني كله يدل على عدم المبالاة في اهتمامك لزوجك ..
حبيبتي لاتزعلي من صراحتي ومن كلامي لكن إن شاء الله كله بمصلحتك .. لكن حاول بكل الطرق تراضيه وحتى لايدخل العيد عليكم وانتم زعلانين .. وقوليله بتعلم كوي الغتر عشان ماتزعل مني ثاني .. كلام الدلع لاتنسيه .. لاتزعلي مره ثانيه وخبرينا بالنتايج .. |
المشاركة الأصلية كتبت بواسطة واحد تعبان
حطيت نفسي مكان زوجك
لقيت الأمبير عندي طلع وشوي وينفجر ...................... تخيلي عنده موعد مهم ومعتمد عليكي ومع هذا اهتميتي بملابس العيد على غترته ؟؟ صحيح انك نسيتي بس المفروض اول ماطلعتي البيت تعطينها الشغالة وتوقفين على راسها لما تبدأ فيها وتخلين جوالك بيدك استعدادا لأي لحظة يدق ويطلب غترته بعدين عندك اليوم بطوله اقعدي مع أهلك وفكي ملابس العيد وخيطيها مرة ثانية لو حابة على طول يتبادر لذهن الزوج عدم الاهتمام والمبالاة واعطاء الأولوية لأوامره وهذا أكثر شيء يغيظ الرجال وعواقبه وخيمة وانتي شفتيها اللي صار صار، لازم تحاولي معاه بكل الطرق حتى يرضى وحتى لو صد عنك، وهذا بطريقتك ومعرفتك لنقاط ضعفه والله يوفقكم |
المشاركة الأصلية كتبت بواسطة ريم2006
حبيبتي انتي غلطانه
ولازم تراضينه والغلط على قوله أختي مشكلتي أصدق من ساسك لراسك وغلطتك مو سهل أنتي تجاهلتي كلامه ورميتي الغتره على الشغاله ولا تابعتي موضوع الغتره معها طنشتي ورحتي تسولفين مع أختك وفوق كل هذا رميتي الجوال بعيد عنك !!! طنشتي زوجك عشان تسولفين مع أختك بالله من الأهم زوجك والا أختك والأغراض اللي شريتيها من السوق !!؟؟ الواحد يفكر بمنطق شوي معه حق يزعل ويعصب بصراحه اللي سويتيه شي يقهر الرجال معتمد عليك وانتي فشلتيه وطنشتي كلامه ولهيتي بتوافهه شي طبيعي بيزعل,, تبين نصيحه روحي راضيه ودلعيه وبوسي راسه وتأسفي منه وحاولي تمتصين غضبه.... والله يخليكم لبعض |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|