السلام عليكم ورحمة الله وبركاته
ابدأ كلامى معكم واقول اكيد هذا الموضوع مش اول مرة تقرأوه لان منتشر بس يمكن تكون حالتى مختلفه شويه لان كل حاله ولها تشخيص مختلف0
مش هطول عليكم بس لازم اشرحلكم علشان تعرفوا كل حاجه عن حالتى 0هذا الموضوع بدأ معى من قبل ما اتزوج وتحديدا من بداية نزول الدورة الشهريه من ساعة مابدات تجينى وهى عمرها ما جات منتظمه ابدا
كانت دائما تنزل كل فترة واحيانا ماتنزل الا لو اخذت حبوب او ابر تنزلها 0 كشفت كتييير قبل الزواج عشان اشوف فى ايه وكمان اظبطها لان عدم نزولها شىء صعب قوى قوى وكان بيتعبنى قوى لكن كل الدكترة ال رحتلهم كانوا بيقولولى ان عندى شويه ضعف ومينفعش تخدى حاجه تنشط الضعف غير لما تتزوجى وكانوا بيعطونى حبوب او ابر تنزلها وخلاص 0
وبعد ماتعبت من كتر اللف عند الدكترة قررت اسيبها زى مايجى وقولت خلاص مادام لما هجوز هقدر اتعالج وسكت 0
لحد ما تزوجت وحسيت ان المشكله كبرت اكتر من الاول المهم مش هطول عليكم الدورة ما جتش وعملت تحليل حمل مفيش حمل وعلى كده عده شهور لحد مابدأت رحلة العلاج 0
اخر دكتور رحتله وهو ال انا متبعه معاه قالى عندك تكيسات على المبايض ومش هتروح ال اذا حصل حمل وبدا يعطينى العلاج المناسب لحالتى بس قالى اهم شىء انى اخس على قد ما اقدر لان ده هيساعدنى فى العلاج وخصوصا بطنى بس انا فعلا بخس ووزنى نزل لكن بطنى مش بتنزل لان وجود التكيسات وعدم نزول الدورة هما ال مكبرين بطنى ومش عارفه اعمل ايه لو عندكم طريقه ياريت تقولولى عليها0
الدكتور قالى انه هيمشى معايا بالعلاج لكن اذا مفيش نتيجه لازم اعمل عمليه 0اخذت حبوب الجولوكوفاج مع الفلك اسد لمده 9 شهور بدات الدورة تيجى اثناء العلاج بس مش منتظمه 0
وبعدين اعطانى منشطات عشان تساعد لحدوث الحمل اخذت كلوميد وبعدين اخذت ابر منشطه واخذت ابر تفجيريه وكل ده على فترات طبعا لكن مفيش اى نتيجه كل شىء زى ماهو 0
زهقت من الحبوب والعلاج وبطلت اخد اى حاجه 0 بس اخر مرة عند الدكتور قالى لو ماحصلش حمل الشهر ده ان شاء الله ابقى مفيش حل غير العمليه ولازم قبل العمليه تخسى خالص 0وطبعا مفيش حمل حصل
لو حد حالته زى ياريت تقولى وطمنى لان قلقانه قوى وخايفه وكمان نفسى اجيب اطفال انا بقالى سنتين متزوجه0بحب الاطفال قوى قوى
قولولى اعمل ايه عشان بطنى تخس 0وهل العمليه دى صعبه او لها اى اعراض تانيه 0ويه رأيكم هل اعملها ولا بلاش 0
أسفه لو كنت طولت عليكم بس كان لازم اشرحلكم كل حاجه0
معلش عندى طلب اخيير ياريت تدعولى بالشفاء وربنا يرزقنى بالذريه الصالحه0
والسلام عليكم ورحمة الله [/B][/B][/B][/SIZE]
03-08-2009, 11:45 AM
تكيسات المبايض
ضوابط المشاركة
العرض العادي
