اقتباس:
المشاركة الأصلية كتبت بواسطة خالد 36
اختي مجروحه،
بعطيك بعض الاسئلة ولا تجاوبين عليها هنا. ابيك تفكرين فيها.
1- كم بيكون ايجار الشقه الس بتسكنين فيها انتي وبناتك؟ ولا تقولين انك بتسكنين عند اهلك لان اهلك مو قاعدين لك طول العمر
2- كم بيكون راتب الشغاله؟
3- كم بيكون مصاريف التنقل؟ او السواق اذا جبتي سواق
4- مقاضي البيت كم بتكفيكم؟
5- طبعا تحتاجين مصاريف على جمب مثل ادوات البيت والفواتير. كم ممكن تتوقعين توفرين كل شهر
6- لا سمح الله صار شي او شي واحتجتي احد يوقف معك من بيوقف معك؟
7- مستعده تواجهين الناس وشفقتهم عليك بعد ما تطلقين وتعيشين لحالك؟
اختي الكريمه، اذا تبغين نصيحتي علشان تعدلين امورك، كوني "ام" لزوجك. وايضا كوني "بنت" لام زوجك. ترا خوات زوجك بيروحون وام زوجك ماراح يبقى لها احد الا انتي. وقت ما تشوف ام زوجك ان مافيه احد جالسه تهتم فيها الا انتي والله بتتغصر معاملتها معك وصدقيني راح توقف معك.
بقولك سالفه ناس اعرفهم زين.عائله فيها ولد و 7 بنات وكلهم متزوجين. امهم تشوف زوجة ولدها شي وبناتها شي ثاني. تعرفين ليه؟ لان بناتها تزوحو وانشغلو في بيوتهن بينما زوجة ولدها هي الي قايمه فيها.
|
اخي الكريم. ..
انا لي مواضيع سابقة عن ام زوجي ... وخوات زوجي كلهم تزوجو ومابقى غير و احده .. وايضاً لم تتغير معاملتها لي وتقول تحلميين تصيرين مثل بناتي! !!
ايضآ ام زوجي لا تريدني وقالت لي سابقاً انتي ماتشرفيني ولا تدخلين بيتي...
لا ترغب بالسلام علي ... وتحرض ابنها علي اني لا احترمها تتدخل في خصوصياتي هي وبناتها و لا تريد من زوجي يسوي اي شي لي او لبناته... الغيرة مني حرقت قلبها .. فهي تغار على ابنها مني ..
مع اني احسنت لها تركتها براحتها احضرت لها الهدايا و توددت لها .. ولاكن لا حياة لمن تنادي
فهي كل مره تزيد من المشاكل بيني وبين زوجي تتكلم علي وامام الناس ...
وتقول كوني ابنه لام زوجك ...!!!!
مع اني احسنت التعامل معها واقبل يدها وراسها وهي تسئ لي المعامله. . حتى لما ازورها تطلب مني ان اصلح الشاهي والقهوه وبناتها جالسين واذهب واصلحها وكأني في بيت اهلي.
ثم تنتقد القهوه والشاهي لتحرجني وبناتها قمة السعاده ويضحكون ..
ثم تقول لزوجي الله يعينك ياوليدي عليها ..
.......
......
وزوجي أم له ... تريدني ام لزوجي ...
ذالك الزوج الذي لا يقدر زوجته لا يحترمها يهينها ينفذ اوامر خواته وامه علي...
خواته تملئ راسة بافكار عني .. زوجتك لاتحترمك زوجتك لا تستحقك ولاتستاهل تكون مرتك ..
شوف كيف تعاملك شوف ليش ما تدلعك ليش ماتجلس بجانبك ليش ماتهتم فيك ..
ليش ماتكوي ملابسك زين ...
وهو يأتي ويفتعل المشاكل معي .. ويقول شوفي خواتي ايش يسون لرجالهم ..
انتي مو مثل الحريم ...
يسافر بخواته ويرفض ذهابي يسافر بأمه ويرفض ذهابي...
يهينني يمد يده علي يهدد بالزواج والطلاق... امه تحرضه على الزواج او الطلاق وتقول له اكسر راسها ادبها...
لا تلبي لها الي تبيه... فهو يمشي ورا كلمة امه مثل الخروف ويعتقد ان هذا بر بأمه ..
ان يهدم بيده ويضرب زوجته ويهينه من اجل انه هذا بر بها !!!!!!!!!
حاولت احتويه اتفهم امره البي له كل مايريد لإصلح الوضع بيننا ولاكنه في كل مره يزيد عناد ..
انا يا اخي مايمر يوم علي الا وبمشكله معاه .. الحياة معه صعبه .. وفوق هذا يتصل بأهلي ويشكي لهم مني ويطردني.. و كل مره موال ينعاد ..
انا اكرهه لا استطيع اكون زوجة له .. لا تعلم مدى الكرهه الي بداخلي لهذا الرجل ..
حبه انتزع من قلبي ...
قبل امس بنتي تكلم والدها عن طريق سناب شات ..
وعندما سمعت صوته لم اتحمل نفسي تريد ان تدعو عليه . فطردت بنتي من الغرفه وقلت لها كلمي بابا برا ...
لهذا افكر بالطلاق.. الا متى وانا اجبر نفسي عليه ...
ويالتني اعيش بسلام من المشاكل و اربي بناتي بهدوء ولاكن المشاكل بالدقيقه. .
.............
اخي الكريم. .
الايجار والمصاريف الي انت تسألني عنها...
لا استطيع عليها الآن الا بعد الوظيفة....
اذا توظفت وكلي أمل بالله ..بإذن الواحد الأحد...
استطيع عليها ... هناك رجال فاتحين بيوت براتب قليل جدآ ثلاث الاف ريال ..
نسأل الله البركه في كل شي .. واذا توظفت بيكون راتبي كويس ..
وجميع ماقلت.. مقدور عليه ..
بالنسبه لسؤالك لي من بيوقف معي لو احتجت شي .
اولا الله معي في كل شيء انشاالله...
ثانيا.. ابوي حبيب قلبي الله يحفظه ويخليه يارب ويطول بعمره..
ابوي لما كنت ببيت زوجي كان يحضر لنا مقاضي للبيت و اكل وخبز و كل شي رز ودجاج و حلويات للبنات مقاضي كامله وانا لم اطلب منه ولم اشكي له من زوجي ...
وكان يرسل لي اخوي الصغير يسألني اذا انا ابي حاجه .. و يجيب معاه لنا اللبن والخبز و الاندومي والعصيرات للبنات .. وانا كنت ما ادري ايش اوكل بناتي والبيت فاضي ولا قلت لأحد
و ابوي كان يقولي انا قلبي دليلي و يجيني احساس ... !
مع انه زوجي يعصب ويقول ليش تطلبين من اهلك واحلف له اني ماطلبت منهم شي ولا قلت شي وكنت اقسم له بالله.. ويسكت ..
.......
عندي عمامي الحمدلله. واحد منهم. قلبه رحيم بي من صرت ببيت اهلي وهو كل مره يجي يسألني عن حاجتي
جدي الحمدلله .. . . ما اتوقع اني لو ابي وقفتهم معي في امر ضروري بيرفضون ...
.....
حبيت اجاوب و اكتب لك افكاري ووضعي حتى تتضح الصوره او ممكن اكون مخطئه بشي وينبهني احد انه غلط..
شكرآ لك