كل عام وانتم بخير ومن العايدين الفايزين

وتقبل الله منا ومنكم صالح الاعمال

تساؤل اتى في بالي

وقلت خليني اطرحه على اخواتي العضوات

لعلنا نطلع بإجابة شافيه ( احتمال بسيط)

او

لعلنا ( وهذا الاهم ) نكتشف زوايا جديدة في حياتنا الزوجية وفي طريقة التفكير

وجزاكم الله خير على التجاوب وحسن الظن بأخوكم صاحب الموضوع

اذن فلندخل في صلب الموضوع على بركة الله تعالى

اوووه لحظة قبل ماابدأ ودي اضيف على البديهيات ( اللي دائماً اقولها ) ان الموضوع نابع من فلسفتي الشخصيه في الحياة بشكل عام وفي الحياة الزوجية بشكل خاص

والغرض الاساسي من الموضوع هو توسيع مدارك الطرفين ( صاحب الموضوع + المشاركين)

تمام؟

اجل خلونا ندخل بالموضوع

من المعروف ان الزوج و الزوجة مختلفان عن بعض في كل شي ( دحين يجي من يقول لا عندهم نفس عدد الاصابع والعيون وفتحات الانف !!!! طبعاً ردي سيكون : انه تجاوزنا هذه المرحلة من زمان لانها من البديهيات )

من هذه الاختلافات

انه يغلب على المرأة الجانب العاطفي اكثر بسنوات ضوئية من الرجل الذي يغلب عليه الجانب العقلي او العملي ( ولا احد احسن من احد ولا لااحد فضل في ذلك وانما هي سنة الحياة وارادة الله سبحانه وتعالى )

طيب التساؤل الذي طرأ في بالي:

بما انه المرأة كائن عاطفي وحساس

فيؤثر عليها ويعكّر مزاجها اي كلمة تمسها او تمس انوثتها ( سواء كانت مقصودة او لا )

وبما انها تعزّ عليها نفسها

وماتقول لزوجها عن نقاط ضعفها ولاتقول له اللي بخاطرها ( خاصة الاشياء التي زعلتها منه)

وبما انها تحب الدلع

فتريده يكون هو المبادر في الجنس والهدايا والطلعات والمراضات والسفرات

وبما انه من المعروف لدينا : كُلٍ يرى الناس بعين طبعه

طيب ماخطر على بالك ايتها الانثى

ان زوجك ممكن يكون :

حساس؟

يريدك انك تكوني المبادرة ؟

كاتم في نفسه امور زعلته منك؟

تعكر مزاجه من كلمات قلتيها بقصد او بغير قصد؟

يعني اقصد حتى لو تجاهلنا حكاية ان الرجل يغلب عليه الجانب العقلي والعملي بحجة انك لم تدركي هذه المعلومة ( ماعندك وقت تقرأي او ماعندك فلوس تدخلي دورات او لاي سبب كان) ولنبدأ معك كإنسان بدائي ( بحيث لايوجد في الحياة سوى طريقة تفكيرك انتي )

ماخطر على بالك انه انسان يريد منك مثله مثلك (مثل ماتريدين انتي منه) بدون ان يتكلم؟!!!

انتهى التساؤل

ومن البديهي ان هذا التساؤل ممكن ينطرح على الرجال

اذن الموضوع كبير


واللي طرحته انا ( تساؤلي هذا ) جزء او فقرة من الموضوع

فاللي يحب يطرح هذا التساؤل على الرجال ياريت يفتح به موضوع اخر

وجزاكم الله خير

المشاركة الأصلية كتبت بواسطة -مسك الليل- معاك حق.. عن نفسي.. واعتقد العديد مر عليهم هذا الامر رجالا ونساء.. بالبداية نتصرف على هذا الأساس.. لكن مع الوقت.. تتغير طريقتنا في التعامل لاني بفهم انو الي بيفرحني ما بيفرحه بالضرورة.. والي بيجرحني ما بيجرحه بالضرورة.. ألموقف الي اشوفو كبير هو يشوفه تافه. والمشكلة الي اشوفها صغيرة هو يكبرها.... عين العقل ماشاء الله ولذلك تلقى الوحدة تشتكي.. "عملت لزوجي كذا وكذا.. وتفاجأت من ردة فعلو.. المفروض انو يفرح و و و و و بس عن جد خلاني اندم.." اذاً هي عاملته بعين طبعها.. هنا يكمن مااقصده بالضبط ، انها عاملته بنص عين طبعها لانها فكرت انه بيفرح من تصرفها الفلاني ( لان هذا التصرّف يفرحها) طيب ليه مافكرتي انه ممكن يظهر مالا يبطن او بيتدلع او بيتغلى ( مثل الجانب الاخر من طباعك ) ؟ لكن جاب نتيجة عكسية... واذا تكرر الامر نصاب بالاحباط.. يقولو اللي " اللي يجرّب المجرّب عقله مخرّب " انتي جربتي شي ومانفع فلماذا تكرريه! لا وكمان تصابي بالاحباط! ماتغيري طريقتك يختي منتظرة ايه فيدفهعا زوجها بيديه إلى اللامبالاة.. والامر ينطبق على الزوج كذلك.. انا اشوف انها هي اللي دفعت نفسها الي اللامبالاة بسبب عدم تقييمها لافعالها وهل هي ذات جدوى ام لا تقبل مروري

المشاركة الأصلية كتبت بواسطة ×غسق× بوركت ع الموضوع يسير غير المتزوجات !!

المشاركة الأصلية كتبت بواسطة ام يوسف وسما اعتقد العكس،، اعتقد سبب المشاكل انه كل طرف يعامل الاخر بعين طبعه 😁 لو فهم كل طرف طبع الثانب وفصل بين فكره وردات فعله وطبعه وبين توقعاته عن ردات فعل وفكر وطبع الطرف الاخر ( الي متصور انه نفسه طبعه) كان كل الاطراف ارتاحو وصلت فكرتي ولا قاعده الخبط 😁

المشاركة الأصلية كتبت بواسطة لماذا نتزوج ؟ ماخطر ببالكم ( على الاقل) انه ممكن يكون حساس ووووو مثلكم؟ ليش ماطبقتم المعادلة كاملة ( عين طبعكم) ليش اخذتم عين وحدة ( العطاء) انه مطلوب من الشريك يعطي فقط! اين العين الاخرى الخاصة بـ( الأخذ) ليش ماتعطو زوجكم مساحة يأخذ فيها مثلكم؟

المشاركة الأصلية كتبت بواسطة ×غسق× الحكايه بالتصرفات لما بتظهر اللامبالاه ف ردات فعلك هي بتمشي ع دا الأساس لأنو مافي مجال تتوقع اتضايقت من حاجه