مساء الخير
بدخل بالموضوع ع طول من فتره وانا ودي اكتب مشاكلي بس اكنسل لحد ما وصلت لمرحله حاسه اني بنفجر ودايما مشاكلي اهلي يعرفونها ويصلحون فيها بس المره هذي غيرررر انا اللي اتخذت القرار
مشكلتي انا قبل سنه خطب علي زوجي وندم وتراضينا واخذت منه عهد مابجيب طاري التعدد لاني كنت تعبانه نفسيا ومدمرة طبعا زوجي ما اهتم للامر كل مره يتكلم عن أصدقائه المعددين ومشيتها طبعا وبالصدفة في الحج اكتشفت ان زوجي يكلم وحده ومسميها حبيب روحي طبعا انا ما نبشت ولا فتشت ربي أراد يفضحه كان فاتح الجوال ع الواتس وبسولف معايه وجات عيني ع الرسايل انا في هذي المشكله ما طلعت برا البيت وهذي اول مره لانه اعترف بغلطه لكن بنفس الوقت ندمت لانه رفض يغير شريحته وقالي بخلي جوالي بدون رمز عشان تتاكدين وبعد اسبوع حط رمز حسيت جلستي في البيت غلط لو كنت ازعل واروح لاهلي زي دايما دايما اعتذاره يكون أفضل ولما اطلب شي ينفذه طبعا انا نفسيتي زادت دمار خطبه وخيانه وهو كمان زاد في الاهمال وكأني مو موجده وكل يومه ع الجوال رحت كلمته وقلت له انا وانت ما راح نستمر مع بعض الافضل نفترق قال صح اجل لمي ملابسك وروحي لاهلك طبعا انا انصدمت من البرود وعرفت انه ما يبغاني وبعد كذا جاء واعتذر زي كل مره ورجعت اللي صار قبل يومين انو ولدي شاغب وحبيت اسوي له عقاب طبعا هو جاء كالعاده وماخلاني اسوي عقاب وضحك وتبويس في الولد وكسر كلمتي قدّامه زاد الكلام بيننا وقلت له كسرة كلمتي ومالي قدر عندك قال الله ياخذ روحك وانت اصلا من زمان مالك قدر انا عصبت هنا من كلامه وقلت وانت زي المداس ((والله مدري كيف طلعت ولا قد قلت كلمه زي هذي ) صدمني وقال انت طالق روحي لاهلك انا لميت كل شي في بصمت ما قدرت افتح فمي بكلمه وهو كان متغير ويقول ارتحتي ذحين راح الدوام جلس ساعه ورجع قلت خلاص انا جاهزه جلس يماطل انا تعبان مافيه اذا صحيت وديتك صحي العصر وقالي تدرين ان ابوك اذا رحتي ماعد بيرجعك لي مره قلت انت ندمان ما جاوب وجلس يتحسف ع ولدنا كان فيه خوف وندم بس ماقالي اجلسي بالبيت ولا قال ابغاك انا لما شفت دموعه قلت خلاص برجع لك وما راح اعلم احد هو في البدايه انبسط وقالي رجعتك وجاء يلمسني ورفضت وقلت كل واحد ينام بغرفه وما اجتمع معاك ع الأكل ولا تجلس معايه وبعدها دخلت في نوبة بكاء فضيعه استمرت للفجر طبعا هو ابدا ما اهتم وكل ماشافني اكبي قال تذكرين زمان وش سويتي اصلا من زمان انت ماتحترمني وانت كدا وكذا وفيك كذا انا بصراحه انصدمت كأنه بدا يذلني وقلت له روح للشيخ يمكن ماوقع يقول ماني رايح وذكرته بخطبته وقال شرع الله ما تحكميني لا انت ولا غيرك فاهمه شعرت بإهانه كبيره لنفسي وعرفت ان قراري اكبر غلط المفروض اروح لاهلي والدي شيخ معروف في القبيله رجل عاقل ويصلح بين الناس وله مكانة وقدر عند الجميع الحين هذا ثاني يوم ليه بعد الطلاق جالسه عنده وهو طناش ولا همه شي واذا عاتبته رفع صوته وذكرني باشياء قديمه ويعلم الله اني تغيرت بنسبة95٪الا العصبيه هي ما تركتها وهو يبغاني اضحك وما اعصب مشورتكم يا أعضاء اعلم أبوي والا خلاص اسكت فكرة الموت تراودني كثير لما اشوفه كذا اقول اذبح ولدي ونفسي انا لو ما ولدي كان رحت لاهلي .

(تم تعديل العنوان ليتناسب مع الموضوع)

(حلت الرد 26)

http://66n.com/forums/showpost.php?p...8&postcount=26

مستجدات (الرد30 )

http://www.66n.com/forums/showpost.p...8&postcount=31