هل اخبره .... ام اظل صامتة؟؟؟
السلام عليكم ورحمة الله وبركاته
احبائى ف الله اخواتى واخوانى الله يارب تكونواكلكم على خير ما يرام يااااااااااااارب ويرزقكم من اوسع الابواب يااااااااااااااارب ان شاء الله.
انا عارفة انى الى انا باحكيه ده ممكن يبقى مش مهم بالنيسبة للبعض منكم ولكن بالنسبة لى مهم اوى وباحب اخد ارائكم ومشوراتكم دوما فيما يخصنى
فاتمنى ان اجد فيكم سعة صدر وصبر لى وما احكيه لكم
فانتم اخوتى وضياء دربى والجأ اليكم عندما اعجز عن اتخاذ القرار
احبائى ف الله
اننا ف بلد ارياف وطبيعة الزواج لدينا ان الابن عندما يتزوج يجلس ف بيت والده بشقه فيها وتنزل العروسة من اول يوم معحماتها تخدم وتنظف وتفضل صبح وظهر وبليل تحت ومتطلعش الا على النوم ف شقتها فوق
وانا مش هاعرف امشى على النظام ده
بمعنى ان محمد خطيبى ولله الحمد له بيت والده ف البلد بس هو واخد عمارة 5 ادوار بالمدينة بالمنصورة انا وهو هنسكن بالدور 5 ووالدته واخته 4 وال3 ادوار الباقيين متأجرين كدخل لهم ثابت بالشهر ووالده متوفى
محمد كان لمح لى من قبل كده ان انا هفضل طول اليوم تحت مع والدته ومش هاطلع الا ع النوم وشوية سمعت منه ان اخته ما تسافر للدراستها ف السنة الجديدة بالقاهرة يعنى ع بدية الدراسة والدته هتطلع فوق معايا وهتنام بغرفة الاطفال
وللعلم الشقة عبارة عن 2 غرفة نومكبيرة ونوم اطفال وانتريه وصالة مفتحين ع بعض والحمام والمطبخ والشقه صغيرة
ف بداية الخطوبة كنت بقول انه مالوش غير ام واحدة واخت واحدة انا اكبر منها بسنة وانا هشيلهم بعينى وهعاملهم بما يرضى الله
بس كل ما بيقرب الفرح بخاف اكتر لانى نفسى وامنيتى انى لما اسيب بيت والدى اروح لبت انا شقتى انا ابقى مستقله اعمل الى انا عاوزاه البس الى انا عاوزاه اسيب شعرى البس ضيق البس قط البس برموادا يعنى اعيش حياتى ف بيتى مع جوزى بس
لكن بتلميحات
خطيبي حسيت انى هابقى مكتفه اوى
لانى طول ما انا بالبيت حتى قدام اهلى لابسة الحجاب بتاعى تحسبا ان حدطب فجأة ولا حاجة
ولما انا ابقى ببيت زوجى وقدام اهله عمرى ما هالبس الا العبايات ومش هاكشف شعرى يعنى هابقى متحكمة ومتكتفة من الصبح ولحد بليل لما اجى انام
امال اخد راحتى امتى؟؟؟؟؟
لواناحبيت البس حاجة ولا كده مش هاعرف طول ما انا قاعدة تحت عند الوالدة وحتى لما اجى اطلع ايه هاقعد ساعة البس الى انا عاوزة وبعدين انام لالالالا
انا مش هاقدر على كده
انا لماكنت ببيت اهلى مكنتش اقدر البس حاجة الا بغرفتى بس واعمل الى انا عاوزاه بقى
طيب ولو والدته طلعت قعدت معاى فوق هاخد راحتى ازاى مع زوجى؟
لوحبيت ادلعه مثلا او يدلعنى ازاى ووالدته معانا؟
طيب لوحصل وحب يعاشرنى كاى زوج ااى هوافقه واناحاسة انه والدته سمعه كل حاجة لان غرفة الاطفال جمب غرفة النوم بالضبط
طبعا انا ابقى محروجة ومش هاخد راحتى وهابقى مكتفة زى ماكنت ف بيت اهلى
هوانا اتجوزت علشان اتكتف واحس ان فيه مراقب ليا ف كل حاجة
ولو اتكلمت مع
خطيبي ف الى حسيته ده وتفكيرى هل هو هيتقبل منى الكلام
ولو قلت له على النظام الى انا عاوزة اعيشه هل هيرفض
يعنى مثلا اقوم من نومى براحتى بدرى او على حسب مانمت بالامس انظف شقتى واودب حاجة البيت واغسل واعمل ده ف شقتى وافطر مع جوزى لوحدنا وبعدين انزل اشوف حماتى لومحتاجة حاجة اطبخ الاكل معاها بتاع الغداء ونتغدى وبعدين شويةواخد نفسى فوق لشقتى
حبيت انام حبيت اعمل حاجة مع جوزى حبيت اجهزحاجة لوحد طب عليا فوق حبيت اتفرج على التى فى اى حاجة بقى بس احس انى مستقله واخدة راحتى وبليل ان حبيت انزل اقعد تحت شوية انزل عادى لكن مش اتجوز علشان اتكتف واقعد من الصبح لبليل تحت لا بسة لبسى كامل
بصراحة انا مش هاقدر على كده ومش هاعر اكل قدام اهله اكلمع جوزى اه لانه منى وعليا لكن مش هاعرف اخد راحتى ف الاكل قدام مامته واخته معقول هصوم ومش هاكل لحدما اطلع شقتى
وخايفةاكلم
خطيبي ف ده؟
خايفة يقول ان اهلى هما الى قالواكده ليا !
خايفة يقول انه مالوش غير اهله ويرفض كلامى
خايفة يزعل منى ويظن انى بافرق بينه وبين اهله
خايفة منه احسن برفض كلامى وميحسسنيش انى ممكن استقر واخد راحتى بجد ف شقتى
اكلمه ولا لاء؟؟؟؟؟
انا اتعودت معاه على الصراحة ف كل حاجة
حتى لو غلطانة فيه مناقشه وحوار
والنهارده لمحت انى محتاجاه ف موضوع عاوزة اناقشه فيه
مش عارفة اعمل ايه؟؟؟؟؟
قولوالى بجد
اكلمه ولا لاء؟
ولومكلمتش مش هارتاح لانه هيحس ف لهجتى بحاجة
اعمل ايه؟؟؟؟؟؟؟؟
ولواتكلمت اكمله ازاى؟؟؟
بالله عليكم افيدونى الان.......................
21-05-2008, 01:42 PM
ضوابط المشاركة
العرض العادي
