سبق ونزلت مشاكلي مع زوجي
وشكي في خيانته
الي ماشاف موضوعي
اختصار المشكله
قبل سنه كشفت زوجي يخوني مع وحده جايبها في بيتي وكانو اهلي معي وشافو
وجلست بعدها عن اهلي ثلاث شهور
وقعد يحاول ورجعت برضاوه وحلف وقسم منه
قال حرفيا
اقسم بالله لو فكرت اكلم او كلمت وحده ف انتي طالق
سبق ونزلت هنا اني احس انه يخون
رغم انه يبالغ بتعامله معي الا اني احس
الان الله كشفه
كنت نايمه وهو صاحي ع الاب
ابوي جاء عندنا فجأه وهو جلس عند ابوي ولاب مفتوح
طبعا صار يقفل كل شي وهو كان واعدني ويحلف يوم رجعت له انه كل شي بيصير قدامي ومراح يخبي شي عندي وجوالاته مفتوحه قدامي
بس خالف وعده وصار يقفل كل شي ويخبي عني
المهم
قمت انا ورحت شفت لاب توبه
شفت رساله له مع وحده بدايتها بس ماشفت الباقي لاني غلقتها بالغلط
وهو جاء وسكر الاب توب
المهم من ضمن الي شفه يقولها تعرض له كام
ويسألها هي وين ويبي يتعرف عليها
انا اشوف ردودها هي لان اشوفها ب ايميله وتجي رسايل الخاص كلام البنت بس
هو مدري وش يقول بس ردودها هي
وطبعا هو الي جاي متلقف ع البنت من البدايه
من كلامها هي
احترت هل اقول لابوي وقتها قدام زوجي!
استخرت وشلت اغراضي واغراض ولدي وفي السياره وانا راجعه لاهلي قلت لا ابوي الي صار
لان يعتبر وقع الطلاق
طبعا زوجي مايدري اني شفتها لان جاء عندي مرتين المره الاولى يقولي سكري الاب
وكنت شايفه انه متابع مأذون شرعي
وقلتلها ايش هذا
قالي والله يجون تلقائيا ومادري كاني صدقت لان حسابه تجاري ويجون متابعين كثير من برنامج تلقائيا
المره الثانيه شفت محادثاته ولا كملت الله اعلم ايش الباقي
لانه جا وسكر الاب ويوم جاء كنت مغلقه الصفحه بالغلط
المهم الان انا عند اهلي


ايش تنصحوني؟!
ابوي لما قلتله لأنه خايف اني اتطلق يقول مايعتبر طلاق
الامور هاذي لازم شيخ دين يفتي فيها!
ايش ا

انا حاسه زوجي زي دايما بيقلبها علي ويطلع سبب تافه اني بس ابي اهرب عند اهلي علشان رمضان
او يحطها علشان المأذون الشرعي زعلت
!

فعلا اختي لازم تسألوا شيخ
اتوقع ع حسب نيته لما حلف

__________________

معليش ابقي عند اهلك هالفتره عشان يحس بفداحة غلطته،،قولي له وقع الطلاق ولاراح ارجع الا بفتوي تبيح رجوعي،،ولو طنشتيه هالفتره على اساس تكون هالخطوه صارمه من جهتك يكون افضل

اهلي ماهم حاسين
لا امي ولا ابوي
يقولون اغلب الرجال كذا
والخاين مراح يتعدل بسهوله
ويقولو عيشي علشان عيالك ودامك مبسوطه في بيتك ارجعي
واني اخرب حياتي وابي اتطلق
بالله كيف بيواجهونه اذا هم كذا
كيف راح اتصرف بنفسي!
ارسله ع جواله؟
ايش اقول!

ابي حلول بسرعه
لاني عند اهلي ومعي كل اغراضي
وزوجي طالع مكان ومايدري عن شي
مراح يدري الا لما يرجع شوي ع اساس ياخذني
امي رفضت تقوله
وابوي طالع

سؤال
انتي بغين ترجعين مع اخذ تعهد علية
بعدم الخيانة او تبغين الطلاق؟

حددي عشان نقدر نفيدك

__________________
سبحان الله وبحمده سبحان الله العظيم

والله يا أختي أعرف وجعك وألمك والخيانة تحرق القلب

في نقطة مهمة دايم افكر فيها الي هي الزوجة لمن تكتشف ان زوجها يخونها وتاخذ موقف صارم وتروح لأهلها من هنا تبدأ اللحظة الفارقة وتعتمد على أهل الزوجة بمعنى اذا كانو عزوة وسند ومايرضون الحرام لأنفسهم ولا لأولادهم ولا للناس فيكون موقفهم صارم بحيث يوقفون مع بنتهم ومايرضون لها المهانة

أما كلام الرجال كلهم كذا وكلهم خونة هو الي خلى كثير من الذكور يتجرأون ويخونون زوجاتهم بدم بارد ويتمادون في قذارتهم

تخيلي لو اهلك وقفو معاك وقفة جادة وبما أنهم بأنفسهم اكتشفو خيانته الأولى كان ردهم صارم تجاه زوجك بنتنا ماهي لعبة فيدك ويوم زوجناك اشترينا رجال تجي تسود وجيهنا الأن بخياناتك المتكررة !

صدقيني مايخلي الأزواج يتجرأون على الخيانة إلا أهل البنت بسكوتهم وتغاظيهم على نزوات الأزواج فيكونون عون للزوج على زوجته المسكينة

ارجع واكرر كثير من الزوجات صابرات على خيانة أزواجهم لأنها تعرف رد أهلها لو راحت لهم

حسبي الله ونعم الوكيل

__________________
تَلَوْا باطِلاً، وجلَوْا صارِماً، وقالوا: صدَقنا! فقلتم: نعَم!

__________________

اخذ تعهد عليه