الله يهديهم
ماعليك منهم
امك طلبت وهي امنيتها من سنين وماطلبت الا منك لانك المقرب لها
فاانت اكسب اجر وحقق لها هلمطلب وربي بتشوف دعواتها لك والفرحه بعيونها
وبلاخص لانها مقعده
امنيتها تشوف الحرم وهي ع هلكرسي
يااخوي
لايهمونك
قول لهم كتسكيته قد حجزت او جهزت خلاص انتهينا ....
كم للوالده ماتمشت من يوم جلست ع هلكرسي
وودي امشيها هي والبنات
واحيانا مش الامر
واحيانا تغاضى عن الرد وهكذا
الاهم
لاتقول امي مصممه ! بيرجعون ويسوون مشكله ومحاولة اقناع .

__________________
اللهم فرج همي وهم كل مسلم ...

الله يعيني بس

اخوي الحين ما طاع يعطيني السياره ويقول ما راح اعطيكياها لانها سيارته هي بالأساس

توقعت اني امون عليه وبيقولي خذ السياره ياخوي وانتبه للطريق بس للأسف

وامي فرحانه يوم قلت لها يالله

وابوي برضه موب موافق واخاف امي ما يجوز لها تعتمر بدون اذن زوجها

لكن بإذن الله بنعتمر وانا مصمل لو نروح بالطياره

مشكوره اختي على ردك

__________________
استغفر الله الذي لا إله إلا هو الحي القيوم وأتوب إليه

الله ييسر لك ولااهلك
والله يهدي اخوك حاول اقناعه ..وش بيضره لو رحتوا
قول له
بيكسب اجر من روحتكم لانها سيارته
ومنها دعواتكم له .
عندي احساس لاشافكم مصممين بيهون وبيعطيكم السياره .

__________________
اللهم فرج همي وهم كل مسلم ...

ربك يسهل يا أخيتي

__________________
استغفر الله الذي لا إله إلا هو الحي القيوم وأتوب إليه

والله مشكله

حسبي الله عليك يا اخوي

يوم وافق ابوي وكل شي عيى اخوي يعطيني السياره

قلت خلاص نروح في الطياره يوم قلت لامي بروح احجز هونت امي وقالت لا خلاص مابي اروح

وجلست امي تبكي وتهوش علي وتسب في ابوي

والله معاها حق ابوي تاجر وبخيل علينا حسبي الله ونعم الوكيل


شفنا الضيم معه


وانا بعد والله ان قلبي يتعصر على دموع امي


انا قصرت مع امي ولا لا؟؟

علي ذنب؟

وش اسوي طيب

انا ابي ارضيها


الشكوى لله

تصدقون واحد يقولي ابوك وامك مسحورين من زمان


وانا ما صدقت صراحه الا اليوم هذا

كل ما جينا نسوي شي فيه سعاده لأمي ولا للعائله كلها يصير شي ويتفركش هالشي

__________________
استغفر الله الذي لا إله إلا هو الحي القيوم وأتوب إليه