بسم الله الرحمن الرحيم

السلام عليكم ورحمة الله وبركاته

كيف حالكم

اشتقت لردودكم الحكيمه


وتعودت استشيركم بالمواضيع اللي تشكل علي

نحن الآن كما تعلمون في العطله الصيفيه واليوم والدتي قالت لي نبيك تودينا لمكه على الطياره أو للشرقيه على السياره ، أنا ما عندي مشكله لكن المشكله هي الوالده نفسها ، الوالدها الله يخليها لنا ويطول بعمرها ويشفيها يارب وجميع مرضى المسلمين معاقه وما تمشي إلا بمساعده وتعرفون أنتم مكه الحين صار الحرم بعيد والفنادق فيها درج كثير وفيه مشقه كبيره على الوالده هذا بغض النظر عن الطائره انا ما ادري فيها مصعد للمعاقين ولا لا لأني بحياتي ما ركبت طائره ابداً ولا اعرف نظامهم والمشكله اذا وصلنا مطار جده لازم نستأجر سياره نروح فيها لمكه طيب وشلون بركب أمي في المرتبه الورانيه وهي معاقه؟؟ هي متعوده تركب قدام ما تعرف تركب ورا ابد، أما بالنسبه للشرقيه أقصد الدمام والخبر وهالمناطق بالنسبه لوالدتي بعيد عليها لأن أمي الله يرفعها بالعافيه صعب عليها تدخل حمامات المحطات وانتم بكرامه وتعرفون انتم حمامات المحطات ووساختها وخطورتها بعد
وأمي اذا ركبت السياره وطولت فيها تدوخ واخاف يجيها تشنج ولا شي ، أحياناً نروح لديرتنا وهي تبعد ساعتين عن الرياض أو أقل شوي وأمي تتعب من الطريق وشلون لو مسكت بها خط 4 إلى 5 ساعات ، هذا بالإضافه إلى انه ما عندي سياره مناسبه سيارتي جديده بس انها صغيره وبيروح معنا اخواتي ، والحاله الماديه ما تأهل وابوي بخيل جداً ما راح يعطيني فلوس للسفر

مع ان امي مو كبيره لكن حسبي الله على من كان السبب

نحن من سكان الرياض

وأنا في حيره من أمري ما ادري وش اسوي

أرفض طلبها واقولها يا أمي صعب السفر علينا ولا أتوكل على الله واللي فيها فيها ؟؟

طلبتكم:

ادعوا للوالده ولجميع مرضى المسلمين في ظهر الغيب بالشفاء العااجل القريب بإذن الله تعالى

__________________
استغفر الله الذي لا إله إلا هو الحي القيوم وأتوب إليه

آسال ان يشفي امك ويشفيني وسائر مرضى المسلمين

إسال الطبيب المشرف على حالتها إن كان في سفر مشقه وتعب عليها ام لا..

رزقكِ الله بر إمك ولاحرمت الاجر

__________________
ان حظى كدقيق فوق شوك نثروة ,,,ثم قالوا لحفاة يوم ريح اجمعوة
صعب الامر عليهم قال قوم اتركوة,,ان من اشقاة ربة كيف انتم تسعدوة

آسال ان يشفي امك ويشفيني وسائر مرضى المسلمين

ياهلالا وغلالا باخوي غريب 2010

ماشاء الله عليك الله يسعدك ببر والدتك الله يحفظها ويشفيها يارب

بالنسبة للسفر بالطائرة لجدة انت تقدر تذكر بالحجز انه معاك شخص يحتاج لكرسي متحرك

فهم على طول يوفرون لك كرسي متحرك مع عامل يدفعه في المطار الى صعود الطائرة بمصعد

مخصص لذلك ولما توصلون جدة تجد عامل بالكرسي المتحرك ينتظرك عند باب الطائرة

لانه يكون عندهم علم مسبق عن طريق التذكرة .. وتقدر تتاكد من ذلك بسؤال اي مكتب حجز وان شاء الله يكون صح

اما بالنسبة للسيارة الاجرة فامكن في حل لو تستاجر سيارة تكون فورد لانها بتكون وسيعه المقاعد الخلفية كالامامية

اما لو فكرت تروح للشرقية ففي كرسي متحرك يكون في قاعدة وعاء لقضاء الحاجة ( اعزكم الله )
اتذكر سعره من 540 الى الف ريال ...

الله يحفظكم في حلكم وترحالكم ان شاء الله ...

دعواتك ان الله يشفيني من الرهاب الاجتماعي واتغلب عليه

تصدق لو انا من الرياض كان رحت معك لسوق الحمام بس الحمدلله على كل حال

اخوووك .. اروقة فكر

لاتحرمهم من السفره ككل
سافر لمكه ومر جده يعني انزلوا جده كميوم بدل الشرقيه وبعده مكه وارجعوا بالطائره

واطلب منهم انو معك شخص معاق هم يتكفلوا بانو يدفونه الى كرسي الطياره

__________________
وعند الله لاتموت الامنيات

الله يشفيها ويشفي جميع مرضى المسلمين ..

عليكم السلام والرحمه،،

انا مع شهد اسال الدكتور تبعه واذا على الدوخه فيه الحبوب تبع الدوران للسفر مع انها مو على كل حال تنفع ،،
الشرقيه ابد لاتفكر تروح له اختي راحت الاربعاء وبترجع لان الجو حار جداً مع رطوبه مرتفعه ومايساعد على الطلعه والجيه ،،
الطياره اكيد بتكون اريح لوالدتك يعني مدته لمكه بالكثير ساعه ساعه ونص فنادق فيه بالعكس قريبه من الحرم عندك ابراج الصفوه "دار الغفران" اتوقع اسعارها موب ذيك المرتفعه تقدر تكلمهم وتسال قبل الحجز الفندق تنزل منوه على طول للحرم وفيه مصاعد منتشره بكل مكان ،،

وفقك الله واعانك وعافى والدتك وحفظها لك وكل مسلم .

__________________
1-5-1433هـ
الحمد لله رزقت بأجمل بنوته ربي يخليه ويصلحه ..

أسأل الله أن يشفيها عاجلا غير آجل
بالنسبة لدوخة دعها تكشف عند طبيب الأذن والأنف والحنجرة
لعل السبب من أذنها (الإذن الداخلية) يكون مستوى الماء مرتفع فيحصل لها غثيات أو تشنج ودوخة
وبالنسبة لمسألة السفر بشكل عام أسأل الطبيب وإذا اجاز لها لك خطط جيدا للسفر من مستلزمات وضروريات

موفق

__________________
اللهم اجبر كسر قلبي وروحي اللهم آآمين
دعواتكم لي بالوظيفة الصالحة فانا بأمس الحاجة إليها
سبحان الله وبحمده سبحان ربي العظيم
فزورة مطبخنا اليوم
علينا اللون وعليك التنسيق مسابقة ممتعة وشيقة
امممممممم ماذا لوو

الله يعطيكم العافيه ما قصرتوا كلامكم حلو جداً

انا غاير من هذا اللي بالصوره




ابي اكسب أجر أمي واخواتي واعتمر بهم

بإذن الله بتوكل على الله وبروح على السياره لمكه المكرمه

دعواتكم لنا بالسلامه

__________________
استغفر الله الذي لا إله إلا هو الحي القيوم وأتوب إليه

بس المشكله اخوي اللي اكبر مني وابوي واقفين في وجهي ويقولون ما فيه روحه

وانا ابي اكسب اجر امي لها خمس سنين ودها تعتمر

وش اسوي لهم ذولي ؟؟

__________________
استغفر الله الذي لا إله إلا هو الحي القيوم وأتوب إليه