انا وام زوجي - منتدى عالم الأسرة والمجتمع
logo

الملاحظات

المتزوجين مواضيع تهم المتزوجين من الرجال والنساء.

موضوع مغلق
قديم 16-02-2008, 03:19 PM
  #1
ام مشموشه
عضو مثالي
تاريخ التسجيل: Jan 2008
المشاركات: 167
ام مشموشه غير متصل  
cry انا وام زوجي

السلام عليكم ورحمة الله وبركاته

مشكلتي باختصار مع ام زوجيطبعا هي مو ساكنه عندنا في البيت
في البدايه قبل لااتزوج كنت مدلعه من ابوي وامي يعني مايرفضون لي طلب مع اني الوسطى
ادخل في المشكلة
ام زوجي تجي عندنا بين فتره والثانيه زوجي اكبر اولادها عندها بنت ولد غير زوجي
المهم لماتجي احطه فوق راسي كل شي تبيه انفذه المهم اخر زيارتين لنا لاحظت انها بدت تنتقدني بشكل فظيع في كل شي ملابس شكلي وقدام زوجي كنت اسمع واسكت مع اني دائم مااطلع الا في احسن صوره كانت تقولي احس انك ماتلبسني لزوجك بالغرفة المهم رحت سالت زوجي قالي بالعكس انا امدحك عندها
شوي شوي بدت تنتقدني بلبسي يعني مو عاجبها طبعا هي راحت للسوق وقالها زوجي هذا المحل تشتري نه زوجتي قالت من زين لبس زوجتك وولدك تناقشوا المهم اني ماكنت ادري لاني معزومه
المهم لما رجعت قالي زوجي لاتغيرين خلي امي تشوف لبسك المهم طلعت لها قعدت عندهم قالت لي ليه مالبستي ولدك طلع معك كذا قلت ايه ليه قالت لبسه مو حلو يفشل قلت لها غريبه مع ان كل وحده تشوفه تسألني لبسه من وين ماردت علي
طلعت من عندها فجأه سمعت زوجي يناديني قالي وري اختي بجايمك وقمصانك لانه شاريه بجامه تفشل (اخته بتتزوج) بطيب نيه وريته كل شي بحكم انها ماتعرف طبعا هي قالت لي امي الي شرت البجامه المهم رحت اودي لهم عصير لقيت امه رابطه على راسه طرحه مصدعه وتبي تنام وزعلاااااااااااااااااااانه ومالها خلق المهم
من بكرا جيته هي قاعده بالصاله وتقول مت جوع المطبخ فاضي قدام زوجي دخلت المطبخ وسويت لها فطور ولما شافت الفطور قالت لي كل هذا موجود قلت لها ايه قالت لي ماشفت شي
طبعا لما اسوي اكل تسبه مايعجبها شي دايم تقولي يارز يامكرونه ماادري وش تبي مع اني الوحيده بعايلتنا الي ما عندها شغاله يعني كل العايله تمدح فيني نرجع للموضوع المهم دايم اسوي غدا محد ياكل قالت لي اخت زوجي احنا نقعد متاخر نفطر ونطلع يعني لاتسوين غدا المهم جاء زوجي من الدوام لقاهم يتغدون شارين اكل من برا قال لهم من جابه قالت امه دقيت على اختي وصفت للمطعم وجابه مطبخكم فاضي مافيه اكل المهم جاء زوجي يهاوش يقول ليش ماقلتيلي المطبخ فاضي ارتفع ضغطي قلت لاخته اذا في شي بالمطبخ مو موجود قولي لاخوك يجيبه لان يمكن تبون شي انا ماعرفه
نمت انا وولدي وقعدت قبل صلاة الفجر المهم جت ام زوجي معصبه ورمت التلفون بقوه وقعدت تقولي انتي غيرتي ولدي مو زي اول اول يجي يسالني يقولي وش تبين الحين مااشوفه انت تشكين وتبكين قدامه ليه ماتجين وتقولي لي انا اخته كانت تبي المطعم قالها انا تعبان ابي انام البيت مليان اكل انا متى عمري قلت بس رز او مكرونه تسوين انا بنتي تطبخ الذبايح ماابي منك شي قلت لها طيب انا ماجيت عاتبتك وانتي تسبين لبسي انا وولدي قدام زوجي قالت لي ايه اسبك واسبك وقلت له عندك شي
المهم قلت لها انت ادرى بولدك
اخر شي قعدت تتعذر تقول ولدي انا اعرفه كسول و و و الخ
المهم قعد زوجي قلت رح لامك زعلااااااااانه راح لقاها تبكي
والله اني قعدت بالغرفه ماادري بنفسي صراحه انصدمت من اسلوبها وكلامها
زوجي قال امي زعلانه علي وحطت حرته فيك

بصرااااااااااااااحه كرهتهههههههههههههه ماني طايقتهههههههههه غصب عني

ماادري وش اسوي

المهم في المره الثانيه الي جتني صرت مااحتك فيها هي المهم قعدت من النوم الفجر لان ولدي قعد طلعت انا ووياه للصاله لقيت اخت زوجي قاعده شوي وقامت وفتحت باب الصاله وقالت لي لاتسكرينه انا وامي بنام بالمقلط وحر ونبي المكيف قلت لها ليه ماتنامون بالمجلس قالت مدري قلت بيزعجكم صوت التلفزيون وولدي بيروح ويجي قالت عادي المهم قعدت بدون مااولع الليت النور شوي وتجي ام زوجي وتفتح الباب اكثر قالت التكيف شغال قلت ايه قالت حر قالت لاتسكرون الباب قلت طيب بس يمكن يزعجكم ولدي قالت عادي وضحكة ضحكة والله بينت قد ايش انها تحاول تقهرني اخذت ولدي وقعدت انا وياه في غرفة الملابس
الحين ماادري كيف اتعامل معاها اذا جتني
طبعا ام زوجي كلن يشكي منها زوجات اخوانها حتى عمات زوجي يعني هذا اسلوبها اذا غارت من احد
اسفه على الاطاله اتمنى انكم تعطوني النصيحة ابي ارتاح
قديم 16-02-2008, 04:29 PM
  #2
الهدى10
عضو نشيط جدا
 الصورة الرمزية الهدى10
تاريخ التسجيل: Jul 2005
المشاركات: 728
الهدى10 غير متصل  


يا ام مشموشة كيفك ان شاء الله نفسيتك احسن بعدما فضفضتي


يا اختي والله ام الزوج ممها حاولتي ترضيها ما ترضى وخاصة اذا كانت كبيرة في السن


لكن انتي اعملي اللي رضي الله واللي يميليه عليكِ ضميرك واحتسبي الاجر عند الله


لانك ممها سويتي وصنعتي دائماً زوجة الولد مذمومة عند اهل زوجها الا من رحم ربي


الله يكون في عونك يا اختي ومالك غير الصبر واحتساب الاجر عند أكرم الخلق
قديم 16-02-2008, 04:31 PM
  #3
فوفو
قلب المنتدى النابض
تاريخ التسجيل: Oct 2004
المشاركات: 4,622
فوفو غير متصل  
حبيبتي حركات ام الزوج ما تنتهي
لو اجلس اقولك ما اخلص من هنا لسنه علشان كذا حطي ببالك انها امرأه كبيره وسايريها على قد مخها وطنشي هذا احسن حل بعد ان استنفذت جميع الحلول
وفقك الله لكل خير
في رعايه الله
__________________
سبحانك اني كنت من الظالمين
قديم 16-02-2008, 04:34 PM
  #4
غلا 2005
قلب المنتدى النابض
 الصورة الرمزية غلا 2005
تاريخ التسجيل: Dec 2005
المشاركات: 2,206
غلا 2005 غير متصل  
باختصاااااااااااار

حاولي تتحمليها

هم كذا بعض الكبار اذا كبروا

حاولي تكسبيها و تخدميها ومافي مانع تجامليها وتطبخي لها اللي تحبه

اذا قالت لك شيء قولي حاضر على امرك

صدقييييييييني رح يكون اسلوبها جاف في البداية لكن بالتدرييييييييييج رح تتعدل

انا امي ما كانت تحب زوجة اخوي الاكبر بس ما شاء الله عليها

بحكمتها و خدمتها لامي واتصالها الدايم عليها والسؤال عنها

صارت امي تفضلها علينا

اقسم بالله اننا احيانا نغار منها خاصة لما تقول لها كلام ما تقوله لنا

وتبدي لنا انها تهتم بها وانها افضل منا

وانها مستغنية عنا

ههههههههههه

وبصرااااااااحة تستاهل زوجة اخوي كل خير

ربي يسعدها دنيا واخرى

والله اني احبها وقد قلت لها اني احبها واتمنى ان كل حريم اخواني يكونوا زيها

ما شـــــــــــاء اللــــــــــه

اقول لك باختصاااااااااااااار

كل يرووووووووح ولا يبقى الا المعروف

صح ان البداية صعب لكن في الاخير رح تكون الجولة في خاطرك

ولا تحاولي تكبري الامور

ام زوجي رح تجينا بعد بكرة تقعد معنا يمكن شهر

انا فرحااااااااانة جدا فيها

بس المشكلة اني توظفت معلمة متعاقدة في مدينة تبعد عن مدينتي حوالي ساعة او اكثر حسب السياقة

واخاف اني ما اقدر اخدمها واطبخ لها تعرفي الكبار يبغى لهم قهوة وشاهي وفطور وغداء وعشاء

اسأل الله ان يقدرني على خدمتها وان يقدرك على خدمة حماتك وان يصلح ما بينكم

سامحيني ان كان اسلوبي ركيك لآني والله على عجلللل
__________________
الحمدلله حمدا يليق بجلال وجهه وعظيم سلطانه..الله اجعل ابنتي من الصالحات وأعني على تربيتها يارب

التعديل الأخير تم بواسطة غلا 2005 ; 16-02-2008 الساعة 04:37 PM
قديم 16-02-2008, 06:47 PM
  #5
بنان911
عضو نشيط
تاريخ التسجيل: Jan 2008
المشاركات: 182
بنان911 غير متصل  
حبيبتي لا تشيلي هم من واقع تجربة والله الطناش وعدم الرد عليها الحل الامثل لان كبار السن كدة وخاصة ام الزوج مهما تسوي كأنك تنفخي بقربة مقطوعة وبعدين دائما بتشوف بناتها احسن منك يعني اللي تعيشيه شئ طبيعي يصير في اغلب البيوت
قديم 16-02-2008, 08:00 PM
  #6
غـاليــة
كبار شخصيات المنتدى
 الصورة الرمزية غـاليــة
تاريخ التسجيل: Mar 2006
المشاركات: 4,281
غـاليــة غير متصل  
عليكم السلام ورحمة الله وبركاته

عفواً .. يُنقل للمكان المناسب .
قديم 17-02-2008, 01:28 AM
  #7
ام مشموشه
عضو مثالي
تاريخ التسجيل: Jan 2008
المشاركات: 167
ام مشموشه غير متصل  
مشكورين على الردود هدى وغلا وبنان وفوفو

والله لو كانت كبيره استحمل بس هي صغيره عمرها 39 ومثقفه والمفروض انها فاهمه
قديم 17-02-2008, 01:06 PM
  #8
حمامة الوادي
عضو دائم
تاريخ التسجيل: May 2006
المشاركات: 50
حمامة الوادي غير متصل  
يا أختي... أم مشموشة...

أم زوجك غيرانه منك... وشايفة أن أبنها مهتم فييك أكثر منها...

وبصراحة أكبر غلط سويتوه.... أن زوجك يمدحك قدامها.. ويبين لها إن زوجتي أحسن في اختيار اللبس والأكل وغيره...

عشاان كذا تنتقد... وتقف عند كل حااجة...


أفضل حل لك ... عامليها بكل طيييبة ... وتحملي عشاان زوجك...

وكل ما زعلتي في حاجة .. أعتبريها أمك... حطيها في موقف أمك ... وشوفي كيف حتتصرفين وقتها..

وبرضو كل مازعلتك .. إدعي لها من كل قلبك... وإسألي الله يسخرها لك...

وحاولي ماتشوف منك عيبه.... عشان ماتمسكها علييك بعدين..

وداائماً نبهي زوجك... إن هذي أمك لازم تهتم فيها وتراعيها مثل أول...

وإذا كانت موجودة خلو التعامل بيناتكم..( أنتي وزوجك ) خلووه رسمي... بدون مدح وغزل ...

وإذا أنتو لوحدكم ... سوو اللي تبونه...

وبالنسبة للطبخ... سوي لها الأكلات اللي تحبها... لو هي قديمة شوي...

وبعدين أنتي قلتي تجيكم بين فترة والثانية .... يعني تقدرين تآخذين نفسك بين كل فترة ..

أهتمي بزوجك وقت ماتجيكم ... وإذا جاتكم خلي أهتمامه الأكثر فيها...

لأن حتى زوجك راح يتمسك فيك ويقدرك إذا شافك مهتمه في أمه ...

وأهم حااجة ما يمدحك قداامها... وخلي المدح كله لها...

وداائماً رددي الله يخلي لي عمتي اللي جابت لي هالرجال الطيب..
وأمدحي تربيتها لولدها...

ولا تنسين أمر الهدايا ... بمناسبة وبدون مناسبة ...


والدعاااء أمره مهم ....



قرأت قصة عن وحده صبرت على أم زوجها 5 سنين.... لدرجة كانت الأم تنام بغرفة الزوجة .. وتستخدم أغراضها الشخصية..

لكنها صبرت وصبرت ... وبعد كل الخمس سنين... صارت ماتشوف زي زوجة ولدها.. وتقدمها في كل شيء..

وتذكري الآية ( إنما يوفى الصابرون أجرهم بغير حساب..)


هذا اللي جا ع بالي.... وإن شاء الله تتحسن الأمور للأفضل..


الله يوفقك لكل خير ........

التعديل الأخير تم بواسطة حمامة الوادي ; 17-02-2008 الساعة 01:10 PM
قديم 17-02-2008, 01:14 PM
  #9
روح الطير
كبار شخصيات المنتدى
تاريخ التسجيل: May 2005
المشاركات: 12,052
روح الطير غير متصل  
لو كل أم ، فكرت بسعادة ولدها و مصلحته

ما نكدت عليه و على زوجته
قديم 17-02-2008, 01:46 PM
  #10
yallow
عضو نشيط جدا
 الصورة الرمزية yallow
تاريخ التسجيل: Apr 2006
المشاركات: 348
yallow غير متصل  
بصراحة أم زوج هم لا بد منه

ما في أحد ما يعاني وأنا بصراحة كانت أم زوجي تنتقدني في كل شي

في لبسي في طريقة تسريحة شعري وفي اكلي مع إن ذوقي الكل يقول عليه حلو وعلى الموضه

بس أنا الحمدلله كل ما تذمني أذم بناتها واطلع نفسي أحسن من بناتها

والحين اذا قالت لي شي يزعلني صرت ما ارد عليها الا بنظرات استغراب من اسلوبها

واقطعها فترة واذا شفتها اكون جافة معاها ولا افتح مواضيع معها غير كيفك وشلونك

حتى صارت ما تقدر تنتقدني في شي

وصرت أنا انتقدهم مرات في اللبس والشكل وحتى الطبخ

صرت اعاملهم مثل ما عاملوني
__________________
Yellow

موضوع مغلق

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 11:04 AM.


images