السلام عليكم
يعطيكم العافيه
انا مر علي اكثر من 5 شهور ماشفت اهلي
نفسيتي تعبت وانا توني متزوجه بس مارحت لاهلي الا مره وانا متعلقه فيهم
وتعبت نفسيتي مرره وخاصه ان زوجي صارت له ظروف وماعاد صرنا نطلع من البيت
المهم صرت بزياده حساسه و مشغول بالي واحس اني مضغوطه
المهم زوجي الله يحفظه طلبته نطلع قال تعبان سكت وقمت اتصفح جوالي وشفت صوره لماما وضاااق صدري طلعت من عنده وبكيت هو شافني وصار يهاوش انو انا ابكي عشان المطعم واني مابي اطبخ واني صايره بس ابكي وازعل مل مني حاولت افهمه مو راضي يصدق اني لاني مشتاقه راح وحجز لي تذكره لعند اهلي و المده 20 يوم احسها كثيره وقال فكري لان مايلزمني زوجه زعوله انا عصبي وصار كلام انت ماتفهمني وانتي ماتفهميني ..الخ
حاولت افهمه واراضيه بس بقلبه شي مدري ايش هو هدا وحاولت الطف الجو
بس بقلبه شي لانه قبل كان يبيني ااجل سفرتي والحين حجز لي بدون ما يشاورني
ايش رايكم اقلص المده او اروح 20 يوم احسها كثيره وهو هنا لحاله
تشفون 20 يوم شويه او كثيره . انا لانه لحاله احس كثيره
احتاج مشورتكم عاجلا قبل اسافر

العصبيين دائماً طيبين القلوب وزجك مبين انه طيب القلب لكن الأشغال عليه كثيرة .لاتخلي الشك يلعب بعقلك لانه الشك بداية النهاية .

20 يوم سفر عادي .يمكن ب20 يوم عنده أمور أو مشاغل أخري بخلصها . ولو كان سفر ومدينة بعيدة بكون اللي عمله صحيح .هي اخواتي يجون بال15 يوم عندنا .. يمكن زوجك قال خليها تشوف اهلها وتزهق منهم بعد عشان أخلص من زنها

20 يوم كثير.. برأيي أسبوع كفاية أو 10 أيام ماكسيمم
أشكريه على تفهمه لرغبتك.. وان شاء تشوفي أهلك وترجعي لزوجك بنفسية حلوة

انتي مشتاقة لأهلك وشايفك زوجك متعلقة
فيهم فحب تجلسي عندهم فترة طويلة
اذا انتي شايفة المدة 20 يوم طويلة صارحية وخليه يقدم الرحلة 10 ايام

في بنات عادي عندها تجلس شهر شهرين
فروجك اتوقع مو عارف كم المدة الي تلزمك
وكثر خيرة والله حاب يسعدك بالي عندة
واكيد بجواتة مو حاب تجلسي 20 يوم فأكيد هو كمان يشوفها كثيرة

الزوجة الذكية هي التي تحقق قاعدة :

★ اذا نظر اليها اسرته : معاملة و خُلقا و بشاشة !!

__________________
أشهد أن لا إله إلا الله و أشهد أن محمدا رسول الله صلى الله عليه و سلم

هو حجز لي وهو معصب وكان يهاوش وقتها لاني كنت ابكي يعني وهو مو راضي
وبعدين دايم اروح 10 ايام هالمره حطها 20 يوم
وقال فكري ماتلزمني وحده تنكد علي زعوله
لا ماعنده اشغال .. ولا عاد كلمني بعدها
يعني زعلان ومعصب واذا كلمني برسميه

قلت له خلها 10 ايام رفض مايبي
وكان يبي يسمعني حاط بباله اني مابي اطبخ و اشتغل بالبيت
الله يهديه
امممين شكرا

انا كان ممكن اجلس لو كان اهله هنا
بس ماعنده احد هنا وبعدين انا احس كثيره عشرين
قلت له 10 ايام بس رفض مايبي لانه معصب وزعلان مني
وفاهمني غلط .. يمكن لو برضاء عادي بس حز بقلبي
انه يقول فكري فيها انا ماتلزمني وحده تزعل و و و
انا رحت قبل 10 ايام مادق وسال عني ولا مره مع اني كنت عروس
حزت بنفسي .. وانشغلت بسفرتي فيه

عفوا بس ماني عارفه ايش رابط كلامك بمشكلتي

طيب خليها 15 يوم
لا 10 و لا 20
و راضي زوجك ما تروحي و هو زعلان منك
خبريه ما رح تسافري الا بعدما تتصالحوا و تروحي و قلبك متطمن عليه
هو يمكن بفترة محتاجك فيها و انتي خربتيها ببكاءك