السلام عليكم ورحمة الله وبركاته

أنا محتارة وتعبانة أوي لأني حصلي إجهاض ومن بعدها نفسيتي في الأرض
أنا 24 سنة ،، بعد حوالي 40 يوم من الحمل حصلي إجهاض وعملت عملية كحت وتنظيف

وبعدها عملت كافة التحاليل الخاصة بالإجهاض
والحمد لله علي كل شئ
لقيت فيه نسبتين عاليتين

cmv ....... Igg 984

rubella ........ Igg 57

والباقي تمام الحمد لله وكل ال Igm سلبي
الدكتور كتبلي :: روفاميسين 3 .. قرص كل 12 ساعة
أسبوسيد .. قرص كل 12 ساعة

وبعدها بشهر عملت تحليل لنفس النوعين Igg
ولقيت النسب ::

Cmv .... Igg 674
Rubella ..... Igg 130
طبعا قلقت جدا علشان في نسبة زادت كانت قليلة خاصة إني قريت إن ده بيسبب تشوهات الجنين أو الإجهاض لو النسب مرتفعة أوي

روحت للدكتور وقالي استمري علي نفس العلاج لكن خلي الأسبوسيد بدل مابناخده قرص كل 12 ساعة
هناخده قرصين بعد الغداء
وعلشان أطمن حبيت أعمل تحليل بعد أسبوعين
وكانت الصدمة

Cmv ... Igg 994.5
Rubella .... Igg 104.3

طبعا تعبت نفسيا جدا وروحت للدكتور وقالي :
إن الأجسام دي مناعة عندي مفيدة ليه لكن مضرة للجنين عند حدوث حمل علشان الجسم بيهاجم الجنين كأنه ميكروب وعاوز يخلص منه علشان كده فيه خطورة لو حصل حمل تاني إن ممكن لاقدر الله يحصل إجهاض تاني
فكتبلي علي حقنة بنسيلين وقالي أخدها مع الإستمرار علي الأسبوسيد
وأعمل تحليل بعد شهر إن شاء الله

لفيت كتيرررررر ع الحقنة دي لقيت المصري منها إسمه بينسيتارد 1200000
وملقتش المستورد خالص وقالولي مش موجود كتير

بس لسه مأخدتهاش
أنا تكالي وإعتمادي علي الله بس عاوزة قلبي يطمئن .. كده أنا ماشية صح ولا في خطوات غلط
ربنا يكرمكم بالخير طمنوني

سلام عليكم

هو ليه كل ده محدش عبرني ؟؟؟؟