السلام عليكم ورحمة الله وبركاته*

صباح الورد*

سؤال سريع للعضوات العزيزات ولا مانع من مشاركة الرجال*

كيف اقنع زوجي في مسألة الانجاب ..؟

انجبت من زيجة سابقة بنتين تؤام واعمارهم اليوم 11 سنة*

وانجبت من زوجي الحالي بنتين و ولد*

الاولى 9 سنين والثانية 6 سنين والولد 3 سنين*

اشوف اني اكتفيت خلاص واشوف 5 عدد مناسب*

في الاصل كنت اتمنى 3 بس ظروف طلاقي وزواجي من اعزب حدني على هذا الشيء

زوجي مو مقتنع ويقول وده باثنين كمان بعدها براحتي*

زوجي يدري ان الحمل ثقيل جدا علي بس رافض وقال هذا حال الدنيا وانا ما اقصر معاكي اساعدكي في تربيتهم*

صحيح انه ما يقصر بس اشوف انه عدد كافي وغير كذا الحمل ثقيل جدا علي ودائما ما يستمر الوحام الى الولادة وامور اخرى منها*

*وصار بيننا نقاش حاد وحاولت اقنعه واقله ان 5 يكفي وانا تعبت خلاص ابغى اوقف حمل*

قال انا ابغى 5 اطفال وبعدها براحتكي قلت طيب احنا كذا 5 قال لا عيالي ثلاثة والتوأم بناتك لا تربطينهم فيا*

بناتي عايشين معانا من عمرهم سنتين وزوجي يحبهم ومتعلق فيهم كثير ويكرمهم ويموت فيهم وهم متعلقين فيه كثير وما ينادوه الا بابا*

صراحة يوم تعبت من النقاش معه عصبت وانا اذا عصبت اتخذ قرارات سريعة رحت ركبت للولب من دون ما يدري*

يوم عرف بالموضوع رد علي ببرود طيب يعني تبين تمشين الي براسك وسكت*

الان لي اسبوعين هاجرني بالفراش وما يكلمني الا وهو طالع تبين شيء *وهذا التصرف اول مرة يصدر منه

حاولت اتكلم معه *ولا كأني اتكلم طلبته حقي قام حلف وقال والله ما المسكي لين ما تفكين اللولب

الحين اعتزلني وصار ينام في غرفة لوحدة وما يرضى يسمع مني كلمة

الله يستر رغم ان حياتنا مثالية من 9 سنين الا ان الشهور الاخيرة بدأت تكثر المشاكل بيننا*

شايفين الحق مع مين ؟*

وكيف اتصرف ?

الحق معه
والإنجاب حق من حقوقه
وما دام ما رضي لابد تسمعين كلامه
خشية أن يتزوج إن استمر رفضك
ولا تنسي طاعة الزوج واجبة

اقترحي عليه حل وسط.

طفل واحد .. ثم تكتفيان.

__________________


اللهم طِيبَ الأثر .. وحُسْنَ الرحيل.

الحق معه
لا تخسرينه اكثر
اذا راح ما رح يرجع مرة ثانية

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

لا تعاندي فكي اللولب و قولي له ياخدك الطبيبة عشان تفكيه

لا تخليه يتعود يهجرك يقسي و تندمي .زيدي طفل و لين يكبر فرج و رحمة

__________________

(انما يوفي الصابرون اجرهم بغير حساب )

فيه حل وسط

خليه يتزوج وينجب علي راحته

الحق معه ،، اذا اردتي النصيحة

نعم اكرم بناتك ورباهم من طيب اصله وكرمه ،،

بس م يعني انه م يبي بنات يحملون أسمه ،،

انتي عندك 5 هو عنده 3،،

موضوع الانجاب ي بالاتفاق او الرأي الاولى فيه الى من يريد

فكي اللولب ي اختي وسوي اللي يبيه زوجك ،، تذكري وقفاته معاك

ومع بناتك ،، راح تعرفي انه يستحق تتطيعيه


والله يكتب لك الخير ويرزقنا الذرية الصالحة

__________________




ربِ هب لي من لدنك ذرية طيبة أنك سميع الدعاء

أقدر تعبك بالحمل، وماراح يقدره الا من جربه..
لكن اتخاذ القرار إنك تركبين لولب وتفعلينه بدون أي مشورة خطأ كبير..
وزوجك فعله صواب، خبرك بخطأ ماتفعلينه وفق السنه.. اللي هو الهجر بالفراش()

نصحيتي نصيحة محبة لك،
اقتربي منه ذات يوم وأخبريه انك زوجي وحبيبي وأب لأبنائي وما يعز علي إني أشوفك ضايق صدرك وأبشر باللي تبيه ..
ان شاءالله بأحمل، بس إذا ماعليك أمر ودي لو أمنع الحمل سنه سنتين أرتاح فيهم ثم أحمل..
ومن عيوني الحمل ياقلبي ومن هالكلام اللطيف...

وفائدة لك الزوج مايحب تفرضين عليه مافيه حمل أو بسوي الأمر الفلاني..
يحب تشاورينه وتناقشينه..
ومنتب خسرانة لو جلستي تكلمينه وتقنعينه..

منها تزين علاقتكم وما تتوتر ()

والزوج والله بالإقناع يمشي مره...
يعني هالمره قولي بأجلس سنتين أرتاح فيها ثم من عيوني أحمل، وإذا خلصت السنتين احملي وفي بوعدك ثم قولي برتاح فترة وركبي لولب أو حبوب طبعاً بعد مشاورته انك بترتاحين فتره أطول..

ثم تقدرين تحملين أو تقولين ان سني وصل للأربعين خطر علي الحمل ويمكن يجيني طفل معاق أو شي لا سمح الله، لان احتمالية الطفل المعاق أكثر بالأربعين...

الزوج يرضيه انك تجيبين سبب مقنع وانك تسايسينه وتدارينه ()

لكن رفضك للحمل من أوله لآخره موب حل لتعبك، بالعكس يزيدك هم ونكد مع زوجك وعلاقتكم ببعضكم تتوتر ولا تستقر..




لعلمك شرعاً لا يجوز مافعلتيه، لايجوز لك أن تمنعي الحمل وزوجك غير راضي أبداً..
استغفري الله وتوبي وتوددي لزوجك ()


وفقكما الله وجمع بينكما في خير.