السلام عليكم....

انا مطلق وعندي بنت 4 سنوات البنت دايما تتكلم معاي وتسأل اسأله مثل ليش انا ما عندي ام؟ ليش فلانه (بنت عمها وبعمرها) عندها ام وانا ما عندي ام؟ وين راحت فلانه (تقصد امها لانها تناديها باسمها) ؟ انا احيانا اقول لها انتي عندك ام بس ساكنه في مكان ثاني ما تقتنع البنت وتسأل اسأله اكثر مثل ليش ما تسكن معانا؟ علما انه البنت تتذكر امها قبل الطلاق وتتذكر اكلنا وخرجاتنا مع بعض وحتى نومنا كلنا على نفس السرير كعائله و حاليا زياراتها لامها قليله بسبب الظروف

اذا ممكن المطلقين يفيدونا بتجاربهم مع اطفالهم

قطعت قلبي مسكينة
وتوها صغيرة على الهم
يا حرام
تنازلوا عشانها و رجع امها باي طريقة
البنت تشكي الحال ولا راح تقنعها اي اجابة
و الموضوع هذا بيأثر عليها الى الكبر
بهذا العمر الصغير و تقارن حالها بحال الاطفال الله يكون بعونها و يخفف عنها

لازم تزور أمها لا تقطعها عنها

رجع الام اذا تقدر ..

او اعط البنت امها ..

طفلتي بسن بنتك .. تسألني تقريبا نفس أسألتك ..

مثلا بابا يقدر يشوفك اقول ايه .. يعني اسأله جوابها ما يطول
وعلى طول تتبدل السوااف .. اسمع منها ومش ضروري يكون لكل سؤال جواب ولا تسترسل معها


بقول لك شغله ..

انا الان بما اني مطلقه .. يلفت نظري الطفل اللي مع امه وابوه واتألم على اطفالي وعلى ((واذكر الله ))

هذا وانا كبييييره يوجعني قلبي .. كيف طفل واكيد بقلبه حسسسسره ما نقدر نوصفها

__________________
أعلل النفس بالآمال ارقبها .. ما أضيق العيش لولا فسحة الأمل

عشان كذا اقول التضحية قدر الامكان و لا يمر الطفل بالعذاب هذا

تنازل ورجع امها حرام ع الاقل علشان البنت
واجلس معها وفكروا مع بعض يمكن الطلاق خيره لكم وصار كل واحد حس بقيمة الثاني
على الاقل ماتندم بكرا البنت وراها زواج وكيف امها مطلقه تحس انها صعبه حاول بقدر الامكان رجع امها افضل الله يوفقك للخير 🌷

اشكر كل الي رد

بالنسبه لارجاع امها الحقيقه المُره هي انه مافي مجال للرجعه ابدااااا والموضوع مو موضوع تنازل لو على التنازل كان تنازلت ولكن للاسف هذا النصيب
خيار انه البنت تروح عند امها بعد غير ممكن لان وضع الام الحالي ليس مناسب للتربيه ومو متوفر عندها مكان للسكن وما عندها القدره تقوم برعايتها.

انا بس اريد اعرف شلون اعوض النقص الي صار.. ادري ما راح اعوض 100% بس على الاقل اخفف من السلبيات قدر الامكان.

قل لها ان عندك ام
ولكن المك مسافرة عند اخوالك
ولازم ترتبط بإمها ع الاقل مره أسبوعيا لو كل واحد منكم بمدينة
ولو بمدينة وحده وقريبين من بعض يوميا
ولو بعاد يوم ورا يوم

ماتقدر توفر للام سكن قريب وبنتها معاها
ماتتصور وش كثر هالسن البنت تتعلق بامها

روح معقوله بنتك عمرها اربعه ومخليتها مع ابوها
على الاقل هذي تكون عندك
صغيره مره

في هالحالة انت ملزوم تسكنهم سوا وتصرف على بنتك !!