17-06-2020, 05:09 PM
|
المشاركة الأصلية كتبت بواسطة ولد آل زيد
الحمد لله بخير . الله يجعلك أنت والأخوة بخير موضوعي انتظر متى الطيران يفتح وعسى الله ييسر الأمور . خلاص بارسل أرقام اللي أعرف إنهم كويسات وفيهن جدية وتدين لأحد الأخوة المشرفين أو الإدارة إذا كان مسموح وهم يوصلونه لك لكن عاد شرط إلا في بلدك الطايف ما أعرف . لكن فتشي نفسك لابد فيه شي واقف . كلنا خطائين فتجي المشاكل عندنا عقوبة على معصية ربما تكون قديمة وإحنا ناسينها أو تقصير في بر والدين أو تقصير في صلة رحم أو تقصير في عبادات لأن غالب أو كل ما يصير للإنسان هو نتيجة أفعاله السيئة . والاستغفار الجاد كفيل بتحسين الظروف . يمكن يجي في بالك : طيب أنت ياللي تنصح أنت طبقت على نفسك ؟ أقول لك نعم وشفت نتايج كان تحقيقها أشبه بالمستحيل . فلا تقولي دعوت ودعوت ولم يستجب لي فأصلا الكلمة هذي هي نفسها تخلي ما يستجاب لك . من الأشياء اللي جربتها الاستغفار الجاد ونفعت ، وقراءة سورة البقرة وبقية سور القرآن بشكل شبه يومي . وأسمع كثير وما جربت صراحة عن تكرار سورة الفاتحة والصلاة على النبي والاكثار من لاحول ولا قوة إلا بالله . والدعاء وقيام الليل . الحاصل توجهي لله فمن اللي توجه لله وخيبه . ما فيه ولو تأملتي قصص الأنبياء فكل اللي صار لهم وتحقق معجزات من جد ما أحد يتخيل أصلا إنها صارت وتخيلي لو بوذي حكى إن واحد من الهند ابتلعه حوت وراح في أعماق البحار وجاء بوذا وانقذه كان ما أحد صدق ، لكن لأن الله أخبرنا ونحن مؤمنين أن الله على كل شيء قدير فنصدق . أجل واحد يبتلعه حوت ويروح في أعماق بحار من بيلقاه في بحار ومحيطات وظلام وليالي في ذاك الزمان . يعني نسبة النجاة سالب مليار مو حتى صفر وبتكراره التسبيح ولا إله إلا أنت سبحانك إني كنت من الظالمين أنجاه الله ومن كرم الكريم جعلها أيضا للمؤمنين . فأيش عاد يعني عند الله وحدة تأخر نصيبها ( ولا شي ) بكن يكون أي أمر يريده الله جل وعلا . فعن نفسي ما أصدق واحد يقول توجهت لله وما أستجاب لي .( لازم فيه شي ) . عندي وحدة من قرايبي تأخر زواجها ما تزوجت إلا فوق الاربعين والآن الحمد لله مبسوطة ( توها قبل فترة تزوجت الله يرزقها بالذرية الصالحة ) الشي الثاني لا تتشرطين واقبلي حتى معدد ثالثة ورابعة ولاهو شرط في بلدك إيش المشكلة لو في الشرقية أو الغربية والدوام له حلول نقل أو ندب . وأحب أفيدك صحيح الرجال يحبون الصغيرة بس مو كلهم لعلمك بعض الرجال ما تناسب وضعه صغيرة فبعضهم متوفية زوجته وعنده عيال والصغيرة ما ىتصلح له والكبير برضه قواه الجنسية ضعفت والصغيرة ما تصلح له من ها الناحية صحيح إنا نبي الصغيرات كرجال ( لكن كثير منهم يحكم العقل ) . ومسألة تنجبين وتتركينهم فالأعمار بيد الله . ابدئي من الآن بالمحافظة على كل واجباتك الدينية وركزي على تلاوة القرآن وحفظه وقراءة سورة البقرة بشكل خاص . فما فيه أحد أعرفه أو اسمع عنه قرأها كثيرا أو قليلا إلا سهل الله له أموره وتقربي إلى الله وراح تنبهرين . ملاحظة للفائدة : فيه حساب بتويتر اسمه أخذها بركة يتكلم عن تجارب الناس في قراءة سورة البقرة . اطلعي عليه وتشوفي بنفسك . الله يوفقك ومعليش على الاطالة أو لو كان في كلامي شي من القسوة |
22-11-2021, 05:45 AM
| مواقع النشر |
| أدوات الموضوع | |
| انواع عرض الموضوع | |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
