مركزين على سالفة العمر كانه البنت عجوز خلاص يادوب تلحق قبل ما تقطع الدورة منها السنة الجاية او اللي بعدها!

كلها على بعضها 33 سنة يعني قدامها ان شاء الله 12 سنة خلفة اذا الله ارادلها ويمكن اكثر

نرجسية اصحك اصحك تجيبي طاري العمر وانك كبرتي حتى لو هو اكبر منك لانك اساسا منتي كبيرة ..

ومعليش يعني اغلب امهاتنا انجبونا واخوانا بال30 وبداية ال40 مش معضلة يعني ولا امرها غريب..

نرجسية خلاص اتفقي معاه بعد رمضان تشيلي المانع وخلاص او في عيد الحج .. حدديله كذا موعد منها ماكسرتي كلامه بالتاجيل ومنها انتي صار عندك وقت محدد وتهدئي.

__________________

الحمل على كبر متعب وانا اشوف اللي حولي بنات على 36 و37 ويقولوا خلاص تعبنا بعكس الصفيرة جسمها باقي بتحمل وسمعت ان كبر عمر الوالدين له علاقة بالتشوهات واكيد مو شيء معمم
زوجي فعلا احس انه مو حاط الخلفة بباله وانا بس اتخيل بعد كم سنة وعندي اطفال صايرة اتخيل واحلل زوجي مو عناااادي بس سالفة الحمل مو زي سفرة او سوق انا ما اعرف هو ايش اللي مخوفه حتى عياله من طليقته بينهم فترة

علاقتي كأي ام بطفلها تعلقت شوي بالخادمة لانها الصباح معاها بس انا غير انا امها

مافيه غير ولا اي شي. الحين الشغاله مالها ثلاث اشهر والبنت تعلقت فيها.
نرجسيه اتوقع رغبتك بالامومه مو رغبه نابعه من نفسك لان وبكل صراحه بنتك ومو قادره عليها كيف بتقدرين على مولود ثاني؟

وثاني شي اذا حطيتيه بالامر الواقع وحملتي بتظنين انه بيحب المولود؟ حطي نفسك بالموقف نفسه، انغصبتي على الحمل وانتي ماتبين الحمل. طول عمرك بتكونين عارفه انه الحمل جاي غصب وانه الولد او البنت مغصوبه عليهم واي مشكله يسوونها بتقولين كل هذا علشانه غصبني على الحمل لو ماغصبني كان ماصارت هالمشكله

حملت ببنتي الاولى بعمر 19 ، وحملت ببنتي الثانية بعمر 22 .. وحملت ببنتي الأخيرة بعمر 28 سنة ..
تعبت تعب شديد بآخر حمل لي قضيت أول 3 شهور بين البيت والمستشفى..والشهور الاخيرة ثقل وتعب مب طبيعي وضيق تنفس وفقر دم .. وعارفة إني لو أحمل ألحين بعمر 33 بتعب أكثر لأني شايفة قوتي مش كالسابق ..

بالنسبة للي يحملون بعمر 45 مثلا .. نعم ممكن يكون حملهم خفيف وولادتهم هينة .. لكن متى بيربون هذا الطفل لين يكبر .. يعني يوصل عمر 10 سنين .. تكون الام عمرها 55 .. من بيدرس ومين بيربي .. ولما يوصل عمر 15 في سن حرج جدا تكون الأم 60 سنة والأب 65 مثلا .. من بيراقبه ومين بينتبه له ومين بينصحه عن الغلط .. ترى الموضوع مش انجاب وبس .. إحنا بنتحمل مسؤوليتهم ل20 سنة قادمة إذا مو أكثر ..

أختي الكريمه
الحل هو بأن تراسلي شيخ مفتي
وتسأليه عن الحكم شرعاً
فيما يفعله زوجك ليمنعك الحمل
وتطلعي زوجك على الامر

رزقك الله الذريه الصالحه

انتظري واصبري ونفذي مقترحات الاخوة والاخوات بان تليني الامور وتطلبي هالامر بعدة طرق ومواقف غير مباشرة .. لا تستعجلي وتكوني بمشكلة وتصيري بمشكلة اخرى ..

انا بينت لك وجهه نظري انا كنت مثلك رافض انجب بعد بنتي خلاني ٧سنوات على موانع الحمل وسببت لي تكيسات ومشاكل
بالارحام رحت لعياده وشفت شكل التكيسات ومازال مصر على الحبوب فانهرت لان الدكتوره قالت ممكن يتطور الامر ويتحول التكيس لورم خبيث في الرحم لازم علاجه او استأصاله جراحيا
صارت نفسيتي سيئه انفجرت بوجهه وتركت الحبوب ومعي اثباتات ان حبوب منع الحمل سببت لي المرض وعلاجها بامرين اما حميه قاسيه جدا ليصل وزني ل٥٠ او الحمل
وقلت له ان علاجي بالحمل واقتنع اكراها
حملت والان انا بالشهر الخامس والله كلما شافني تعبانه انتقد اوقال محد ضربك على يدك وقال احملي مع ان عمري بين ٢٧ و٢٨
وكل موعد ينكد علي ويتأفف
واذا طلبت منه يراجع لبنتي درس بسيط فقط مراجعه قال تبين عيال تحمليهم ماجبرتك عالحمل
ونفسيتي زفت نقص وزني كثير من الهم والدكتوره خايفه عالجنين صار حجمه صغير من سوء النفسيه والوحام ومارحمني يبي كل شيء تمام في البيت انا كنت مثلك متشفقه اما الان مع التعب وترك المسؤوليه علي زاد الضغط النفسي وبنتي هلكتني بطلباتها ودلعها لذلك من تجربتي انصحك كاخت لي لاتضعيه تحت الامر الواقع بتتعبين كثير لوحدك انا زوجي ماكلف على عمره يعرف انا باي شهر ولاهمه لانه موراضي واذا شكيت او تالمت من ظهري او الوحام انفجر بوجهي نفسيتي سيئه لدرجه ماتتوقعينها اول كان يشيل عني اغراضي اذا رحت السوق او بيت اهلي ونفسيته حلوه وبعد حملي صار يخليني اشيلهم وطول الوقت يتذمر مني بصوت مسموع والله تجيني الام واسكت من القهر واذا قلت له ابي مستشفى انفجر بوجهي صرت اذا حسيت بالم اسكت واصبر نفسي الى ان اروح لبيت اهلي وهم يودوني لانه يتعبني بنقده يقهرني بتذمره وصراخه تغير كثير يوم حملت كان يضحك معي الان منفس ويجلس بعبوس واذا تبين الشقا والمشاكل سوي اللي براسك وعانديه احيانا اجلس اوسوس بسببه الامر موهين ابدا لاتقولي عندي شغاله صعب تربين اثنين لوحدك ولاتقولي اذا ولدت بيتغير لا انتي ماتعرفين قهر الرجال بيضل يقهرك ويقهرك لانك عاندتيه واجبرتيه على شيء مايبيه لما خبرته اني بعرف جنس الجنين الاسبوع الجاي قال مايهمني هو طفلك لوحدك سميه اللي تبين ولمااروح معه السوق واروح قسم المواليد يتنرفز ويعصب ويطلع من السوق وقال لوالامر جاء بطيب خاطر قبلته لكن كذا بعناد ماراح اقبله ربيه لوحدك

__________________

قدمي تعبتني الاسبوع الماضي فقررت اروح اكشف واشوف وضعها وبعد كذا اشوف موضوع الحمل
خايفه احمل واحتاج علاج وما اقدر استعمله

جديدي في الموضوع

سويت عمليه لقدمي واخذت نقاهه واللحين افكر اسوي القدم الثانية الله يسهلها جات سالفة فتحت الموضوع قلت له بسوي العملية الثانيه عشان ابغى احمل واحتد النقاش مثل المره الماضية يقول ما ابغى حمل
طيب انا ابغى احمل ماله حق اجلس انتظر لحد ما حضرته يقتنع ووقتها احسني مو طايقته لانه مو من حقه يتحكم ويقرر هالموضوع وحده

الله يشفيك بعد ما تقومين بالسلامة ان شاءالله
لا تجيبين سيرة الحمل مرة اخرى بما انه غير مقتنع وان كنت ضامنة انه غضبه ما يكون كبير اعملي نفسك لخبطتي في الحساب واحملي