25-07-2009, 11:52 PM
|
المشاركة الأصلية كتبت بواسطة ورد وذبل
مبروك
لا تحاتين بسجلك بكره كل شيئ والمجلات بعد بس جاوبيني انتي وين |
26-07-2009, 12:55 AM
:14::14::14::14: .. 
26-07-2009, 10:36 AM
26-07-2009, 11:59 AM
26-07-2009, 08:07 PM
|
المشاركة الأصلية كتبت بواسطة cute_baby
هلا ياعسولة .
خلااااص أخيراً بنزفك :14::14::14::14: ..ايه اخيرا بتنفكون مني ههههههههه يارب لك الحمد .. ربي يتمم أمرك على خير ويسعد قلبك ويجمع بينكم على خير .. امين يارب وعقبالك ياغاليه منى عيني نتزوج في سنه وحده انا وانتي ونفرح مع بعض لا تشيلي هم كبير ياغالية بإذن الله تعالى بتتسهل أمورك وانتِ مو حاسة .. بس لا تحملي نفسك فوق طاقتك العروس محتااااااجة للراحة النفسية والإسترخااااااء اختي مثلك في أربع شهور جهزت نفسها وأقل كمان .. بس تحتاجي ترتيب أفكار وترتيب الإحتياجات كلها يعني تكتبي كل الأغراض اللي تحتاجيها بنوته صغيرة واللي تخلصي منه تشطبي وما اقدر اوصفلك الراحة والسعادة لما تجي تشطبي شي بيني وبينك أيام تجهيز اختي هي كانت مرتااحة ولا شايلة هم صح تطلع معانا بس احنا اللي نختار ولما نسألها تقول مالي شغل .. بالذات لما كنا نشتري قمصان النوم نقول لها ايش رأيك بهذا مثلا تقول مااااالي شغل كنت انا والوالدة الله يحفظها اللي شايلين الهم رغم انها أكبر مني المهم ياغالية مثل ما قلت لك ترتبي أفكارك .. يعني مثلا اليوم رايحة السوق الفلاني .. تكوني مرتبة نفسك ومجهزة كل احتياجاتك من هذا السوق .. أهم شي تبدأي فيه الآن فستان الزفاف .. بتفكري تفصيل أم جاهز ؟؟ محتاره والله الاسعار نار سواء تفصيل ام جاهز انا حاطه الميزانيه للفستان على الكثير 5000 بجميع احتياجاته واشوفها كثيره عليه كمان عارفه فستان ملكتي اشتريته جاهز ومره يجنن ومميز ومافي احد لبس زيه وكل من سألني عليه وقمية 1400 اتمنى ربي يحضضني بفستان الزواج ويكون حلو ومميز وسعره مناسب ... بس اتوقع اني افصل شفت موديل حلو وناعم مره وخامة القماش تفته ومطرز على الصدر يعني حاليا التفصيل مرشح اكثر من الجاهز. لانو بالحالتين أكيد يحتاج تعديلات وهذي التعديلات ممكن تاخذ شوية وقت .. تبدأي فيه وتشيلي همه عنك .. بعدها تبدأي في مستلزماتك الخاصة .. مثل ما قالوا الأخوات لا تكثري كثير .. العدد اللي قلتي عنه معقول .. وعندك فرصة الآن فيه بجدة تخفيضااات استغلي هالوقت . بحاول أحصرها لك .. قمصان النوم والملابس الداخلية والبيجامات الساتان وأرواب الحمام هذه كلها تلاقيها في نعومي .. وممكن في نوفيلا بسوق النجار ... لاسنزا ,, وأيضا في محلات كثيرة في مجمع الشرق ممكن يعجبك فيها اشياء نعومي ولاسنزا حلوه الاشياء اللي عندهم تعجبني شفت لي كدا حاجه عجبتني فيها بس نوفيلا مااعرفه ياريت ياغاليه تقول لي اسعاره زي نعومي ولاسنزا مناسبه اسعارها والا غالي وكيف الاشياء عندهم خامتها حلوه ؟ ومجمع الشرق تقصدي المشاط ؟او شيء تاني؟ ملابس قطنيه للبيت بيجامات وشورتات .. مكياجات وعطورات كريمات الجسم ومعطرات الجسم والمقشرات (مجموعة العناية بالجسم) سيشوار.. آلة نزع الشعر أدوات الخياطة ومقص من أي مكتبة من الصيدلية: قطن + أعواد قطن + مزيل المناكير + مزيل للعرق + مناديل للمنطقة الحساسة + فوط + فوط للاستعمال اليومي + غسول للفم + بخاخ معطر +حلويات معطرة للفم بعدة نكهات + فرشاة ومعجون+ ديتول للإستخدام الشخصي+ ليفه للجسم.+ علبة حلاوة للجسم+ مرطبات طبية للبشرة + سيرم للشعر + مناديل مزيلة المكياج مسك الطهارة + مسك العروسة ومكعبات المسك من عبد الصمد القرشي سجاديد وشراشف للصلاة مع كتيب الاذكار والمصحف + مناديل صغيرة ومناديل معطرة للشنطة تقريباً هذه كلها ,, واعذريني لو نسيت شي ,, انصحك تبدأي ترتبي جهازك أول بأول .. اختي كانت مجهزة الصناديق اللي بتحط فيها الأغراض وأول بأول ترتب .. بس الملابس حطتها بشنط سفر أما باقي المستلزمات بالصناديق وعلى طول تزيينها وتغلفها بطريقة حلوة .. ماعندي صور ولا كنت نزلتها لك طيب ياغاليه ممكن اسألك من فين اشترت الصناديق ؟ وكمان فيه ادوات التخزين شفت صورها في النت حلوه مره تعرفي وين تنباع ؟زي اللي في الصوره  الله يسهل أمورك وييسر لك كل خير .. أي استفسار لا تترددي ياغالية |
26-07-2009, 11:21 PM
|
المشاركة الأصلية كتبت بواسطة إبداع القلوب
يالله ياكيوت بجد والله اكبر فخر اني تعرفت عليك ,,,,الله يسعدك ويرزقك راحة البال ويحقق لك كل امانيك ويرفع من قدرك
مشكوره ياغاليه |
,,
27-07-2009, 01:54 AM
|
المشاركة الأصلية كتبت بواسطة دنيتي دنياك
ســـــــــلام عليكم
صبـــــــــــــــــــــــــــــــ الخير ــــــــــــــــــــــــاح ياعروسه الف الف الف مبروك بارك الله لك وبارك عليك وجمع بينكم على خير ماشاء الله عليك ربي يسعدك ويوفقك الله يبارك فيك ويسعدك يارب انا متزوجه من سنه وممكن افيدك اول شي جيبي لك مذكرة صغير ه تكتبي فيها كل خطوة بتقدمي عليها لاتشتري فستان الفرح انصحك بصراحه تستأجري والسبب ..>>>>انك بتلبسيه مرةوحدة وبعد؟؟؟؟؟ ووووووولااااااااااااااااا تقولي ابغى شي فخم ابغى شي افتخر فيه قدام اهل زوجي إذا انت في جدة اسألي عن >>>>> العمارة الزرقاء في حي الكندرة يأجرووا فستاين فخمه مع مستلزماتها كلها ويعدل لك و بسعر مناسب جدا ما يتعدى اللفيــــــــــــــــــــــن ريال انا استأجرت من هناك وطلعتلي كانت روووووووووووعه والحمد لله للشعر : تحتاجين انك تاخدي الشامبو والبلسم( وافضل حمام الزيت )يستخدم قبل الاستحمام وانصحك بي ((فاشكول )) ممتاز جدا استشوار مع فرشه وكريم ما بعد الاسشتوار كلها خذيها من قزاز وانصحك بنوع ( elchim ) لونه احمر وقته اللفين ,وبس سودا وشبك>> عشان بعد ما تستشورين تلفين شعرك وتلبسي الشبك يصير حلو مراااا وتمسك فيه اللفه تمام وطبعا طقم فرش ومشط وانواع الشباصات وربطات وبندانات للبيت عمليه للاستخدام اليومي واكسسوار للشعر جيبي فضي وذهبي واسود اهم شي إذا حبيتي تزيدي مو مشكله بس هذا الاساسي وخلي عندك زيت لما ابو الشباب يرووح من عندك حطي على شعرك يساعد على لمعانه وقوته ويصبح قوي ويقاوم الاستشوار والاستحمام المتكرر بما انك عرو س طبعا هههههههه وانصحك بزيت الخروع ممتاز لتقوية الشعر صح ثقيل ومقرف بس رااااااائع وتحصليه في الصيدليه زجاجه صغيرة بخمسه ريال بس فعاله الوجه: بالنسبه للمكياج :احذري تشتري شي ما تعرفيه ولا اي كلام خذي شي ممتاز ومناسب لبشرتك انصحك بطريقة حلوة >>>>> * طبعاحددي مبلغ للمكياج *حددي ثلاثه او اربع ايام تنزلي السوق تشوفي بس وما تشتري روحي اول محل وثاني محل قارني الاسعار والمزايا * حطي شوي من اللي تريدي تشتريه سواء روج او ضل او اساس على منديل وافضل على يديك *وروحي البيت شوفي على رواااقه واسألي اكثرمن وحدة بعدين قرري من وين بتشتري واي نوع بتختاري *خذي شي عملي يومي وشي خاص بالسهرااات *خذي اروااج ماركة جسيكا ( jessica ) وكمان (look)عمليه جدا وجافه ماتسيل والوانها حلوة وصناعتها الماني كويسه خذيها من سوق البوادي ب 15ريال لاتقووولي رخيص مابيه صدقيني رووعه وعن تجربه وإذا اخذتي منها بتعدعي لي ر * وطبعا تحتاجي مجموعه عنايه بالبشرة كريم منظف وتونيك كريم الليل انصحك تروحي للسوبر ماركت وتأخذيها من هناك تحصلي اشكال وانواع اختاري اللي يناسبك *انا اعطيك خلطه لجمال الوجه والجسم سوااا جيبي سكر خشن وملح عادي واخلطيهم بزيت زيتون حطي على جسمك ووجهك وافركي بس شوي شوي وبعدين اغسلي جسمك بشاور جل بدووون ليفه طبعا استمري عليها فترة تجهيزك كلها وبتشوفي النتيجه عشان ما تتكاسلي جيبي علبه شامبواا فاضيه وحطي فيها زيت زيتون وعلبه صغيرة فيها ملح وسكر وخليها في الحمام الله يعزك ويوم ترجعي من السوق كل يوم سويها >>>>وبتدعي لي انت وزوجك بعد هههههه طيب اخلطها مع بعض والا كيف ؟ كل يوم صعبه انا كسوله مره هههههههه هذا وسلامتكم ماشاء الله إذا تكلمك ماعاد اتوقف لي عودة لكم |
27-07-2009, 01:56 AM
|
المشاركة الأصلية كتبت بواسطة افرح
14:1000: 1000 :14: مبروك وربنا يهون عليك...
في هذا القسم هنالك ملف كامل بكل ماتحتاجة العروس ارجو ان تستفيدي منه.. |
27-07-2009, 02:09 AM
|
المشاركة الأصلية كتبت بواسطة cute_baby
حلو اللون اللي رديتي فيه .,, وأمنيتك ,, اسأل الله العلي القدير أن يحققها ,, ولو مو نفس العام ألحقك بكم شهر طيب ياغالية نبدأ حبة حبة بخصوص الفستان .. بقولك على مكانين روحي شوفي اللي عندهم وإذا مااعجبك أشجعك ع التفصيل وفي خيّاطة على قد ما أقولك إنها مبدعـــــــــــة مارح يكفي روحي ديميتريوس اللي بجدة مول رحت له ماعجبني شيء  كل مره كنت اروح له واحصل شيء يعجبني بس دي المره على حضي ماعجبني شيء وروحي على العروسة في شارع الامير سلطان بعد روائع المكتبات دائما امر من هناك بس ماقد لفت انتباهي العروسه بعد روائع المكتبات على طول بروح له ولو يعجبني شيء من هناك ماراح ادعي لك وبس راح اخلي امي بعد تدعي لك وجدتي الله يحفظها انا بصراحة اختي أخذت من العروسة وطلع فستانها خيااااااااااااااااااااااااااال ,, طبعا سوت عليه تعديلات ,, سعره كان 5570 ريال ,, مع الطرحة والبوكيه ,, << الوكيه ما كان ورد كان شيء مميز ما شفت أي عروس ماسكة مثله ,, يعني كسرت القاعدة بس طلع جدا روعة أروع من الرائع ,, بعدين المسؤولة هناك تساااعد وتقولك هذا يناسبك وهذا لا ,, وفيه كتالوجات لو تبغي تطلبي ويجيك من بره وديميتريوس كنا شايفين فيه كم حاجة حلوة ,, بس العائق كان المقاس ,,سعره حلو جدا ومناسب ماابي ازيد عن السعر دا بصراحه مشكوره ياقلبي بجد والله كنت محتاره بس الحين صار عندي امل انو ححصل جاهز ان شاء الله بس ماقلتي لي في محل العروسه كيف المقاسات انا جسمي تقريبا نحيف يعني وزني 47 تتوقعي احصل مقاسي أما الخياطة ,, ترسم لك الموديل ,, أو إذا كنتِ شايفة موديل عاجبك خذي لها الصورة وهي ترسم الموديل نفس الصورة وتبدأ تفصيل هذه الخياطة فصلت فستان ملكة اختي وبصراحة والله كانت مبدعـــــــــــــة اخذنا لها الموديل وطلعته قمة في الروعة وفصلت فستان ماما بالملكة والفرح وكمان دحين تفصل فستان ماما لزواج اخي ,, تعرفي ام العروس او العريس لازم تكون مميزة وفعلا طلعت التصاميم بتمييييز اجيبلك عنوانها بالضبط بس هي قبل دوار الفلك وانتي جاية من دوار الهندسة نوارة اسم المشغل انا ااعرف نواره اللي ورى المغربي في المساعديه صراحه غالي و تفصيلهم مو قد كدا راح تسوي معروف لي لو تقول لي وين محل المشغل اللي تتكلمي عنه أما بخصوص نوفيلا اسعاره ارخص من نعومي ,, وتلاقي خامات متعددة ,, مري عليه بسوق النجار ,, حتى لو مااعجبك قمصان النوم تلاقي الملابس الداخليه هناك بس انا واثقة بيعجبك كم حاجة , ومجمع الشرق بشارع المكرونه ,, حتى لو فكرتي تاخذي قماش لفستان الزفاف لو فكرتي انك تفصلي رح تلاقي أقمشة فاخرة بالعيسائي هناك ,, مدري هو سوق المشاط أو لا ,,, بالنسبة لأدوات التخزين ’’ في البلد فيه محلات كثييرة ,, بسألك الوالدة عن مكان محدد ,, لا تترددي ياغالية في الأستفسار عن أي شي ,, اجل الله يعينك علي من هنا الي يوم الزواج  ولي الشرف بأخوتك والله .. انتِ تدخلي ع القلب الله لا يحرمني هالدعوات الطيبة .. ويكرمك فوووووق ما تأملي ., ويسعد أيامك ., ياااارب .,, ويسهل أمورك كلها بس هاااا عااااد لو تزوجتي لا تنقطعي من هنا ,, |
27-07-2009, 03:47 AM
|
المشاركة الأصلية كتبت بواسطة إبداع القلوب
ابشري من عيوني بس لازم في البدايه اخذ فتره واقطعكم تعرفين ببداية الزواج لازم اتفرغ لزوجي .
أسأل الله العلي القدير ماتجي سنة 2010 الاوانتي متملكه:14::14: وجاك نصيبك الطيب ياااااااااارب ياكريم يرزق بالزوج الصالح والذريه الصالحه يارب وتتخرجي بامتياز ومع مرتبه الشرف . |
ياااااارب تتسهل كل أمورك يا سوسو:14:** بضم اللام والواو وشدة على الياء,, كثفي الدعاء برمضان الله يرضى عليك
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
