ماراح تقدري تطنشي السالفة وتنسيها الا لما تتناقشوا فيها بشكل جدي ولا بتجلس مفتوحة جواتك وكاتمة على نفسك

اطلبيه تناقشينه وان رفض خذي لك موقف لين يجي ويناقشك عشان تنتهي السالفة وتنقفل في قلبك

انا مريت بتجربه مشابهة لزوجي مع وحدة وكنت باتكلم معاه يتهرب وزعلت واخذت منه موقف قوي ولا كلمته ولا اعتبرته موجود لحد ماجاني وتكلم معاي وسألته الاسئلة اللي تهمني للأمانه انه تهرب من بعض الاجابات وبعضها كذب علي فيها بس مجرد ارتباكه وتردده في الاجابات وخوفه وقت النقاش كفوني واعطوني قوة عشان اتناسى الموضوع وما اذكره ولا اذكره فيه

وطلعي لك رقم جديد لاتعطينه احد غير زوجك واقاربك وصديقاتك المقربين جدا ووقتها ولما يوصلها الرقم بتعرفين مين يوصل لها اخباركم بيكون من ضمن الناس اللي عطيتيهم الرقم

ولو قدرتي توصلين لام البنت ارسلي لها محادثاتك مع بنتها وقولي ان ما فكيتوني منها بأبلغ عنها الجهات المختصة من باب التهديد لا اكثر

انت الآن في بيتك او بيت أهلك

ملكة بذاتي عزيزتي
اذا كانت هذه الأحداث دراما
لما لا ينكر و يغضب. عوضا ان يسكت؟

لماذا فسرت انه فرح عندما سكتت عن الموضوع. على ان ذلك رضا بثقتها
و ليس فرحا بخلاصه من العتاب
برأيي ما فعلته منفردة صح. لكن لا تزيد عليه
اي خلاص عاتبته و عرف انه عرفت و يمكنه ندم. فالحمد لله
و اذا كانت ببيتها فالحمد لله
عاجلا او آجلا. ستهدأ نفسيتهما و ترجع الأمور لطبيعتها

انا ان نطالبها بأن لا تحقق في موضوع كهذا. كأن زوجها دخل شات مع بنات و طلع
و نجزم لها انه فبركة و صوتيات
رغم ان زوجها ما يسكت لها على الكلمة. بكل بساطة خل يقول التسجيل كذب و فبركة و يكون مطمئن
ماهي السلبية التي ستحصل لو أنكر ؟

__________________

هو اللي جلس يسأل من ثاني يوم ليش سرحانه ؟
فين ديارك ؟
فين وصلتي ؟
كل شوي يقول بالك مو معايا ..

وانا ابتسم واقول مافي شي حبيبي ..

لما نامت بنتي وحسيت الوقت مناسب
قلت له تسألني ب ايش أفكر وليش سرحانه ؟
قال خير ؟
قلت يكون بالك وكلك معايا بتكلم .. بتكلم كلام من القلب للقلب ..
قال هاتي
قلت : انا مجروحه للان احس بيننا حاجز .. ماني مرتاحه لأمور كثير بالذات سالفة البنت .. احس اني ماصرت اثق فيك زي زمان .. صرت أفكر بكل وقت انت تكون فيه لوحدك .. تكون مع غيري ..
للان مدري اذا الكلام صح او كذب اللي وصلني .. لكن الاكيد انك تواصلت معاها بغض النظر عن السبب والاحداث والتفاصيل ..
انت للان مابررت .. ماناقشت.. ماقلت لي الا لا تتواصلي معاها بتخرب بيتك هذي وسألتني عن الانستقرام وسناب وطريقة التواصل فيها فقط ..
انا ممكن عقلي يكبر نفسه ومايسأل عن شي علشان تستمر الحياة ..
بس قلبي يافلان محتاج تبرير .. قلبي انكسر ومحتاجه لك تمسح الاذى اللي جاني منك ..

قال : مافي جديد الا انك ما صرتي تثقي فيني .. بالله هذا وقته ؟ شايفتني جيعان وورانا نوم وتفتحي مواضيع اتقفلت من زمان ..
قلت تقفلت من وجهة نظرك


لما قام يصرخ بطريقه وربي ماعهدتها عليه
قلت له ترى بداية كلامي قلت لك الكلام من قلبي لقلبك انا الان محتاجه منك احتواء وطبطبه لو ماعندك تبرير..
قال انكتمي خلااااص مليت من أسلوبك
ممله هبلا ماتفهمي
قلت انكتم ؟ ممله وهبلا كمان ؟؟
من متى تكلمني بهذا الأسلوب ؟
قال خلااااص والله ترى اخذ ملابسي واترك لك البيت لو قلتي كلمه زياده

قلت له انت اللي قلت لي اتكلمي الان تسمعني وتقفل الموضوع بدون تعليق ؟

قال اقول انكتمي انتي عبيطه ولا ايش ؟
قلت لك ما ابغى اكلمك ماتفهمي؟

رميت جوالي ب أقوى ماعندي ع المكتبة وبكيت وجلست اقول ليش تعاملني كذا ؟ ليش توصلني لهذي المرحلة وانت تعرفني مااحب هذا الأسلوب ..
قال : ما تغيرتي نفس أسلوبك ترى انا ماني راضي عليك وراح اجلس ايام بدون ما اكلمك ..

دخلت غرفتي وبكيت الين دخت..

رجعت له لقيته ع الجوال يكتب ع الواتس
قلت انا اللي اعرفه انك ماتحب تكتب كثير ايش عندك لك ربع ساعه تكتب ؟

قال البياره حقت العمارة مدري ايش فيها وأكلم الجيران ومدري ايش ما سمعت الباقي دخلت غرفتي ..

ما نمت كويس وانا صاحيه من بدري

وهو كمان من الليل يتقلب
لما صحي يصلي الفجر .. هو صلى بعدي لانه ما قام ع المنبه ..

رجع بينام .. قربت منه قلت رغم كل شي ارضى عني ترى مانمت ..
قال: دام مانمتي ليش ما مسحتي الغرفه اليوم الرجال بيجيب الأغراض .
قلت مصدعه مو قادره اسوي اي شي
حضني وقال خلاص راضي عنك ..
بعدت عنه ونمت ..

ثاني يوم كان تعاملي معاه رسمي جدا ..
اجاوب ع قد السؤال..
قال اطبخي بقدر الضغط مافي وقت

هذا الكلام الساعه وحده ونص الظهر

قلت له ساعه والاكل جاهز
قال نشوف

اتغدينا ..

لما كان يلعب بنته يقولها الله يصبرك ع امك زي ما انا صابر عليها
لما شاف وجهي انقلب صار يضحك بصوت عالي

المغرب سويت سوفليه الا هو جاي بعد الصلاه قال ايش بفم بنتك
قلت ذوقتها السوفليه
قال من ورايا ؟
وبعدين قام يتكلم ب انشراح يقول ابشرك مشكلة البياره انحلت وووو

شرب قهوه واكل حلا
وقال ايش تبغي غير الاستشوار ؟
قلت سلك للشاحن
قال طيب
خرج ثلاثه ساعات
لما جا لقيني مشغله الاضآءات الملونه و... مافيني اكتب تفاصيل يلوموني عليها بعض الأعضاء لكن كنت بقهره

لما جا فصلت الاضآءة وفتحت النور الأبيض
قال دقيقه ليش ليش
قلت انت ماتحب هذي الأجواء
قال الا احبها

باسني من خدي وقال جبت لك أغلى استشوار وبكيس هديه كمان
وهذا سلك الشاحن
وهذا وهذا ..،

بعدين اتعشينا عشا خفيف ودخلت انيم بنتي ..
لما جيت قال نامت ماشاء الله ؟
قلت ايوا قال ... اسمي دلعي وقال خليك عندها شويا تأكدي انها نامت ..
قلت انا اصلا داخله عندها بس باخذ جوالي اتصفح الين انام ..
دخلت ربع ساعه وطلعت اخذ السماعه ..
لقيته حاط يده ع خده ومقفل التلفزيون ..
قلت له نسيت سماعتي.. اخذتها ودخلت ..
شوي الا هو دخل ينام ..

لما خرج للدوام الصباح ما سلمت عليه زي دايما.. ولما وصلني بيت امي مامسكت يده زي دايما ..
قال استودعتكم الله قلت مع السلامه
والظهر رسل لي يسأل عن بنتي وجاوبت ع قد السؤال وعليها ماتواصلت معاه..

هالمره تطنيشي له جا من قلب ما اجبرت نفسي عليه ..

ليش اعيش مع انسان يصادر سعادتي ؟
ليش مل الخيارات بحياتي صعبه ؟



ايش تفسيركم للي يصير ؟

سقيا انا سمعت الكلام ونفذته

هو اللي اصر اتكلم وانفجر فيني


ترى اختصرت ولا أسلوبه الجاف زايد ويتدخل حتى بالغساله

__________________

ويتدخل بحلق بنتي

انا جلست عنده من الثلاثاء للأحد ..

وبكرا راح اروح يومين يومين ..

__________________

نسيت اقولكم

انا قلت له

ماراح اروح لامي لانها ما راح تنصفني وراح توقف معاك

لكن في يوم تجتمع الخصوم عند الله والله وقتها ما راح أسامحك وراح اخذ حقي منك

هذا لما قال لي ترى الم ملابسي واطلع ماعاد تشوفيني

__________________

منفردة.. هو غلطان ل نفسه .. انتي صحيح بشر و محتاجة يطمنك .. و يراعيك و ع الأقل يبرر الشي القليل،. بس شكله والله تعالى أعلم كارهه نفسه من ذي السالفه و بحاول يتناساها بينه و بين نفسه و الطامه أن انتي دريتي..

منفردة ساعديه خلاص قفلي الموضوع .. حاولي ابدا ما تلومينه ع ذنب بينه و بين ربه.. وقبل لا يعرفك حتى..

انتي محتاجة تثقلين بس بدون هالصدود الدفش.. كوني مره كذيه و مره كذيه يعني تقلبي في مزاجك
الله يعينك و يصلح بالك و بيتك

__________________

منفردة

تصرفك طبيعي جدا لا الومك عليه
و تصرف زوجك طبيعي ايضا

المهم انكما معا و سيأتي اليوم الذي تعود فيه حياتكما
كما كانت بإذن الله ..
فالايام كفيلة ان تجعلك تنسين او تتناسين هذه المشكلة
و هو سيكون اكثر حرصا على ان لا يجرحك لأنه عرف مقدار ألمك



فقط تذكري ان الله تعالى حينما يغفر للعبد ذنبا فإنه يمحوه من صحيفة
اعماله و يجعل الكرام الكاتبين ينسون هذه المعصية التي ارتكبها ..
فلم لا نغفر نحن و ننسى ..؟!



اخيرا :
لا تنسي ان زوجك سيغضب ان عرف انك تكتبين مشاكلكم في المنتدى .
خاصة انك تكتبين ما يحصل و مايدور بينكما بشيء من التفصيل
انتبهي ..
و ارجو منك ان تتوقفي عن الكتابة في هذا الموضوع
لأنك تعصين اوامر زوجك و تخدعينه ايضا .
اعتقد ان مشكلتك حلت و الحمد لله

__________________
أستودعكم الله الذي لا تضيع ودائعه .. و احفظوا عني :
إن لم تكن إنسان إرادة تلتزم بفعل ما تريد فكن إنسان شغف و أحب ما تريد الالتزام به و ستنجح بإذن الله .

__________________

ما بعد الشدة الا الفرج

منفرده طمنينا عنك؟؟!