السلام عليكم ورحمة الله وبركاته


كيف حالكم جميعاً إن شاء الله تكونوا بخير

زوجي كثير النظر إلى النساء في اغلب الأماكن اللي نروح لها يحب يناظرهم ويتبادل معاهم النظرات

احياناً مااكون منتبهه لأنه يكون جنبي لكن انتبه من البنت اللي يناظرها تكون تطالع فيني هي وصديقاتها ويأشرون علي ولما اطالع بزوجي القاه يناظرهم

جات فترة كرهت الأسواق والأماكن العامة من كثر البنات اللي يحاولون يلفتون الانتباه

قبل شوي كنا طالعين وبنتي تلعب في الملاهي وجالسه اناظرها لقيت ثنتين يطالعون فيني ويأشرون

وزوجي طلع من عندي ورجع وهو راجع التفت له لقيته يناظر بوحده منهم وهي الظاهر مطنشته وهو يلتفت لها الا تطالع فيه ولما جا عندي جلست اتحسب ولا تكلمت معاه والى الآن ماتكلمت معاه ولاقلت له شي


لاني طفشت معاه من كثر مااتكلم معاه احيانا يعترف واحيانا ينكر ومااطلع بفايدة !

شوفي وضحي له انه ماهمني بقق عيونك في البنات زي ماتحب لكن انا موجوده معاك أحترمني مو تضحك علي الخلق زوجها معاها ومشغول بغيرها وهدديه انك ممكن تفشليه في السوق ترفعي صوتك عليه قدامهم ....

واذا مافاد أشري له ع شباب حلوين ههههه والله توبيه بس بدون مايحس انك قاصده مثلا شوف المكدش هذا اذا قال ايش فيه قولي شعره ملفت😁خليه ينشغل بنظراتك بدل ماتنشغلي بنظراته....


انا اقول لزوجي نظراتك تراها محسوبه ع قد ما تطالع في بنات الناس في رجال بيطالعو فيني وتأكد اني مارح اتابعك بس احترم وجودي معاك والحريم مو طايرين معاك في الجوال ولا اذا كنت لحالك بقق عينك زي ماتبغى كلها مسجله في كتابك ....
احياناً يأشر لي ع بنت متكشفه ويقول اعوذ بالله ايش الاشكال هذي
اخليه فتره واأشره له ع شاب حليوه هههههه واقول شوف الشورت لفوق الركبه الله يهديه😁
ينكتم بعدها ....

ما ينلامون صار غض البصر صعب هذي الايام
حريم من كل جهه امامه وخلفه ويمينه ويساره واغلبهم متبرجات الله يهديهم
كيف بيغض بصره..؟!

انا اشوف الاحسن للوحده تقلص خرجاتها لهذي الاماكن قد ما تقدر
او تروح مع نساء صار تواجد الرجال بالمولات يشكل مصايب للاسر

وبعدين وم بتودين عيالك الملاهي مو لازم الملاهي اللي بالمولات لان كالها حريم
وديهم الملاهي اللي بالحدايق العامه اسلملك

صراحه اغب الحريم لقينها تفر بالاسواق وزوجها ماسك الاطفال بالملاهي اللي بالمول
والحريم حوالينه!!بالله كيف بيغض بصره مسكين

روحي مع حريم السوق وخلي زوجك بالبيت مع العيال او بالملاهي العامه بالحدايق

الاسواق اماكن الشياطين وش تستنين يطلع منها

__________________
( والذاكرين الله كثيرا والذاكرات )
ادعوا الله ان يجعلكم من الذاكرين له..

والله ماخليت طريقة الا صلحتها لدرجة اني اخليه وراي عشان ماانتبه له اذا يطالع

لكن زي ماقلت في موضوعي البنات هم اللي ينبهوني يصيرون كلهم يطالعون فيني ويأشرون يطلع شكلي غبي .

الله يسعدك متفائله 🌹

أحسنتِ أختي فاطمه ..
والله هذا مايعانية أغلب الرجال إن احتاج الخروج للسوق ..
مشكلة نظرة المرأة قاتلة ..
عصمنا الله وكل مسلم ومسلمه ..
اختي همس .. اقرأئي كلام أختنا فاطمه وحاولي تطبيقه .. جنبي زوجكِ قدر الإمكان السوق وإن كان لابد فليكن في أوقات
الصباح مثلا أو وقت يكون السوق خفيف من المتسوقات .. وهذه الأيام أفضل وقت هو في وقت متأخر من الليل قبل إغلاق السوق خاصة أيام الدوام .

__________________
كيف اقاوم الهم والألم. بالسجود راحة واطمئنان.

نهاية نوال..!

اذكر فتره من الفترات قلصت طلعاتي

لكن عشان بنتي صرت اطلع ماابغى احرمها من الملاهي


واغلب الوقت هو اللي يبغانا نطلع


الله يسعدك فاطمة 🌹

اخوي المشكلة من زوجي شي داخلي فيه حتى لو اللي قدامه ماهي ملفته

اذكر. في مره من المرات كان يطالع في بنات عايلة اشكالهم رثّة جداً (مو سب فيهم والله بس عشان اوضح)

يعني اتوقع اللي له سنين ماشاف حريم مستحيل يطالعهم لانهم ابداً مافيهم اي شي يلفت

فليش يكسر قلبي ،لو كانت اللي قدامه مطلعه زينتها وتتغنج ممكن اعذره رغم انه المفروض يغض بصره

البارح لما ماخلى ولا وحده في الملاهي الا لاحقها بعيونه كان فيه شاب يحاول يطالع فيني ويلتفت علي كل شوي رغم ان عبايتي ساتره ولابسه نقاب ومغطيه عيوني لكن تذكرت (دقة بدقة ولو زدت لزاد السقا )

،
اشكرك اخوي ثنيان على النصائح .

بصراحه انا مش شايف مبرر لان الراجل يقعد يبص على البنات ومعاه مراته ..
ثم بالتجربه النظر ليهم بيعمل كوارث ...
حقولك حاجه .. انا لما اكون سايق وفيه واحده حلوه سايقه جنبى بتلفت نظرى ..
لو طولت للنظر ليها بلاقى نفسى حالبس فى العربيه اللى ادامى لولا ستر ربنا ..
حتى لو ماشى وفيه واحده ادامى ولابسه الجينز او العبايه المحزقه وبصطلتها لازم اخبط فى اللى ادامى ..
عشان كده بطلت ابص للحريم خالص وانا ماشى ..
جوزك لازم يفهم انك بتتضايقى من فعلته وانه لازم يحترمك وصرى على ذلك بحده ..
اما ان كان وحده فذنبه ويحاسبه عليه الله ..
اما انك تعملى زيه فما انصحكيش ..
ولاد الناس مايعملوش كده ..
وبعدين ايه ودى جوزك الملاهى .. هو احنا حانغطى الرجاله زى الحريم
هو بابا نويل قبل مايخلف نويل كان اسمه ايه ..؟

__________________
تٌجّنِبًوٌا الَوٌحًدٍهّ...فُهّيِ تٌعٌشُقُ الَرجّوٌعٌ لَلَمًاضيِ

البصصه موجودة في بعض الرجال هداهم الله
حاولي مايكون معاك في اماكن تجمع النساء كالموالات والملاهي والمعارض المختلطة
ولاتنسي الدعاء عند الخروج اللهم استودعك الله زوجي من فتنة النساء
والصراحة بعض النساء من لباسها وحجابها تفتن الله يستر عليهن ويهديهم

__________________
اللهم اصلح قلبي وقلب ابنائي

فطوم كيف مايلامون ....

هذي معصيه ياقلبي مافيها مايلامون غيرة المرأه الي ماتلام فيها لانها فطره اذا ماهزته المعصيه وتركها لله يتركها عشان فطرة المسكينه الي بجنبه .....

وبعدين فتنة النساء من عهد قديم وكل جيل تتفنن فيه العاصيه او المتبرجه لفتنه الرجال واسالي جداتك ايش كانو يسوو إمرأه كبيره قالت لي انهم كانو يلبسو فقط شي يستر العوره تخيلي مو لانه ماعندهم ملابس لانهم جاهلين وتشتغل في مزرعه وهي لابسه كذا ومن تحت اللبس او القماش ملفوف عشان تقدر تاخذ راحتها في الشغل وكانت في عمر 14 سنه تقول الحمدلله انها عرفت التستر دحين ماتشوفي حتى ظفر لها ...
من غير رقصهم امام الرجال واختلاطهم في المناسبات ...

الفتنه في كل زمان ومكان والشرع اعطى الرجل النظره الاولى السريعه بعدها والله يقدر يسيطر ع نظره زي ماقال رؤوف ....

ياليت مانضحك ع انفسنا ونغير قوانين ربنا انه الرجل مايلام لما ذكر رسولنا اعطم فتنه النساء القصد إنهم يحذروا منها فهمتي والحل البعد عن الاماكن هذي الا لضروره وغض البصر ...

ورح ارسلكم المرأه الي ارادت ان تفتن قاضي مكه ....جاته الفتنه لحد عنده وشوفو الفرق بينه وبين الي يبحث عن المعصيه بنفسه