ربما لا تكون قصتي فريدة من نوعها ،، ولكن هذة هي المشاركة الاولى لي في المنتدى وارجو ان تقبلوني اخت جديدة ،،، ونرجع لقصة طلاقي ،،،،،(( سوء الاختيار)) هو سبب طلاقي ،، والتعلق باوهام ليس لها اول من اخر ،،، رفضت توسلات ابي واهلي واصريت على الحبيب ،، لاتفهموني غلط ،،، والله اني الحمد لله بنت لا عندي سوالف ولا خرابيط كنت الحمد الله متميزة بين زميلاتي بالاخلاق ،، والادب ،، بس والله رومانسية كثير وحالمة وعندي كل الناس طيبين كنت احس بهالشخص انه يحبني ،،، وطبعا انا لا عمري حبيت ولا شي بس الله يلعن ذيك المسلسلات والافلام ،، والاغاني الغرامية اللي تخلي البنت تعيش في حلم وردي وتنسى كل الحواجز ،،، ،، كنا نشوف في المسلسلات البطل يحب البطلة رغم الاختلاف بينهم ،، ويتمسك فيها وهي بعد ،، والنهاية سعيدة طبعا ويتزوجون ويخلص المسلسل او الفيلم ،،، لكن الفيلم الحقيقي هو بعد هالزواج ،،، ليس الكل ولكن الغالب ،، حياة مريرة ولا فيها أي شي من الحب والحنان والاهم الاحترام،،، وركزوا على الاحترام ،،، تره اهم من الحب ،،، لانك لو بديتي حياتك بالحب ،،، ممكن بعد الزواج يصير احترام وممكن لا ،،، لكن لو بديتي حياتك باحترام متبادل ،، هذا راح يتحول الى حب بعد الزواج ،، بس انا بالنسبة لي تحول الحب الى كره ،، وحياه مريرة ،، عشت مع زوج الله يسامحه ويهديه ،، ما في قلبه رحمة ،، لا رحمة على زوجة ولا رحمة على ام ،،، والله اللي ما يحترم امه ولا يرحمها ،،، ويخاصمها بالشهور واحيان سنين اش تنتظرين من وراه ،،، ختم الله على قلبه وصار من سيء الى اسوء ،،، وانا صابرة ،، وطول الليل فارشة سجادتي ادعي له بالهداية ،، وهو طبعا يشرف البيت الفجر كل يوم على هالحالة ،،، لا وظيفة ،، ولا يصرف على ولا على بنته ،،،، وانا بين نارين ،،، نار هالزوج القاسي ،،، ونار اني ما اقدر اصارح اهلي يوقفونه عند حدة ،،، وكله لاني افتكرت ان هلي راح يتشمتون فيني ويقولون لي هذا اللي بغيتي ،،، بس طبعا كنت مخطأة ،،، اهلي هم اللي وقفوا معاي وقت شدتي ،،، ،، وبعد 5 سنوات من العذاب ،، وصار بدل البنت بنتين الله يحفظهم ،،، قررت اني اتطلق منه ،، وهو خوفا من المحاكم ،،، رضخ لطلبي ،،، وكل همه اني ما اطلب نفقه ،، وما اتكلم عن سوالفه ،، ولين سألني القاضي عن سبب الطلاق اقول ان احنا مو متفاهمين ،،، وهذا اللي سويته بس عشان انهي هالكابوس ،،،
والحمد الله تم الطلاق وانا الحين اخذ لي سنه من تطلقت ،،، واقسم لكم بالله اني لما تطلقت ،، اقصد اول يوم طلاق كنت بقمة السعادة ،، واهلي كانوا مفكرين اني بازعل ،،، بس الحمد الله على كل حال ،، ويبقى الخوف على البنات ،، انه يحرمني منهم لو فكرت اني اتزوج ،،، وهذا اللي يخليني ما افكر اتزوج مرة ثانية ،،، مع ان عمري 26 بس .
بس الله كريم كل مشكلة ولها حل ... ادعولي الله يرزقني بالزوج الصالح ،،، ويحقق اللي في بالي ......