السلام عليكم
ادخل في الموضوع انا دائما زوجي يروح الاستراحة مع زملائة ويلعب كرة وامس طلبت منه يجلس معنا لان بيسافر اليوم قلت ابغى تتفرغ لنا انا والاعيال اليوم من حقنا قال خلاص بعد مراوغة ثم خرجنا كوفي شوب انا وياه لاحظت عليه انه طفشان وماله نفس صراحة اتضايقت لاكن قلت يمكن يتهيالي حاولت اسولف ادلعه مافيه فايده الرجال مكتم طبعا علشان الاستراحة
قلت لازم اعوضة قلت تراني الليله متفرغة لك تبي نحجز فندق الي تبغاه انا حاضرة لاحظت استقبل الفكرة بكل برود قلي لاكن مايصلح ناخذ الفندق بكرة دوامات وبس الليله خسارة نبغ نستأجر ويكون معنا وقت اطول قلت خلاص براحتك بعدين قلي طيب ابغى اقول شئ ايش رائيك اروح الاستراحة بعدين ارجع ونروح قلت ايههههههههه هنا بيت القصيد انت تقول خسارة مابنجلس الا لليلة والان انت تناقض نفسك تبغى اروح بعد ماترجع من الاستراحة الان اقولك انا مابغى ورجعني البيت
وماابغى شئ منك وزعلت وقلت ياليت الانسان يترك الكذب لاني لما قلتلك اجلس معنا انت وافقت وما قلت الصدق الي في خاطرك انت كذا ماسويت شئ ماريحتني ومشيتني ولا رحت الاستراحة وريحت نفسك الصراحة انا اشوف هذا نفاق بعدين من حقي عليك انك تجعل من وقتك لنا بعدين انا صراحة اخذتها اهانه لكرامتي وحدة تقول لزوجها يالله نستانس ويقول لاورغم هذا مع اني واثقة ثقه عمياء في جمالي وفي حسن تعاملي معاه بلعكس فيه فرق كبير بيني وبينة من ناحية الجمال بس انا اشوف الرجال مو بمنظرة لاكن بشخصيته ملاحظة هو بيسافر مع امه للعمرة مع اني كنت مخططة اروح انا وياه لاكن لما عرفت انهم بيرحون سكت ولما قلي ايش رائيك تروحين معانا قلت لا تفرغ لوالدتك يمكن تبغاك لوحدك وانا عارفه كلامه هذا من الدحلسه الفاضيه الي تعودت عليه ارجووووووكم ردوا وبصراحة ومن غير مجاملة

هههههههههههههههههههه أختى الله يعينك زووجك يحب ويموت فيك بس يبي يكون دايم مع ربعه

حاولي تووفرين الجو الحلو والكلام الحلو وصدقيني رجلك من نفسه بيفكر يغير طريقه جلسته مع ربعه

تعرفين اختى بين فتره والتانيه حاولى تكلمينه ... قولي لي له احنا نحتاجك معانا وأرسلي له دايم مسجات

صدقيني راح يحس فيكم ... وربي يرجعه لك بالسلامه

وان شاء الله المره الجايه ترووحين معاهاااا....

__________________
لا إله إلا الله عدد ما كان وعدد ما يكون ، وعدد الحركات والسكون

مافي شخص فيكم غلطان .. بس لازم تعذرين الزوج وتتفقون على تخصيص يوم بالاسبوع ..... يتفرغ لكم ... وترى الشغل ما يروح لاصدقائه ويجد سعادته عندهم الا بسبب المشاكل والهموم .. لذالك لما تشوفينه حسسيه بالسعاده. والله يوفقكم

__________________
ولد بطنها

حبيبتي طولي بالك عليه اولا الموضوع مو انك مو عاجبته بجمالك او تعاملك مو حسن ممكن في شي بإسلوبك فيحاول يبتعد عن هالشي عند اصحابه والحمدالله عند اصحابه مو باماكن ثانيه شوفي وش بطريقتك معه ما يحبها ممكن انتي تجينه بالفرض ..إلى ابي اطلع اليوم والحين او انك على طول تزعلي من رده وتاخذي بخاطرك ولا ترضي برأيه فيطر يجاملك.
شوفي انتي ودوري وين الخلل... خذيه بالسياسه عجبتيني بشغله قلتيها انك تركتيه يروح مع والدته للعمره مع انه عزمك عزومة مركبيه ولو كانت لا تحطي ببالك
اكيد بتجيكي فرصه غيرها بإذن الله وهاذي من السياسه ومن صالحك هالشغلا بكذا هو حس انك فهمتي ان امه اولى صدقيني هالشي بيعززك عنده اكثر وإن ما اظهر هالشي والأكيد مارح يظهرلك ..
بالنسبه للطلعه... كان المفروض ما تقوليله على بلاطه خليك معنا ومن حقنا عليك انك وإنك .....الرجال مايحب احد يملي عليه واجباته اكتفي بالتلميح بحاجت العيال للقعده معه وانك مشتاقتله ومن هالكلام ...احيانا الحوار الصريح ياتي بالرد العكسي وممكن يوصل للعناد..والحمدالله ما وصل معك لهالدرجه حاول يجاملك وهو مايبي وهذا نتيجه لطلبك الي يعتبره زن وهو بيسد واجب لا اكثر ولا اقل طلع معك بدون رغبه..خلي الرغبه تجي منه إنتي حسسيه بأساليب غير مباشره بان العيال زهقانين يبون يطلعون للمكان الفلاني فكريه بطلعه كنتم فيها سوى لوحدكم خليه هو يفهمها ويسير العرض منه مو منك....حركات حريم يعني منتي غشيمه فيها (إن كيدهن عظيم )
اذا كان الآن باقي ماسافر خذي بخاطره وقوليله ان الطلعه امس خربت بسبب انك متوتره ومشغول بالك بأنه بيسافر وهو سبب ضيقك عشان كذا تنرفزتي ..يعني اقلبي الموضوع بغير الي فهمه انك ماتبينه يروح مع اصحابه لان لو هالشي بباله رح يصر اكثر ويتمسك بطلعاته وبيعرف ان اعتراضك عليهم وهالشي ما بيرضيه اكيد..
وإن سافر .ارسليله مسج على نفس التوضيح وانك تبينه يوصل بالسلامه وهو راضي مو بخاطره شي ولا تقدرين على زعله وانك مستنيته بشوق بدعي بدعي عزيزتي لا تخلي شي.
ان شاء الله اكون افدتك ..وبشرينا

بصراحه المفروض ما تكون سهراته كلها للاستراحه من حقك تزعلين عليه هو اللي غلطان في النقطه هذي
لكن سالفة السفر احس عادي ما فيها شي لو سافر مع امه...

والله يوفقك اختي ...

أنا زوجي مثل زوجك..
كله تاركنا أنا ويناته بالبيت وهو طلعات طول النهار والليل..
في السابق كنت أزعل وأتضايق وأقول له طلعنا وإنتطلعاتك كثيرة وماتقعد معانا بالبيت ولا تطلعنا تمشينا .. وحتى الضروريات يأجلها يومين ثلاثة أو حتى أسبوع..
ألحين ..
أنا سكت عنه ..
وعافت نفسي بصراحة عن الطلعات ..
ماقول له وين بتروح ومتى بترد ..
أولا تتأخر..
أو أقعد معاي بالبيت ..
صار هو من فترة لي فترة يحس إنه مقصر معانا ويقول لنا أمشي خلينا نطلع ..
أو أنا عازمك على الغدا .. أو ناخذ بناتنا للألعاب ..
يعني صدق التحسن قليل جدا .. لكن الحمد لله شوي يحس ..

شكرا على الردود صراحة ريحتني ردودكم حسيت اني مو لوحدي ارجوكم ادعولي لا كن الحز بخاطري انه سافر ما ودعني
وانا حاسه انه اللغلطان ومقهورة في نفس الوقت انه سافر زعلان

الماس ياحبيبتي..
إحنا تعلمنا سواء الزوج غلطان أو إحنا اللي غلطانين ..
لازم إحنا اللي نعتذر..
أو ما اقول نعتذر..
ولكن إحنا اللي نبدأ بالصلح..
وإحنا اللي نرجع المياه لمجاريها ..
وإحنا اللي نراضيهم ..
وإحنا اللي نرخي ..

كلميه وعطيه من الكلام الحلو ..
ومن حنانك ..
وخليه يرجع لك مشتااااااااق..