إلى متى هذا الوضع؟؟؟ والله تعبت و انكسر قلبي - منتدى عالم الأسرة والمجتمع
logo

الملاحظات

المتزوجين مواضيع تهم المتزوجين من الرجال والنساء.

موضوع مغلق
قديم 19-10-2007, 02:01 AM
  #1
بنت_الحب
عضو نشيط
تاريخ التسجيل: Dec 2005
المشاركات: 153
بنت_الحب غير متصل  
إلى متى هذا الوضع؟؟؟ والله تعبت و انكسر قلبي

اااااااااااااااااااااااااااااااااااااااهه يا قلبي
انا الليله مهمومة ومضايقه و مو شايفه في الدنيا غير السواد .. صارلي ساعات ابكي لين هلكت و اختنقت و ما لقيت غيركم افضفض له و شكيله حزني و لو اني عارفه ان الشكوى لغير الله مذله .. بس محتاجه اطلع اللي في قلبي

انا زوجه ثانيه .. او الاصح اقول زوجه زايده .. مهما طالت العشرة بيني و بين زوجي و مهما صبرت و اتحملت و اتنازلت بتتم حقوقي ضايعه

كعادته كل عيد و من ست سنوات عمر زواجنا .. زوجي عيد في بيته الثاني قصدي طبعا بيته الاول الاساسي اللي فيه زوجته الاساسية و عياله الاساسيين .. و انا والله عمري ما شكيت و لا اعترضت لاني عارفه ان هذا هو الوضع الطبيعي .. انه يعيد هناك اول بعدين يجيني ..

اخر ثلاث ايام في رمضان قضاهم هناك على اساس يجهزون للعيد .. و انا اتحملت و قلت ما عليه انا لو احتجت شي اهلي موجودين هو عياله اولى فيه

و يوم العيد عيد هناك و جاني بعد المغرب عيد علي انا و بنتي و روح المسا ما بات على اساس انه ثاني يوم هو و عياله و اهل زوجته الاولى و اهله طالعين رحله و على اساس بيتم يومين مع العيال يمشيهم .. و انا قلت مو مشكله هم اولى فيه و انا كالعادة انا و بنتي بنطلع مع اهلي نعيد

بس اليومين صارو ثلاث و اربع و كل يوم باجر اجيكم .. و اخر وعوده كان انه المفروض انه اليوم بيجينا .. و انا من الصبج جهزت و نظفت و رتبت و طبخت على اساس بيتغدا عندنا .. بس الظهر اتصل قال ما لحقت انشغلت و بجيكم العصر .. و انا قلت ما عليه ما فرقت من كم ساعه و اترييت و اتعدلت و جهزت و مر العصر و المغرب و هو لا حس و لا خبر .. لين اتاخر الوقت رسلتله مسج اساله وينك .. بعدها بساعه تقريبا رد علي قال العيال ما خلوني يبون يطلعون و يوم الجمعه زوجته عازمه اهلها عالغدا و طبعا لازم يكون موجود يعني بيجينا الجمعه المسا او السبت

و طبعا كل هذا و انا مو من حقي اقول شي .. لو تكلمت رده جاهز على طول و اتعودت عليه (انا ما بقصر مع عيالي)

انزين و انا؟؟ وين حقي؟؟ و بنتي و ين حقها في ابوها؟؟ و الله ويهي احترق قدام اهلي دايما الموقف هذا يتكرر .. يوعدني و انا اتجهز و اخبر اهلي انه جاي .. بس ما يوفي و اهلي يسالوني عنه ادورله اعذار انا نفسي مو مقتنعه فيها بس عشان ما اصغره في عينهم

الله يعلم اني مو مقصرة و ياه .. من تزوجته و انا حاطته على راسي .. و ما عاملته الا بالطيب .. و الله يعلم اني ما يوم حاولت ابعده عن زوجته ولا عياله و اني اذكرهم في حضوره و في غيابه بكل خير .. بس مو عارفه شو اسوي .. تعبت و مهما حاولت و صبرت ماشي يتغير .. في الاول كنت اقول ما يبغي يغير عليهم او بعده ما اتعود انه يكون مسؤول عن بيتين .. لكن لين متى .. نحن صارلنا 6 سنين متزوجين .. و بنتي كبرت و صارت تفهم شو معنى ان ابوها يكون غايب عنها .. و دومها تسال عنه و انا اقولها باجر و باجر بس لين متى .. لين متى بتتم حقوقي ضايعه معاه.لين متى بكون زوجة في وقت الفضا و بس .. يوم هو فاضي و ماعنده اي شي ثاني يسويه يذكرني و يجيني يقضي و قت حلو معاي ...جنس و طلعات و سوالف و ضحك .. لكن حياة مشتركة ماشي .. استقرار و امان ماشي

انا اتزوجته و عمري 18 سنه و الحين 24 يعني في عز شبابي و عز احتياجي لوجود ريال معاي .. لكن ابد مافي .. هاليومين اللي يقضيهم عندي (ابد مايزيدون عن ليلتين مهما كان قبلها مطول هناك بالعكس ممكن ينقصون) هاليومين يعاملني احسن معامله كاني بعدني عروس طول اليوم في حضنه و لو بنطلع من الفراش بس عشان نطلع يمشيني انا و البنت .. اما باقي الايام اتم معلقه .. اشتاقله و احتاجه معاي بس هو ما يهمه.. كل وقته لهم و دايما يتم هناك بالاربع و الخمس ايام عالاقل .. انزين ليش؟؟ شو ناقصه؟؟ بشو انا قصرت؟؟ و لو كان يطول عشان العيال انزين انا بعد عندي عيال محتاجين ابوهم ؟؟ و الله تعبت و ما عدت عارفه شو اسوي

التعديل الأخير تم بواسطة بنت_الحب ; 19-10-2007 الساعة 02:07 AM
قديم 19-10-2007, 02:39 AM
  #2
little dreams
كبار شخصيات المنتدى
 الصورة الرمزية little dreams
تاريخ التسجيل: Sep 2004
المشاركات: 2,778
little dreams غير متصل  
وليه مايعدل ليلة هنا وليلة هناك ؟؟!

عشان عياله ؟؟! قولي له ربك أعلم بالأصلح والأنفع ..

وماقال المعدد الي عنده عيال يحق له يغيب عن زوجته بالأيام !!!

تزوجت وأنت عارف إنك لازم تعدل ...

وإذا تحسينه متعلق فيك وينفع معه أسلوب القوة قوليله توني في عز شبابي وجمالي وماأتحمل زوجي يبعد عني كل هالأيام !

ياتعدل ليلة وليلة ياتخليني أشوف حياتي ! توني صغيرة !!

ومعليش أختي سؤال ! عمرك 18 وتتزوجين الثانية ؟؟! غريبة شوي !!
قديم 19-10-2007, 02:53 AM
  #3
اغصان مائله
عضو مثالي
 الصورة الرمزية اغصان مائله
تاريخ التسجيل: Aug 2007
المشاركات: 710
اغصان مائله غير متصل  
يااختي ليش ساكته ليش مايعدل ليله لك وليله لها وين العدل

الله يعينك يااختي تكلمي معه بهدوء وقولي له انا ماتزوجت علشان اعيش هذي العيشه ولازم تعدل

هذا حقك واذا كان مايبغى يظلمهم على قولته ليش يتزوج
__________________
موقع للقران جدا رائع تصفح واستمع
http://www.tvquran.com/abkar.htm
قديم 19-10-2007, 03:05 AM
  #4
اغصان مائله
عضو مثالي
 الصورة الرمزية اغصان مائله
تاريخ التسجيل: Aug 2007
المشاركات: 710
اغصان مائله غير متصل  
جنة الدنيا ايش فيها انها تتزوج الثانيه وعمرها صغير عادي جدا

عندنا زواج الثانيه مثل زواج الاولى مهم عند رجالنا وبعد بنات صغار مره
الله يعين
__________________
موقع للقران جدا رائع تصفح واستمع
http://www.tvquran.com/abkar.htm
قديم 19-10-2007, 03:05 AM
  #5
بنت_الحب
عضو نشيط
تاريخ التسجيل: Dec 2005
المشاركات: 153
بنت_الحب غير متصل  
اختي جنة الدنيا
زوجي اصلا من منطقه ثانية و بيته هناك .. بس المسافه بين المنطقتين 120 كم مو اكثر لكن هو ماخذ هالشي عذر عشان ما يقسم و قته ليله عندي و ليله عند زوجته الاولي

انا من اول زواجي احاول معاه و هو مع انه في كل اموره الثانيه ملتزم و مراعي ربه بس في مسالة العدل هذي بالمره .. و صار بعد حولي سنه من زواجنا اني كنت واصله حدي من الموضوع هذا خاصة اني و قتها كنت مريت بتجرية اجهاض و نفسيتي تعبت وايد و كنت خايفه اني ما اقدر احمل مره ثانيه و مع هذا هو كان على نفس الوضع معظم وقته هناك .. فانا شديت معاه و عصبت و قلتله يا انك تعاملني بشرع رب العالمين و تعطيني ابسط حقوقي و هو انك تكون معاي او طلقني و كنت متمسكه بقراري هذا .. فوصلت انه طلقني قال انه ما يعاندني بس هذا اللي يقدر عليه و اذا انا مو مرتاحه ما بيظلمني معاه فننفصل و اشوف نصيبي مع غيره .. بس انا اتراجعت لاني ما استغنى عنه و ردينا و تم الوضع على ما هو عليه لين اليوم

بالنسبة لكوني قبلت اكون زوجه ثانيه و انا عمري 18 .. اول شي هذا نصيب.. بعدين هو يوم خطبني كان منفصل عن زوجته و متفقين عالطلاق و هي عند اهلها صارلها فترة و هو ريال محترم وطيب و له مكانته الاجتماعيه بي ن الناس و الكل يمدحه و يذكره بالخير .. فانا شاورت و استخرت ووافقت و الحمد لله انا ما ندمت ابد على زواجي منه .. لانه في غير مسالة العدل هذي هو مو مقصر معاي في شي عاطفيا و ماديا.. بس فعلا الوضع متعب
قديم 19-10-2007, 03:09 AM
  #6
بنت_الحب
عضو نشيط
تاريخ التسجيل: Dec 2005
المشاركات: 153
بنت_الحب غير متصل  
اغصان مائله .. شكرا على الرد

والله اني كلمته و حاولت معاه لين عجزت بس مافي فايده .. و مثل ما ذكرت في الرد السابق يوم شديت معاه استغنى و طلقني لان هذا الحل الوحيد بالنسبه له .. و انا طبعا ما ابغى الطلاق .. و المشكله انه مو من النوع اللي ممكن يستجيب لو حد اتدخل بينا .. انا فكرت اكلم ابوي او حد من اخواني او حتى امه و اطلب منهم يتدخلون بس ادري انها بتكون كبيره عليه و ما بيرضاها

شو اسوي .. مو محصله حل غير الصبر
قديم 19-10-2007, 03:14 AM
  #7
فيافي نجد
كبار شخصيات المنتدى
 الصورة الرمزية فيافي نجد
تاريخ التسجيل: Nov 2004
المشاركات: 11,493
فيافي نجد غير متصل  
اعانك الله يالغاليه


ليش ماتنقلي بنفس بلد اولاده وتكوني قريبه منه



ونصيحه اخويه لاتعتمدي على اهلك لازم هو يتحمل مسؤؤلياته تجاهكم

لان الزوج اذا خفت مسؤلياته تجاهكم بيتنازل عنكم تدريجيا

انتظر ك
قديم 19-10-2007, 03:19 AM
  #8
نور الجنة
كبار شخصيات المنتدى
 الصورة الرمزية نور الجنة
تاريخ التسجيل: Oct 2005
المشاركات: 2,462
نور الجنة غير متصل  
حبيبتي الله يعينك ياغاليه



لااااازم تاخذي موقف قوي هالمرة





اذا اتصل وقال بيجي ياخذك



أو بيجي عندك



ردي رد يفاجأه



رد يصحيه شوي


من ظلمه


قوي قلبك



وقولي له


اذا انت فاضي الآن أنا ماني فاضيه


يا تعدل وتطبق شرع الله فيني


وحكم شيوخ وعلماء بينا واسألهم

لأني ما عدت أقدر أتحمل الظلم .....




أو يغني الله كل واحد فينا من سعته .............






قوي قلبك


واستخيررررررررري



ولا تتنازلي عن حقوقك


لأنك اذا تنازلتي عن حق واحد

ثقي تمااااااااااااااما بأن جميع حقوقك ستفقديها تدريجيا .......





أسأل الله العلي القدير أن يصلح شأنك ويلهمك الخير والسداد



.......


تقبلي تحيااااااااااااتي .......
قديم 19-10-2007, 03:20 AM
  #9
الوليد ksa
عضو جديد
تاريخ التسجيل: Apr 2007
المشاركات: 22
الوليد ksa غير متصل  
اختي اللي فهمتة منك انة زوج ممتاز وخلوق بكل المقاييس وانك تحبينة كثير وهو كذلك وهذا اهم شئ

ومافية رجل بالدنيا كامل

وهذي مشكلة بسيطة جدا اللي بينكم ولاتحاولين تكبرينها البيوت مليئة بمشاكل اعظم بكثير من كذا

نصيحتي حافظي عليه قدر المستطاع والاخطاء انشاء الله تتعدل انصحية في قضية العدل بينكم او خلي احد من الناس اللي يئثرون علية سواء من اهلك او اهلة يحاول ينصحة ويذكره بالله وانشاء الله راح يعدل بينكم
قديم 19-10-2007, 03:26 AM
  #10
بنت_الحب
عضو نشيط
تاريخ التسجيل: Dec 2005
المشاركات: 153
بنت_الحب غير متصل  
اختي فيافي نجد .. شكرا على ردك يالغاليه

هو منطقته مو بعيده يعني مسافه ساعه و ربع باكثير .. مو هالمشوار البعيد او الصعب يعني

بعدين مساله اني انتقل انا من البدايه ما رفضت .. نحن زواجنا صار بسرعه وكان مواعدني وقت الخطوبه بياخذلي بيت و نسكن عند اهلي بشكل مؤقت .. بعدين ظروفه المادية تعبت شوي فانا اللي اجلت موضوع البيت .. بس يوم بدت المشاكل بسبب تاخره هناك انا قلتله انا موافقه اسكن في شقة او مع امك و اخواتك او حتى سويلي ملحق في نفس البيت اللي فيه زوجتك اذا هذا اللي بيخليك تتم معاي و تعدل بينا .. بس شو اسوي ما صار شي .. و كل ما افتح معاه الموضوع يقو نحن ما بنترك بيت اهلج الا يوم اخذلج بيت بس صبري علي شوي لان شغله خاص و يحتاج سيوله دايما و هو مع ان ما شاء الله احواله المادية ممتازة بس مادري والله .. و قبل فترة اكتشفت بالصدفه انه يدور على بيت في نفس المنطقه اللي فيها اهلي و كلمته بس ما رد علي بشي مفيد قال انه بعده يدور فاللي فهمته انه ما يبغيني انا و زوجته الاولى في نفس المنطقه عشان يتم لى راحته

بالنسبه لاعتمادي على اهلي مو انا اللي ابغي هالشي بس شو اسوي اتخيلي اني انا و بنتي بدون زوجي عالاقل خمس ايام في الاسبوع .. ماديا زوجي يصرف طبعا بس اذا بطلع بدخل بسوي شي و هو مو موجود مالي غير اهلي الله يخليهم لي .. تدرين الحرمه في مجتمعاتنا لازم وراها حد و انا مع اني اطلع و سيارتي عندي بس بعد لازم اعتمادي على حد لو مو زوجي اهلي
موضوع مغلق

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 07:12 PM.


images