قبل اتخاذ مثل هذا القرار الصعب
هناك ثلاث احتمالات :
الاحتمال الاول : تكون مغصوبة
اسألها إذا كنت مرغوب بالنسبة لها ..؟؟
أو إذا كان أحد غاصبها عليك ؟؟
او يمكن ما تكون أنت الشخص الي تتمناه .. يمكن كانت تحلم بشي ثاني وما حصل لها
اقصد طبعاً صفات معينة في الرجل مو رجل معين
الاحتمال الثاني :
يمكن هي تثقل نفسها نتيجة سماعها لاخبرات أخريات اهتممن بأزواجهن واغرقوهم بالهدايا والاهتمام
وكانت النتيجة عكسية ..
صدقني اخوي احنا كثير نسمع بنات اهتموا بأزواجهم في فترة عقد القرآن .. وهذا الشي بدال ان يقابل بالاحسان وتبادل الاهتمام صارة النتيجة عكسية ..
صدقني البنت صارت تخاف ولا تعرف وش يبي هالرجال من البنت وكيف التعامل الصحيح معه
كثار من المتزوجات ينصحون البنات بعدم الاهتمام بالزوج في فترة عقد القرآن .. وهذا الشي انا اسمعه بنفسي و صرت اصدقه و أن هذا هو الاسلوب الامثل لضمان حياة مستقرة بعدين .. وعشان البنت ما تطيح من عين زوجها وتبين كأنها قاطه نفسها عليه
هي يمكن إلى الآن ما تعرف اي نوع من الرجال أنت .. وهل إذا اهتمت فيك راح تستخف فيها ..
وهي لأنها مبتدءة يمكن قاعدة تبالغ من حيث لا تشعر .. لأن المفروض تسأل عنك إذا عرفت أنك مريض مثلاً
هذا اسمه جفاء زايد .. لا تستهين بهذا الشي لأن احنا نسمع قصص تشيب الراس
في رجال مغرورين ومصابين بعقدة الانا .. بس يحسون ان البنت اهتمت فيهم يحطونها تحت رجولهم
كل هذي احتمالات ..
والاحتمال الاخير .. انها تكون مغرورة وشايفه نفسها عليك
الحل بيدك .. اجلس معاها وصارحها وتكلموا بجدية في الموضوع ..وانت راح تعرف وين الخلل
بالتوفيق إن شاء الله ..
ربي يسعدك ويكتب لك الخير