ليش يا زوجتي صارت حياتنا كذا > - منتدى عالم الأسرة والمجتمع
logo

الملاحظات

المشاكل المحلولة المشاكل التي حلها أعضاء المنتدى

 
قديم 20-03-2012, 11:44 AM
  #1
آدهــم
عضو جديد
تاريخ التسجيل: Mar 2012
المشاركات: 21
آدهــم غير متصل  
cry3 ليش يا زوجتي صارت حياتنا كذا >

السلام عليكم

شرف لي الانظمام لصرحكم الشامخ الذي بالفعل ما هانت ولا استصعب عليه اي مشكلة

ندخل في الموضوع

انا شاب عمري 27 زوجتي عمرها 24 متزوجين منذ سنتين بدون اطفال
انا درست بنفس المعهد الي هي درست فيه وكن هذا سبب التقائي بها
كان الكل يشهد لها بالادب والاخلاق والالتزام >> وانا اشهد
هي البنت الوحيدة عندها ابوها
حالتهم المادية ممتازة جدا
حالتي المادية ميسورة والحمد لله
اول ما تقدمت لها وبعد الموافقة كان اول كلام قاله لي ابوها : تراها نور عيني واذا شايف نفسك مو قد المسؤولية ما انصحك ترى اشرحك >> بيمزح اكيد
المهم عدت فترة الملكة واول يوم زواج بشكل عادي

بعد الزواج بـ3 اسابيع كانت زوجتي تطلب مني اشياء للبيت وانا ااجل بس ولا مرة طلبت شي لها
ما قد سمعتها تقول فلان عطني فلوس ابي الشي الفولاني او اشتريلي ....
طبعا بعد ما قابلتها بالرفض اصبحت لا تطلب للبيت ولا لها يعني كاني اصرف على نفسي وبس ..

بعد ايام حصلت بينا مشكلة تحصل بين اي زوجين لكن انا تعصبت بزيادة وما انكر هالشي وقلت لها كلام ما قد حسيته ياثر على نفسيتها (( يا فلانة الحياة الزوجية ماهي حب وحنان هي مسؤولية ولا شكلي نسيت انتي ما تعرفين وش المسؤولية )) البنت بعد كلامي تصنمت انا قلت عادي بعدين يصير خير وطلعت من البيت . وعمري ما توقعت في احد بيتاثر بالكلام مثلها
تغيرت معاملاتها بشكل غريب حتى بعد الصلح واعتذاري لها
اصبحت الحياة بينا مافي كلمة حلوة مافي اي مشاعر ولاول مرة حسيتها ما تحبني واذا قربت لها تصدني بشكل عجيب
جلست معاها وحاولت اعرف وش فيها وياريتني ما عرفت قالت لي ((خلينا نتعلم المسؤولية ))
واعتذرت منها وتكلمنا وقلت لها يا بنت الحلال انا كنت معصب وانا اسف واتفقنا نبدا من جديد
مرت الايام والايام وزوجتي يوم تتحسن ويوم ترجع للاسوء وقلت مافي مشكلة بتتغير مع الوقت

وبعد المشكلة بشهر رن جوالها اول ما شفته تعجبت وقلت لها من متى مغيره جوالك
قالت لا مو مغيرة بس ابوي شاريه لي سالتها عن المناسبة فقالت عيد ميلادي يا حبيبي
انا تصنمت وفعلا كان مر على عيد ميلادها 5 ايام وانا ناسي ما حاولت ابررلها قمت طلعت وشريت لها طقم وحطيت فوق السرير اول ما شافته قالت مشكور حبيبي ما تقصر حتى العلبة ما فتحتها تخيلوا
رحت لها وقلت اني ناسي وهموم الشغل وووووو البنت ساكتة بس تطالع فيني وقالت ليش تبرر عادي وش فيها الكل ينسى . حسيت وانا اصالحها كاني اصالح زميل لي بالشغل> اسلوبها متغير 180 درجة
واصبحت منعزلة عن الجميع
اذا قلت لها تعالي نطلع قالت ابي ابقى بالبيت
تعالي نزور اهلك لا ما ابي
تعالي نزور اهلي ما ابي
تعالي نسافر لا ما ابغى
حتى الدوام ما تروح
كلامنا رسمي حتى اذا قربت لها مافي صدود بس كاني مع دبوب اخوي مافي لا مشاعر ولا في غيره
الجميع ملاحظ تغيرها واولهم ابوها وكلمني وحاول يعرف وش الي صاير فما لقيت حل غير اني اقول له وش صاير عساه ينجدني
وبالفعل اقترح عليا انه ياخذها وياه لانه مسافر وان شاء الله يصير خير
رجعت للبيت ما قلت شي لانه ابوها قايل خلني انا افرض عليها السفر بطريقتي
جاء الوالد للبيت وطلب منها ترافقه رفضت وقالت له ما ابي اروح لمكان وفي النهاية فرض عليها السفر وبالفعل راحت
وفي غيابها حاولت اتراسل وياها بس مافي اي اجابة بعد يومين اصبحت تكتب باسلوب رسمي بعدها تغيرت وصرنا نكتب مثل ايام الملكة ماااره فرحت وسعادتي تووصف زوجتي اصبحت تحبني مثل اول
لكن الي خلا الامور ترجع زفت ذاك اليوم انا ما قصدي ادور بين اشيائها بس كنت ادور في الدولاب على ثيابي معقولة في واحد يظل اسبوع ما يغير ؟
بس المصيبة يوم ما حصلت علبة دواء انا ما اهتميت لكن يوم قريت منع الحمل تزلزلت
حطيته بجيبتي ورحت للصيدلي حتى اتاكد وريته العلبة وقال (( هذي افضل حبوب لمنع الحمل))
وش تبوني اسوي الشيطان لعب براسي والعصبية زادت احس هموم الدنيا تجمعت فيني ليش تاخذين الحبوب بدون علمي مع انها قايل انها تحب الاولاد وتبيهم وكل ماااره تسوي فيني مسرحية اذا قلت خلينا نسوي تحاليل
انا شكيت مع اني عارف تربيتها واول ما رجعت جابها ابوها
بالفعل رجعت مثل ايام الزواج الاولى واللحين مو هي الي صادة عني انا الي صادد عنها وكانت ملاحظة التغير فيني وبعد كم يوم انفجرت فيها وواجهتها بالدوا وقلت لها اذا حضرتك متزوجة غيري وماتبين تحملين منه خبريني يوم سمعت كلامي ما حسيت فيها الا تصرخ بشكل هستيري تبكي وتصرخ وتهايط ودني عند اهلي يا الحقير (لاول ماااره بحياتنا ترفع صوتها وتنطق بذي الكلمة)انا ماعرفت وش السواة بذي المصيبة ابوها مرجعها عندي رايقة من يومين وش اقوله اللحين
وديتها لبيت اهلها وحالتها مثل المجنونة ولحسن حظي ما لقيت والدها
لكن بالمساء طلبني وقال انا سمعت منها هات الي عندك وش الي خلاها بالحالة هاذي انا مرجعها من السفر احسن مما يكون طبعا خبرته
وبهدلني باسلوب راقي بس سمعت منه الى حطمني
(( انا ما راح اتدخل بمشاكلكم ماااره ثانية تبي تصالحها ما تبي هي تبي ترضى ما تبي بينكم .. بس بنتي لو تبي الطلاق ما راح امنعها وانا معها باي قرار تاخذه )) وانتهى كلامه حاولت وياه بس ما استجاب لي

حاولت اكلمها جوالها مغلق احس كل الابواب انغلقت ماااره واااحدة البيت فاضي بدونها
اشتقت لها وما ابي اخسرها وماني عارفة منو المخطي او منو المريض

ادري الموضوع مركب لكن وش اسوي



بانتظار ردودكم...







قديم 20-03-2012, 11:59 AM
  #2
& نور دبي&
عضو متألق
 الصورة الرمزية & نور دبي&
تاريخ التسجيل: Oct 2007
المشاركات: 1,967
& نور دبي& غير متصل  
براي خلها ببيت اهلها الي ان تهدء النفوس ولاتحاول تبرر لان موقفك ضعيف

في هذه الفترة الزم الدعاء والاستغفار
الي ان بفرجها الله من عنده
__________________
الحمدلله علي أنعم الله الظاهره والباطنه
قديم 20-03-2012, 12:02 PM
  #3
آدهــم
عضو جديد
تاريخ التسجيل: Mar 2012
المشاركات: 21
آدهــم غير متصل  
هي في بيت اهلها عندها قرابة 10 ايام ...
قديم 20-03-2012, 12:03 PM
  #4
زهـرة الـرمـان
قلب المنتدى النابض
 الصورة الرمزية زهـرة الـرمـان
تاريخ التسجيل: Jul 2011
المشاركات: 3,048
زهـرة الـرمـان غير متصل  
أخي الفاضل هي صح غلطت انها ماخذه حبوب منع حمل من غير اذنك
لكن غلط انك تشك فيها بهذي الطريقه .... مررا من حقها انها تعصب منك بصراحه انت شكيت في شرفها .
انصحك بأنك تخليها ببيت اهلها مدة أطول وبعدين اتفاهم معاها على رواقه واعتذر لها وان شاءلله تتقبل اعتذارك .

والله يسعدكم ويكتب لكم كل خير : )
__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟
قديم 20-03-2012, 12:07 PM
  #5
أعماق
كبار شخصيات المنتدى
تاريخ التسجيل: Feb 2011
المشاركات: 3,859
أعماق غير متصل  
اقتباس:
المشاركة الأصلية كتبت بواسطة آدهــم مشاهدة المشاركة

اذا حضرتك متزوجة غيري وماتبين تحملين منه خبريني
بالله هذا كلام احد يقوله لزوجته .؟؟!
ان غلطت هي باستخدام المانع فانت غلطت اكبر لما جيت اتعالج الامر ..

الله يهديك ويصلحك ..
زوجتك واضح انها حساسه وتضايقت من كلمتك الاولى لها انها ماتعرف المسؤليه ..
ارى انك لم تستمتع لها بشكل جيد ولم تكون صبورا حيال ذلك ..
انتظر لين تهدا النفوس شوي ... لي عوده بعد تعليقك ..
__________________
اللهم أجمعني مع أحبتي في الفردوس الأعلى من الجنة ،،


[IMG]http://im67.***********/mg87DX.gif[/IMG]

[img]http://im81.***********/aTanJF.gif[/img]
قديم 20-03-2012, 12:12 PM
  #6
آدهــم
عضو جديد
تاريخ التسجيل: Mar 2012
المشاركات: 21
آدهــم غير متصل  
اقتباس:
أخي الفاضل هي صح غلطت انها ماخذه حبوب منع حمل من غير اذنك
لكن غلط انك تشك فيها بهذي الطريقه .... مررا من حقها انها تعصب منك بصراحه انت شكيت في شرفها .
انصحك بأنك تخليها ببيت اهلها مدة أطول وبعدين اتفاهم معاها على رواقه واعتذر لها وان شاءلله تتقبل اعتذارك .

والله يسعدكم ويكتب لكم كل خير : )
مستحيل راح يحصل تفاهم مدام ابوها مطلع ايده من الموضوع
هو الوحيد الي ياثر عليها واللحين اكيد يبي الفكه مني اذا قالت له زوجتي عن كلامي
ماني عارف وش التصرف المناسب انا فكرت ارسل اختي تطمن عليها وتشوف وش الاخبار
قديم 20-03-2012, 12:17 PM
  #7
آدهــم
عضو جديد
تاريخ التسجيل: Mar 2012
المشاركات: 21
آدهــم غير متصل  
اقتباس:
المشاركة الأصلية كتبت بواسطة أعماق مشاهدة المشاركة
بالله هذا كلام احد يقوله لزوجته .؟؟!
ان غلطت هي باستخدام المانع فانت غلطت اكبر لما جيت اتعالج الامر ..

الله يهديك ويصلحك ..
زوجتك واضح انها حساسه وتضايقت من كلمتك الاولى لها انها ماتعرف المسؤليه ..
ارى انك لم تستمتع لها بشكل جيد ولم تكون صبورا حيال ذلك ..
انتظر لين تهدا النفوس شوي ... لي عوده بعد تعليقك ..
انا عارف انها حساسة
وما حسيت بنفسي الا قايل لها الكلام المخربط هذا بس كنت ماااره معصب ليش تاخذ الحبوب من ورايا
اكيد ما تبيني اكيد في حد بحياتها .... وبديت اروح بخيالي لبعيد

للحين انا زعلان عليها وزعلان منها كثير ...
وماابي افقدها بس لو رجعنا شلون تكون حياتنا >> ماااره مشتت وما ني عارف ...
قديم 20-03-2012, 12:37 PM
  #8
ندوب الزمن
عضو نشيط
تاريخ التسجيل: Aug 2011
المشاركات: 142
ندوب الزمن غير متصل  
الله يعينكم ويعينها هي بالأخص !
لأنك تقول كلام كبير وخطير , بالله في أحد يحب زوجته ويثق فيها يقول لها هالكلام ؟
غلطتك كبيـــــرة والله يعينك ع تصليحها ويعينك ع عصبيتك
قديم 20-03-2012, 12:46 PM
  #9
أنا مندهش
كبار شخصيات المنتدى
تاريخ التسجيل: Sep 2003
المشاركات: 1,127
أنا مندهش غير متصل  
البنت لما تكون وحيدة أهلها تلقى أنواع من الدلال والدلع، وقد يكون مرفوع عنها المسؤولية في كثير من الأشياء ومعظم طلباتها مجابة.. ..
أنا أعترف بأن تصرفها غير مسؤول بتناولها لحبوب منع الحمل دون أخذ رأيك ومشورتك وموافقتك.. ولتعلم أخي بأن للحبوب تأثير نفسي على المرأة وكذلك على الهرمون والمزاج.. ونتيجة صمتها تحليلي له بأنها تحس في قرارة نفسها بأنها مخطئة في حقك.. وأنا لا أرى مشكلة دفعتها لأن تسلك هذا النهج فما حدث بينكم من قبل خلاف عادي يحدث في أي بيت وكونك ترفض أشياء تجدها ثانوية بينما هي لها رائي آخر قد يكون له تاثير جانبي وليس جوهري.. فأنت الآن رب البيت والمال وبعضهم تنحرج بحكم تربيتها من السؤال لأنها قد تجد في مذلة لها "هذا ليس جوهر المشكلة"..
المشكلة الآن في سؤ الفهم الحاصل بعبارتك التي قلتها في لحظة غضب "متزوجة غيري" وكأنها تخونك هذه العبارة ترجمتها هي لصالحها حتى تداري خطأها.. ولو كنت دبلوماسي في هجومك لكنت أنت الكسبان.. وكانت هي من سجلت في هذا المنتدى الآن تبحث عن حل تراضيك به..
في رائي الآن.. أن تبعد نفسك حتى تهدأ الأمور.. وتترك لها وقت ومتسع للتفكير.. لا تتصل ولا ترسل.. ولا تواجه
خليها تراجع نفسها.. وأنت أيضاً.. أحياناً توجد أمور لا ندركها إلا في الوحدة.. فمواجهة النفس من أصعب الأمور
أتمنى أن لا تكون هنالك أمور خفية لا ندري عنها.. فالبيوت أسرار
وطمئنا عنك..
قديم 20-03-2012, 12:55 PM
  #10
Heart225
عضو نشيط جدا
تاريخ التسجيل: Mar 2012
المشاركات: 256
Heart225 غير متصل  
زوجتك حساسه وكلمتك جرحتها. اكيد هي خذت الحبوب لانها مب ضامنه الحياه معك.
كثير ناس اول سنه من الزواج ياجلون العيال عشان تشوف هل حياتها مستقره قبل لا تتورط مع عيال مالهم ذنب يعيشون بين اب وام متهاوشين او مطلقين. وواضح ان الحبوب اثرت على. نفسيتها لانها تخرب المزاج بس كلامك وشكك فيها غريب وجارح جدا تخيل لو لهالكلام انقال لاختك. صعبه لا تلومها احس هالسالفه الوقت بس بيحلها انشالله وحاسب على كلامك معها دايما. وتذكر ايام الحب الحلوه اللي جمعتكم حرام تروح خساره. الله يسعدكم
 

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 08:14 AM.


images