قبل دقائق طردت زوجتي .. ساعدوني وانصحوني .. - منتدى عالم الأسرة والمجتمع
logo

الملاحظات

المشاكل المحلولة المشاكل التي حلها أعضاء المنتدى

 
قديم 21-09-2006, 12:47 AM
  #1
waleed4w
قلم مبدع
تاريخ التسجيل: Nov 2003
المشاركات: 335
waleed4w غير متصل  
قبل دقائق طردت زوجتي .. ساعدوني وانصحوني ..

قبل دقائق طردت زوجتي من منزلي الى بيت اهلها ...

لم يكن طردا قهريا لكن كان اختياريا بعدما تشاجرنا لمدة 5 ايام ...

والسبب ....


انا دوامي شفتات .. يعني انواع الضغووووط خصوصا اني اعمل في مجال البترول ...

والطلب على البترول على اشده ..


وقبل 6 ايام يعني قبل الخصام بيوم اصبح دوامي من الساعة 9 ليلا الى 7 صباحا ..

وعملي يبعد عن المنزل 75 كيلو تقريبا ...

واول مااوصل البيت في الصبح اوصل زوجتي الكليه وتاخذ مني ساعه الا ربع تقريبا لمشوارها واكون تعبان تعب

مايعلمه الا الله ..

واول ماارجع البيت انام واصحى الظهر عشان اجيبها ..


المهم فيه يوم تأخرت على زوجتي 15 دقيقه تقريبا وبعدين صحيت من النوم وعيني على الجوال الا وأحصل

9 مكالمات تقريبا لم يرد عليها ...

المهم اول مارديت الا وزوجتي مولعه وتهاوش الا وانا والله انفجرت وولعت وقفلت التلفون بوجهها ...

ورحت مريتها الكليه ولا تكلمنا ولا كلمه ..


ومرت الايام وكل واحد مايكلم الثاني ...

وانا بيني وبينكم كل يوم اروح مكاتب الباصات واكلم على ارقامهم عسى اني احصل باص بنات يودي زوجتي

ويريحني ..


واليوم على العصريه سألتني زوجتي وهي مكشره عن الباص وقلتلها انا ماحصلت الى الان وانا مكشر طبعا ..

وقامت تنفخ وتقول لي اذا انت ماتقدر تدور خلني انا اكلم بنفسي ...

وانا والله يااخوتي كلمت يمكن اكثر من 15 مكتب ادور على باص وهي تدري ..


المهم وانا اول ماسمعت كلمتها انفجرت بوجهها ومسكتها من يدها ودفيتها على الارض من القهر ...


والله يااخوتي اني حسيت اني كرهت الدنيا وكرهت العمل وكرهت الزواج من كثر المشاكل


المهم بعدين في الليل وقبل نص ساعه من الان تقريبا حبيت انهي المشكله لكن لقيتها معصبه مررررررررره ويحق لها تعصب

بس قالت كلام ياريتها ضربتني بحديده ولا اسمع هلكلام وطعنتني في رجولتي وقالت اني اناااااااااااااني ولا افكر فيها

وقالت انها ماودها تشوف وجهي ابدا ابدا .... فما قدرت اتحمل وقلت لها يعني ماتقدرين تعيشين معي قالت لا ولااطيق اشوق وجهك

فقلت لها اجل لاتنامين عندي اليوم وروحي بيت اهلك ( بيت اهلها في نفس العماره اللي انا ساكن فيها )


وهذا اللي صار قبل شوي ...


وانا والله احب زوجتي لكن تصير بيننا مشاكل خاصة عند التقدير والاهتمام بلنفسيه ومراعاتها ..

ونحن الان متزوجين من 3 سنوات وعندنا بنت عمرها 1 و4 شهور ...

والله ماودي اخسر زوجتي ولا بنتي ...

ولا ودي اتزوج زوجتي تكفيني ....

لكن وش اسوي ...

واسف على اسلوبي الملخبط في الكلام لكن والله من القهر اللي فيني ماادري وش اقول


واذا يااخوتي انا غلطان في اي شي قولوا لي رجاااااااااءا لأني والله ماادري وش اغلاطي

وكل مااصارح زوجتي وش هي اخطائي تقول مافيك الا العصبيه والباقي تمام ....

...
__________________

التعديل الأخير تم بواسطة Reemona ; 21-09-2006 الساعة 10:08 AM
 

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 01:28 PM.


images