ساعدوني هجرت زوجي - الصفحة 6 - منتدى عالم الأسرة والمجتمع
logo

الملاحظات

المشاكل المحلولة المشاكل التي حلها أعضاء المنتدى

 
قديم 21-09-2006, 08:13 AM
  #51
al7era
عضو نشيط جدا
تاريخ التسجيل: Aug 2006
المشاركات: 214
al7era غير متصل  
اقتباس:
المشاركة الأصلية كتبت بواسطة abo_fahddd
يعني اذا شلتي الغطاء او النقاب ما يعارض عادي جدا ؟؟ ويسمح لك ؟؟

هل زوجك يحمل فكر معين ؟؟

او تعرفين له ميول في حاجه معينه غير الي ذكرتي

من من المشهورين او من الناس يكون قدوه له او معجب في من لو سمحتي


ابو فهد
اسمح لي اخي اذا اتأخرت في الرد عليك
واشكرك على صبرك
هو مب عادي اذا شليت الغطاء في اماكن مزدحمه
ولكن اذا كان مكان غير مزدحم فلا بأس!!
في المطاعم يقولي شيلي الغطاء

زوجي يحب الكشيييخه ويباني على طول كاشخه
انا في البيت اكشخ بس برا اكشخ على حدود
يعني احاول اني ما ابطل غطائي
واعارض لبس اشياء وايد بهذا السبب

يحب المليانات وانا ضعيفه
اما عن المعجب بهن
المغنيات

مغرم بفناني الكوميديا
وعلى فكره يحب يشو ف افلام ثقافيه وايد

ولكن الي متاكده منه انه زوجي رجل يعشق المظاهر
والمشكله اني عكسه
بس صرت الهث ورا الموضه علشانه

افدني اخي
قديم 21-09-2006, 11:00 AM
  #52
abo_fahddd
موقوف
 الصورة الرمزية abo_fahddd
تاريخ التسجيل: May 2006
المشاركات: 2,717
abo_fahddd غير متصل  
اقتباس:
المشاركة الأصلية كتبت بواسطة al7era
اسمح لي اخي اذا اتأخرت في الرد عليك
واشكرك على صبرك
هو مب عادي اذا شليت الغطاء في اماكن مزدحمه
ولكن اذا كان مكان غير مزدحم فلا بأس!!
في المطاعم يقولي شيلي الغطاء

زوجي يحب الكشيييخه ويباني على طول كاشخه
انا في البيت اكشخ بس برا اكشخ على حدود
يعني احاول اني ما ابطل غطائي
واعارض لبس اشياء وايد بهذا السبب

يحب المليانات وانا ضعيفه
اما عن المعجب بهن
المغنيات

مغرم بفناني الكوميديا
وعلى فكره يحب يشو ف افلام ثقافيه وايد

ولكن الي متاكده منه انه زوجي رجل يعشق المظاهر
والمشكله اني عكسه
بس صرت الهث ورا الموضه علشانه

افدني اخي
كوني امرأة ثقيلة وهادئه واتركي كثر الاسئله والغيرة حتى يحلو له مزاجك واسلوبك بعدها هو راح يلتفت لك صح
بعدين حاولي تاخذين فيتامين تزيدين من وزنك قليل ان كان وزنك قليل مره مره؟
مادامه يحب الديزاين والكشخات فاجئيه بتسريحه شعر غير ولبس ضيق وثقل + دلع خاص
بعدين لازم تستخدمين اسلوبك الخاص الانثوي؟؟؟ لامتصاص حماسه الخاص بالقنوات الفضائيه

استخدمي هذى الاسلوب فتره وشوفي تلاحضين فرق كبير واتجاه خاص بك ولالا

كوني ثقيله وذات نظرات كلها حب وممزوجه بالثقل بس بدون تجريح اسلوب راقي خليه يتعلق فيك صح

اتمنى لك كل التوفيق

ابو فهد
قديم 27-09-2006, 07:55 PM
  #53
al7era
عضو نشيط جدا
تاريخ التسجيل: Aug 2006
المشاركات: 214
al7era غير متصل  
السلام عليكم
كنت اريد افتح موضوع جديد بس فضلت اكمل الرد في موضوعي (بدل زحمة المنتدى)
اخواني واخواتي باركولي
زوجي رجع لطبيعته، وصار هو اللي يباني مب انا الي اريده

الحمدالله والحمدلله والحمدلله
احمد ربي مليون مره على التغير

وطبعا التغير ما يا من فراغ
طبعا بعد ما صارت المصارحه اللي خبرتكم عنها صرت اسوي اشياء بسيطه بس أثرت في علاقتنا وااايد

أولا الطفل، خليته قريب منا اكثر
ويمكن انتوا تستغربون هذا الشي، بس اول زوجي كان يتضايق لو اخليه عندنا، وكله يقولي طلعيه عند اهلي، بس انا صرت اخلي الطفل اكثر معانا، بحيث ان زوجي يعرف انه طفلنا ومالنا بد عنه، وهو مسؤوليتنا، ووجوده او عدمه ما بيغير في علاقتنا شيء.
ملاحظة: انا لم اكن اعطي الطفل اهتمام بالغ، بس المهم انه تحت رقابتنا وما يسوي شي ممكن يأذيه.

ثانيا الغرفه: غيرت في ديكورها وترتيبها، وصرت اهتم بانها تكون مريحه قبل لا اهتم بشكلي، غيرت الإضاءه وخليتها على طول مبخره ومعطره وتقتح النفس، انا ما كنت اعطيها اهتمام كبير، بس الحمدلله استوعبت اخيرا انه المكان المريح شي واااايد مهم لراحة النفس، ويا ريت تستفيدون مني.

ثالثا: كشختي، مثل ما قلت غيرت جلابيات البيت معظمها، وصرت البس الجلابيات الكاشخه في البيت، واحط مكياج، والأهم من هذا اني كنت ادلع نفسي امام زوجي
يعني كنت ايلس على راحتي امشط شعري، واتعطر، ادهن ريولي ويديني، وغيره من الدلع.

رابعا: صرت ما الح على زوجي لما اريد شي، اي شي مب بس الجماع، يعني اقوله اني احتاج الشي الفلاني، واذا رفض او قال ما يقدر، اسوي عمري مكسوره واقوله خلاص على راحتك المهم راحتك، واتغاضى عن الطلب، واحيانا يعطيني الي هو من نفسه رفض يعطيني اياه(يحس بتانيب الضمير)

خامسا: عشان اتخلص من الشك، صرت اواجهه زوجي باي شيء أشك فيه، بس طريقه المواجهه غير، مثلا، شفت بين اوراقه صوره حق وحده وأوراقها الشخصيه، في البداية شكيت في الموضوع، بس استنيت زوجي حتى الوقت المناسب وقلتله انه ناس خبروني عنها وذكرت اسمها،فرد علي أي (فلانه) وذكرلي اربع جنسيات، طبعا خبرته بجنسية الي اعرفها، وقلتله اني اعرف انه ما بينه وبينها شي، بس هو يخلص اعمالها، وانا اعرف طبيعه عمل زوجي. لاحظت انه زوجي تقبل الموضوع بطريقه عاديه، وخبرته انه احسن لو يصارحني بهالمواضيع اذا ما قدر يتجنبها لانها تخليني اشك وانا اخاف من الشك.

سادسا: صرت ما اركض وراه واسأله وين راح ووين رد، بس اعطيه مجال يتحرك بشرط ما ينسى حقي انه يكون معاي، يعني أقوله انه من حقه يطلع ويسهر عند ربعه، بس مب لدرجة انه يتأخر وايد عن بيته او يرجع ويه الفجر.(حسيت انه اتخلص من شعوره بأنه مضغوط او انه ما يقدر ياخذ راحته، صار يطلع ويتمشى بس يحاسب بروحه انه ما يتاخر)

سابعا: نقطه مهمه وايد وهي اني صرت انسحب لما هو ينسحب، يعني اول ما احس انه ما يريد يتكلم او يتناقش، ابتعد بروحي بهدوء انتظر لما يكون مزاجه رايق وهو اللي يبدأ بالسؤال ، المناقشه او المبادره في أي شيء.

وفي نقاط وايد ممكن بسيطه او صعب اتذكرها تغيرت بينا، بس الحمدلله، زوجي رجع يسأل ويهتم، والحمدالله نفسيتي وااايد اتحسنت، ومع اني وايد مضغوطه بس احس براحه نفسيه بعد ما رجع زوجي يحاتينا ويهتم فينا، واخيرا حسيت انا عائله مره ثانيه
والفضل لله ثم لكل من ساعدني سواء خارج او داخل المنتدى، واخص بالشكر اخوي ابو فهد على وقفته معاي، وجزاك الله الف خير
وشكرا لكل من ساعدني في الحفاظ على بيتي واسرتي والحمدلله اولا واخيرا
قديم 27-09-2006, 08:21 PM
  #54
عيون الظبي
عضو متألق
 الصورة الرمزية عيون الظبي
تاريخ التسجيل: May 2006
المشاركات: 625
عيون الظبي غير متصل  
:::: الله يديم المحبه بينكم ::::
__________________
لا إله إلا الله عدد ما كان وعدد ما يكون ، وعدد الحركات والسكون

قديم 27-09-2006, 09:06 PM
  #55
LittleLulu
عضو المنتدى الفخري
 الصورة الرمزية LittleLulu
تاريخ التسجيل: Jan 2004
المشاركات: 11,241
LittleLulu غير متصل  

اسأل الله لكِ دوام السعادة

تحياتي



يــغــلــق لحصول الفائدة
 

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 10:20 AM.


images