السلام عليكم و رحمة الله و بركاتة
انا بس ودي افضفض و كذا
زوجة خالي احسها تغار مني لدرجة ان حلمي اشتري جيتار ولقيته و قلت بعد كم اسبوع اشتريه وكنت مره فرحانه ودي اصرخ من الفرحه لان حلمي تحقق ولمست جيتار و هي كانت معي و في اليوم الثاني راحت لسوق مع امي و راحت جابت نفس الجيتار اللي شلته و قالت لامي انا جايبته هديه لزوجي و قالت هذا الجيتار اللي فلانة نفسها فيه امي وقتها انقهرت و لما امي قالت لي كذا قلت عادي بس اهم شيء مو نفس نوع الجيتار اللي اباه و مره وريتها صوره لجهاز ابا اشتريه قالت تبي تجيب زيه فعلا تصرفاتها تقهر و تناديني انزل لها و اجيها اغسل مواعينها بس علشان انها في اول -حمل لا تقول حامل و كذا- امي ارسلتني اجيب قدر لنا عندها قالت لي زين انك جيتي و قالت تعالي اغسلية جيت ابي اغسله ( وقتها امها كانت موجوده ) جت امها اخذته مني وهي جت قالت يمه ليه م خليتيها تغسلة امها قالت فلانة تغسله هااااااااه و ناظرت في وجه زوجة خالي شفت فيها الحقد و الكره

شكلي ابي اعلم عليها جدتي
لا تقولوا عيب هي عمرها 20 يعني اكبر مني بسنه لما اجي عندها احس اني مثقفه اكثر منها

ايش حكايتكم مع الجيتار بنتي مجننتني تبغى قيتار
وإنتي ومرت خالك كلكم صغار ومو ناضجين !!!
وإذا قلدتك فهي تشوفك مثال لها وقدوة المفروض تفرحي وإذا كان يضايقك الموضوع لا تقولي شي قدامها اقضي حوائجك بالسر
وليش تبغي تشتكي لجدتك !! انتبهي لاتخربي بيت الحرمه مضايقه منها اقطعي نفسك من بيتها ويادار مادخلك شر

__________________
ريم نواف سابقا

الله يصلح حالك أجل أمنية حياتك جيتار... ترى انت انسانة مكلفة وستحاسبين على ماتفعلين ولاأظنك تجهلين حكم الموسيقى !!

__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين

السبب اللي يخليني بس ودي اعلم جدتي لاني احس انا الزوجة مو بنت اخت زوجها كل شيء انا اسويه

لا ما فيه شيء مو ناضجين ابدا هذي حركاتها تغار مني و من زوجة خالي الثانية و الله اعلم ايش قالت عني عند قريباتها

ادري ايش حكمه بس شيء تمنيته ما تقدر تستغني عنه

طيب خليك ببيتكم وش يوديك بيتها

ولا بغتي تشتري شيء لا تقولي لحد وانزلي انتي وامك وبس

وابعدي عن هذي الحركات الطفوليه ( قالت عني غارت مني)

لا تزعجين راسك بهذا السخافات

يمكن يتهيأ لك لو زوجة أخوك نقول ممكن تغار أما زوجة خالك قوية شوي
بعدين حبيبتي حنا برمضان وامنية حياتك خليها العتق من النار
ربي يصلح حالك

الرسول عليه الصلاة والسلام أمر المسلمين ان ابتلوا
بمعصية أن يستتروا ولا يجاهروا بها فكل أمة محمد معافا
إلا المجاهرون والعياذ بالله ...
جيتار وجاهرتي بالمعصية فقلدتك تلك وجلبته لأسرتها
وقد يبقى سنين يدندنون عليه حتى ولو لم يفقهوا في العزف
شيئاً وأنت تحملين في ذنوب هؤلاء البشر ..هي وزوجها وان انجبوا
أطفال .. وان اتوهم ضيوف وزوار.. الله يتولاك برحمته يا أختي ويهديك
وكلها ليال وستهل العشر فالحقي بالركب حتى تفوزي بالجنة
واستمتعي بأجمل الألحان والنغمات الموسيقية هناك .. وحققي
كل أمانيك ولا تتخلي عن أمنية .. هدانا الله وإياك وأدخلنا فسيح
جناته..
نصيحة لك الجنة عظيمة ولا تستحق أن تخسريها مقابل ذنب
انت في غنى عنه.. ولا تنظري لمعصيتك بل انظري لعظم من عصيتي
وابحثي عن صحبة صالحة تذكرك بالله وتعينك على عبادته
بدل بقاءك في مراقبة زوجة خالك ..

يابنتي لاتحتكين فيها وخلاص روحي مع امك واسرارك لاتقوليها لاحد مشكلتك عاديه الله يسعدك