قصة ابتدت من تويتر, كيف تنسى - منتدى عالم الأسرة والمجتمع
logo

الملاحظات

العلاقات الأسرية والإجتماعية أفضل الحلول لقضايا الأسرة والمجتمع والمراهقين والأطفال .

إضافة رد
قديم 01-08-2014, 03:30 PM
  #1
هـادئة جدا
عضو جديد
تاريخ التسجيل: Aug 2014
المشاركات: 1
هـادئة جدا غير متصل  
قصة ابتدت من تويتر, كيف تنسى

مرحبـــا

مشكلتي يمكن مشابهة لكثير مشاكل انطرحت هنا ، لكني كتبتها على أمل القى بين حروفكم اللي يخفف همي ويعينني على تجاوز هذه المرحله الصعبه اللي أمر فيها ،

بتدأت قصتي في تويتر ، كان فيه شاب وسيم اعجبت فيه وهو كذلك اعجب فينيكان دايم يسولف معي في المنشن والدايركت مسجنسهر ونسولف مع بعض( الشاب هذا يدرس في نفس المدينة اللي ادرس فيه وبنفس الجامعة ولكن بقسم الاولاد طبعاً )وقف معاي كثيير بما إنه يدرس بنفس جامعتي ، كان يشكي لي همومه ، ويهتم فيني كثير ويسأل عني

انا لما حسيت نفسي بديت اتعلق فيه ابتعدت عن تويتر وحذفت اكاونتي و اللي صار انو راح يسأل عني صديقاتي بتويتر ! ورجعت وعاتبني كثير على غيابي قال انه فقدني ويبغى اي وسيلة اتصال بيننا ثانيه غير تويتر تكون اضمن اننا مانبتعد عن بعض ..

طلب مني اضيفه بالبيبي وكان متردد كثير لأني كنت ارفض هذي الام،ر ،هي يعرف اني ارفضها .. لكني وافقت لأني انا كمان متعلقه فيه وما اقدر ابعد عنه وبيني وبين نفسي فرحت بطلبه على الرغم من الصراع الداخلي اللي كنت اعيشه لأني تجاوزت حدودي الحمرا !

اضفته وكنا ليل نهار نسولف ، انعزلت عن اهلي وعن كل شي وصرت بس قاعده على جوالي واسولف معاه بالبي بي إم ، طلب صورتي بحجة انو يبغى يعرف شكل الانسانه اللي تعلق فيها ، ارسلت له كذا صوره ، بعدها حسيت بتأنيب الضمير وحسيت اني اسوي شي مره غلط .. ضاق صدري كثير وضميري صار يأنبني ، كلمته وقلت له اني ابغى احذفه خلاص لأن اللي قاعده ويه غلط ، ولأني خايفه من نهاية تعلقي فيه ! قلت له الله يوفقه بحياته ومن هالكلام ، هو كان حزين جداً بس قال معاك حق واحنا اللي نسويه غلط وسوي اللي يريحك ،

حذفته ، وقضيت يومي كله ابكي ، كنت مخنوقه كثيير ، ابغاه احبه ! ما اقدر ابعد عنه ! ما اقدر اطلع للعالم ! ما اقدر اشوف احد واقعد مع اهلي ! اذكر يومها كنت معزومه للفطور عند صديقتي واعتذرت منها ، وبنفس اليوم بعد كان عندنا عشا بالليل وكنت اقعد مع الضيوف دقايق بعدين ارجع لغرفتي واقفل على نفسي وابككككككي !

فتحت تويتر ولقيت منه رساله ، كان يقولي ارجعي ضيفيني شوي بتطمن عليك وبوريك شي ، وبعدين احذفيني ، رحت واضفته ..ومن بعدها ماحذفته ، تطورت علاقتنا ، وصرت دايم ارسل له صوري ويرسل لي صوره ونكلم بعض جوال .. كان يحاول فيني يقابلني وكنت ارفض ، كنت اذا رحت مكان وقلت له اني بروح للمكان الفلاني اروح والقاه بوجهي !كنت اساعده بأشياء وكان يعرف عنوان بيتنا ، وكان دايم يجي عند بيتنا ويصور لي ويقولي انا هنا قريب منك ! مرت 8 شهور على علاقتنا تقريباً وكانت كلها بي بي ام ومكالمات وصور ، مرتين اللي شفته بمكان عام بس ومن بعيد واكون بنقابي ،كان يقول انه يحبني ومايشوف غيري واني مو مثل البنات وان علاقتنا مفيها مصلحه ، وكان يدري اني احبه وما اشوف غيره بالدنيا ، واخاف عليه واهتم له كثيير .. قبل شهر تعب وسوا عمليه ، وكنت كاتبه ادعيه وكذا بتويتر ومره قلقانه عليه ، واستغربت منه انه طلب مني امسحهم وما اكتب اي شي عنه بتويتر !بعدها صارت تجيه اسأله بالآسك ويسألونه عني وعن علاقته فيني ! ونفس الوقت انا كانت تجيني اسأله عن اسمي وعن دراستي وكذا .. وتابع بنت بتويتر حسيت من كلامها انها كانت على علاقه معاه ! انا عرفت اسمها لانه هو كان يحط احيانا حرفها بالبي بي ام ، ولما اسأله يقول خويي هذا !ومره غلط باسمي وناداني باسمها ! هذي قبل مايتابع البنت ، ولما سألته قال اني كنت اكلم خالتي قبل شوي ومتحمس بالسوالف معاها عشان كذا لخبطت .. بعدين انا دخلت على اكاونت البنت هذي وقريت كل التويت حقتها ، وتأكدت انها تعرفه وبدليل انها وقت العمليه كانت كاتبه عنها ، ووقت يوم ميلاده حاطه التاريخ وحاطه جنبه قلب ، واجهته وقلت له اذا تعرف غيري قول لي وانا بنسحب من حياتك ، بس لا تستغفلني وتكذب علي وتقول انك ماتشوف غيري بالدنيا وانت من وراي تخونني ! وكان يقسم ويحلف اني فاهمه غلط ، وان هذي وحه من الملاقيف اللي يحاولون يتقربون منه وانه مايعرفها ولا له علاقه فيها ، وانه يحبني انا بس وانه لما يشوفني يشوف امه من غلاتي !

عدها باسبوعين كذا وحده ارسلت لي بالآسك مي تقولي : انها تحتاج تتكلم معاي وان مافيه احد بيساعدها غيري ، قلتلها انو تعطيني البن تبعها وانا اضيفها بالبي بي ام واشوف ايش القصه اضفتها ، وطلعت نفس البنت اللي كنت شاكه انو يعرفها ! طلبت مني اساعدها وقالت تبغى تقابلني ، قلتلها ماراح اقابلك الا لما اعرف ايش الموضوع ( بوقتها كان ابو اللي اعرفه تعبان وكنت كاتبه بالبيرسونال دعاء له نفس الدعاء اللي كان الولد حاطه )راحت صورت لي البروفايل حقه وقالت انا اعرف اللي تعرفينه هذا ! انا انهرت تماماً ، مع اني كنت شاكه فيه ومو مصدقته بس انهرت !قالت انه تعرفه قبلي ، ومع السوالف اكتشفنا انه كان يقول لنا نفس الكلام بالضبط !الفرق انها هي كانت تطلع معاه وانا لا ،ومره كان جاي للمدينه اللي يدرس فيها ( بين المدينه اللي ساكن فيها واللي يدرس فيها ساعه ) وكان يكلمني ويكلمها بنفس الوقت ويقولنا نفس الكلام ! كنا نصور المحادثه ونرسلها لبعض ونبكي على حالنا !كان جايب لي كتب ابغاهم من معرض الكتاب ، وجا لبيتنا وكان يقولي اتمنى اشوفك واسلم عليكوكان نفس الشي يقول للبنت انو يبغى يشوفها !انا بالبدايه رفضت ، بعدين قالت لي البنت وافقي وانا بقوله يجيني بعد وبنشوف ايش يسوي ! وقتها كان حاط الكتب وراح ، رحت كتبت له تمنيت اني شفتك انا بعد ،قال انا ابغى اشوفك واسلم عليك حققي لي هذي الامنيه !وكان وقتها رايح بعيد عن بيتنا ومتجه لبيت البنت ، قلت له اوكي تعال ، وراح كلم البنت وقالها بروح احلق بشوفك بالمغرب


وجاني للبيت ! اول مافتحت الباب دخل بسرعه وسلم علي وضمني ! مع انو اتفاقنا كان من بعيد السلام ! انا انفجعت وانهرت ! وماقدرت اتحرك واسوي شي !قلتله يوقف ، قال ماصدقت اشوفك ! قعدت ابكي وقعد يمسح دموعي وقال اسف والله مو قصدي ، وضمني مره ثانيه وسلم على يدي وراسي وراح !انا وقتها كنت مصدومه ! منه ومن نفسي لاني ماقدرت اسوي شي ! وكارهه نفسي كيف ضعفت ووافقت ! قلت للبنت اللي صار ، وقامت تبكي و تقول هو دايم يضمها ويسوي نفس الشي معاها ،انا اساساً كنت دايم انصدم فيه ودايم اكتشف اشياء فيه غير اللي كان يوهمني فيهاكان مفهمني انه رجال ملتزم ومايترك الصلاه بالمسجد ، وطلع العكس تماما واحيانا يجمع الصلوات ! كان مفهمني انه بار بأهله ، وقبل لا اضيفه بالبي بي كان يقولي انه نايم مع ابوه بالمستشفى وانه يبكي على حال ابوه ومو قادر يتركه وبيسحب على الجامعه لأن ابوه اهم !واكتشفت العكس تماماً ، الحين ابوه بالمستشفى مسوي عمليه وهو ماكان جنبه وقت العمليه وبكل وقاحة العالم كان يطلب مني ومن البنت انو يشوفنا ! السنه هذي راح يحج ، وقالي انه بينقطع عن البي بي عشان ربي ، وبيطمني عليه من خلال تويتاته بتويتر وتحديثات البيرسونال ، وصحيح انقطعنا 4 ايام ،البنت كانت تقولي انه حتى هي انقطع عنها 4 ايام ، بس المصيبه انه اول مارجع من مكه كلمها وطلب يشوفها !ي الله متخيلين كيف ! توه راجع من الحج !بعد السوالف مع البنت اكتشفت انه كان يكذب علي وعليها ! وكان يستغلنا !


انا كنت متحفظه اكثر بالعلاقه ماكنت اهديه كثير ، بس البنت كانت تهديه وكان هو يوريني الهدايا بكل وقاحه على اساس انها من صاحبه !ونفس الشي انا لما اهديه كان يوريها على اساس من صاحبه !وكان لما يبغى يجيب لي هديه يروح يستشيرها ، ولما بيهديها يجي يستشيرني ! على اساس انه بيهدي اخته او صاحبه ! شي يقتل ! انا اوكيه قرفانه منه حييييل وهي بعد قرفانهقررنا قرار انا والبنت وابغى رآيكم ومشورتكم ونصيحتكم :البنت طالبته يقابلها بعد كم يوم ( يوم الاربعاء هذا ) ناويه تواجهه بكل شي ! وانا راح اكون معاها على الخط وقت المواجههراح تسأله عني وتقوله كلللل شي ، وكل الكذبات اللي كان يقولها لناعشان نلعمه كيف يلعب بمشاعر بنات الناس ويستغفلهم ! فيه اشياء ماذكرتها ، وهي كيف البنت وصلت لي ..هي وصلت لي لانه لاحظت اهتمامه فيني منزمان و هي كانت شاكه انو فيه علاقه بيني وبينه من زمااان ! من قبل 8 شهور بتويتر !وكانت تراقبني انا وياه بتويتر وانستقرام كذا مره واجهته فيني وكان ينكر ، عشان كذا كان يقول لي لا تكتبين شي عني بتويتر ..صفات هذا الشاب : وسيم وواثق من نفسه ويحب لفت الانتباه !اللي استشفيناه انا والبنت بعد سوالف مطوله انه يحب يلفت نظر البنات له ! لحين انا والبنت قاعدين نقوي بعضنا لين يوم المواجهه ،هي كارهته وندمانه على كل شي كان معاهوبترجع له كل هداياه ،، وانا نفس الشي راح ارجع كل شي بعد المواجههلكن مشكلتي اني انسانه ضعيفة قلب !لدرجة اني كنت رافضه المواجهه بس عشان ما اضيق خاطره وعشان مايزعل !انا ماعمري انقطعت عنه اكصر من 24 ساعه ، كنت اذا زعلت مايخليني الا لما يراضيني ،ما اقدر ابعد عنه ! امس انا والبنت كنا نرد عليه ردود بارده ونرسل له بيسيات كلها دق فيه ، وانه لعاب وكذاب وخاينونوري لبعض ردود فعله ،كان متوتر وشاك بالوضع ، خصوصا اننا احيانا كنا نحط نفس صور العرض انا والبنتونرسل له نفس البي سيات عشان نشككه ! والحين هو متضايق حيل لانه شاك انه فيه شي ! لاني انا والبنت قلبنا عليه مره وحده !صرنا مانرد على كلامه ابد ، وكان يرسل لي وهو زعلان !وكان يحاول يستعطفنا ويكسر خاطرنا ! لانه يدري اننا نحبه ونخاف عليه ..الحين انا وياه بفترة اختبارات ، وقلت للبنت مانواجهه الا لما نخلص هالفتره واللي هي يوم الربوع .. انا الحين خايفه عليه وخايفه اخسره ما اتخيل حياتي بدونه !مع اني كارهته وقرفانه منه لأنه حقير واستغفلني واستغل طيبتي انا والبنت !اكتب لكم وانا ابكي وضايقه فيني الدنيا ، ادري اني لازم اتركه بس كيف بنساه واكمل حياتي ! والبنت نفس الشي !ي الله كيف كل هذا الوقت ماحسينا !ابغى كلام يريحني منكم ، ابغاكم تدعون لي بالهدايه وان ربي ينزعه من قلبي ..لأني مو قادره آكل ولا قادرة اقعد مع اهلي ولا قادرة اذاكر ، طول اليوم مخنوقه وادعي ربي .. خصوصاً اني ضعيفه بهالفتره لانها تجمعت علي اشياء كثير ، من ضمنها اني راح اسوي عمليه يوم السبت هذا ( بعد يوم الاربعاء اللي بنواجهه فيه ) ابغى اسمع كلام ناس عاقلين ، ابغى مشورة أحد ! ماعندي احد اتكلم له عن الموضوع !

يلا بليييييييييييز ابغى اشوف ردودكم كثيرة وبشكل مفصل يشهد الله اني متتتتتتت بشكل كامل
رد مع اقتباس
قديم 01-08-2014, 05:42 PM
  #2
abo marym
عضو المنتدى الفخري
تاريخ التسجيل: Dec 2003
المشاركات: 5,781
abo marym غير متصل  
رد : قصة ابتدت من تويتر, كيف تنسى


لا حول ولا قوة الا بالله


معقول لهذا الدرجة انت
ساذجه واستطاع ان
يستغفلك ويحرك عاطفتك
ويدخل قلبك



لهذه الدرجة هان عليك دينك
وعفتك واهلك



اسأل الله لك الهداية وصلاح
الحال وتقوى الله فى السر والعلن




يا اختى هذا فاسد ولعاب واقسم
لك انه لا يرد اللى المتعه معكن



يا اختى هو فى منتهى الصرحة
والوضوح لم يواعدكن ولا مرة
واحدة انه سيتزوج احدكن



لانه حين يريد الزواج يريد الزواج
من فتاة يثق فيها ومتأكد انه اول
رجل فى حياتها ... فتاه يثق فى
انها ستكون ام عاقله لا تخون
ربها ولا اهلها



معذرة يا ابنتى ربما كلامى
قاسى عليك ولكن والله
على ما اقول شهيد لا
اريد لك الا الستر والعفاف



لماذا يا ابنتى هؤلاء الشباب
الفاسد يلين عقولكن ويدخل
قلوبكن وانتن تعلمن ان البيوت
تدخل من ابوابها



المهم يا با ابنتى لا نقول الا
قدر الله وما شاء فعل



انهى العلاقه من الان وانسى
موضوع المواجهه لانه لن يقدم
ولا يآخر



ابتعدوا عنه وانقطعوا وتوقفوا
فوراً واسأل الله ان لا يستغل
ما ارسلتى له من صور لكى
يهددك ويظهر بوجهه الحقيقى
لكى يضغط عليك ويفعل فيك
كل ما يريد


ثبتك الله ثبتك الله


اكثرى من الاستغفار والصلاة
والقرب من الله


وثقى ان كل ما تريدى سيآتى
ان شاء الله مع رجل شهم
يآتى الى والدك ويطلب
يدك على سنة الله ورسوله
ويدفع مهرك وينفق لكى
يحوز عليك بشرع الله



وفقك الله واعانك وشفاك
وصرف عنك شياطين
الانس والجن

__________________

قال الله تعالى


فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّاراً
{10}
يُرْسِلِ السَّمَاء عَلَيْكُم مِّدْرَاراً {11} وَيُمْدِدْكُمْ بِأَمْوَالٍ
وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَاراً {12}

رد مع اقتباس
قديم 01-08-2014, 05:56 PM
  #3
sensitive very
عضو نشيط
 الصورة الرمزية sensitive very
تاريخ التسجيل: Jul 2014
المشاركات: 127
sensitive very غير متصل  
رد : قصة ابتدت من تويتر, كيف تنسى

لن أتكلم عن الضياع الذي وقعتي فيه مع هذا الذئب البشري ...

فأنت تعرفي جيدا من هو؟؟

لكني أنصحك بعدم التهور في الانتقام منه حتى لا ينتقم منك أشد الانتقام ...

احذري من غضب الذئب ... فصورك واسمك وكل ما يخصك لديه ...

ابتعدي عنه وأوهميه أنك تحبيه، ولكنك لا تريدين طريق الحرام ...

وإلا فوالله لسوف تبكين دما لو بقيت علاقتك به، لأنه لن يقف حتى ترتوي نفسه الخبيثة من جسمك ...
رد مع اقتباس
قديم 01-08-2014, 06:50 PM
  #4
مغتربة متعبة
عضو جديد
تاريخ التسجيل: Jul 2013
المشاركات: 48
مغتربة متعبة غير متصل  
رد : قصة ابتدت من تويتر, كيف تنسى

هو الآن فاهم بس بيشوف النهاية معكما
وقد لا تكونا وحدكما الذي مثل عليهما دور العاشق..

كما تخططون هو يخطط.
وليش تخافي على نفسيته وتأجلي المواجهة لما بعد الاختبارات
على أساس انه راح يتعب ويحط لكم اعتبار ..
الذي يكذب مرة يكذب الف مرة .
وكما صدقتي انك الوحيدة في حياته فصدقتي انك تعني له شيئا في حياته .
حسبي الله ونعم الوكيل
فري بجلدك ولا تدفعي البنت لمقابلته لكي لا تكسبي اثمها
اذا حصل لها شيء وتتورطي معها .
رد مع اقتباس
قديم 01-08-2014, 07:37 PM
  #5
ايمان_2011
قلب المنتدى النابض
تاريخ التسجيل: May 2011
المشاركات: 681
ايمان_2011 غير متصل  
رد : قصة ابتدت من تويتر, كيف تنسى

استغفري ربك و اسأليه الثبات على الحق
و امسحي كل حساباتك نهائيا من هده البرامج و غيري رقم هاتفك و سألي الله العافية و البنت الي حسب القول ضحية مثلك
اقطعي صلتك بها و سألي الله العافية
تعرفي الي صاير فيك وش هدا شؤوم المعصية و ثبعاث الدنب مثل ما قالت احد الصاحبيات ذنوب دهبت لذاتها و بقية تبعاثها
و الحمد لله على سلامة العرض و الشرف الي انتي مسؤوله على حفظه امام الله
رد مع اقتباس
قديم 01-08-2014, 08:05 PM
  #6
حسن السجايا
عضو نشيط جدا
تاريخ التسجيل: Nov 2011
المشاركات: 571
حسن السجايا غير متصل  
رد : قصة ابتدت من تويتر, كيف تنسى

انتي كالفراشة التي تقذف نفسها في النار

وهي تظن أنها تسير نحو النور والضياء..

وأعلمي أن أعز ما تملكيه بعد دينك هو جسدك وشرفك وعفتك

وقد فرطتي بالدين والعرض..ولكن طريق الرجوع لازال ممكن..فانجي بدينك وشرفك..
__________________
سأكتبُ شعريَ الباكي ..... بدمع القلب لا الحبرِ
أُسَطِّرُهُ على كبدي ..... وأتركُ دَفْتَرَ الشِّعْرِ
جراحُ أحبتي في الأرضِ ..... تبعثُ عاصِفَ الفِكْرِ

التعديل الأخير تم بواسطة حسن السجايا ; 01-08-2014 الساعة 08:10 PM
رد مع اقتباس
قديم 01-08-2014, 08:11 PM
  #7
حسن السجايا
عضو نشيط جدا
تاريخ التسجيل: Nov 2011
المشاركات: 571
حسن السجايا غير متصل  
رد : قصة ابتدت من تويتر, كيف تنسى

المواجهة كلام فاضي لا فائدة منه..

أنا رجل...وبالرجال خبير..

اقطعي العلاقة به تماما وفورا...وصلي حبالك بالله..

قبل أن تضعي يديك في التراب ..وتحثيه على وجهك ورأسك حسرة وندما..

اللهم قد بلغت.. اللهم فأشهد...
__________________
سأكتبُ شعريَ الباكي ..... بدمع القلب لا الحبرِ
أُسَطِّرُهُ على كبدي ..... وأتركُ دَفْتَرَ الشِّعْرِ
جراحُ أحبتي في الأرضِ ..... تبعثُ عاصِفَ الفِكْرِ

التعديل الأخير تم بواسطة حسن السجايا ; 01-08-2014 الساعة 08:14 PM
رد مع اقتباس
قديم 01-08-2014, 08:31 PM
  #8
زين ابيها
مراقب عام
تاريخ التسجيل: Jul 2014
المشاركات: 5,689
زين ابيها غير متصل  
رد : قصة ابتدت من تويتر, كيف تنسى

لا انصحك بالمواجهة
قد ينكشف وجهه الحقيقي ويحاول الاضرار بك

ابتعدي عن هذا الطريق
لا أمان له..
ستندمين أشد الندم

الرجل الوحيد الذي يهتم لأمرك ويخاف على شرفك هو من سيطرق بابك طالب القرب
وليس من وراء النوافذ
وفي الظلام
رد مع اقتباس
قديم 01-08-2014, 09:23 PM
  #9
روح وريحان..
عضو جديد
تاريخ التسجيل: Jul 2014
المشاركات: 45
روح وريحان.. غير متصل  
رد : قصة ابتدت من تويتر, كيف تنسى

راقبي ربك .. هل هذا الامر يرضيه؟؟؟
رد مع اقتباس
قديم 01-08-2014, 10:26 PM
  #10
كاتم آهات
عضو مميز
 الصورة الرمزية كاتم آهات
تاريخ التسجيل: Dec 2010
المشاركات: 548
كاتم آهات غير متصل  
رد : قصة ابتدت من تويتر, كيف تنسى

اي حب و اي خرابيط كلام فاضي بالنهاية يا أختي انتي ركضتي ورا عواطفك الجياشة و عشتي قصة حب قيس و ليلى يا أختي ابتعدي و غيري ارقامك و البلاك و أمورك كلها ولا تواجهين ولا شي اتصلي بربك بري بوالديك مهما كان الكلام قاسي فأنا أشوفك أختي لازم توقفين عن طريق هذا الي نهايته راح تكون ماسأوية بالنهاية كم من قصص و كم من مصائب معقولة الانسان ما عاد يفكر الا اذا وقع القأس بالرأس أسأل ربي لك الهداية و الصلاح
__________________
سبحان الله وبحمده سبحان الله العظيم
رد مع اقتباس
إضافة رد

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 04:26 PM.


images