بارك الله فيك اختي الغاليه ورده والله إني من البارحه وانا مترددة ادخل المنتدى من الهجوم والاساءة بالكلمات بين بعض الاعضاء غير المواضيع اللي ترفع الضغط .. ففكرت انزل موضوع بنفس المضمون ... لكنك ما شاء الله سبقتيني وطرحتي الموضوع بأسلوب يعكس ذوقك ورقي قلمك ومستحيل اوصل لمستواك الراقي في اختيار الكلمات .. فجزاك الله خيرا. فعلا كلامك صحيح ...في الفترة الأخيره زادت المواضيع اللي تصور الرجل كأنه وحش أو كائن بلا مشاعر ولا احساس ولا رحمــه.. يتسلط ويكره ويذل ويهين ... والمرأة تصبر وتتحمل وتعاني ... والمشكلة البنات الغير متزوجات يوم يشوفون مثل هذي المواضيع ... ممكن يتأثرون ويكرهون او يتخوفون من الزواج ... وهذا اللي يعور قلبي ... لا ننكر وجود بعض او أقلية من الرجال الذين لا يخافون الله فتخلوا قلوبهم من الرحمة .. ولكن بالمقابل هناك نساء بنفس الصفات ... فاعتراضنا هنـــا على التعمـــيم والحكم الظالم على الرجال ... الزواج نعمه من رب العالمين ...فعلينا ان نقدر هذه النعمه ونحافظ عليها .. سعدت بمشاركتي في موضوعك غاليتي .. والله يسعدك ويهنيك ويرزقك كل خير دنيا وآخره .. |
اهلين وردة ..
عفوا انتي مستنكرة مجرد التعرض لسلبيات الرجل الشرقي ؟ ولا مستنكرة التعرض لها بدون ذكر الجانب الايجابي فيه ؟ قريت بداية الموضوع حسيتك موعاجبك مجرد التعرض لسلبيات الرجل الشرقي .. بس بعدين قلتي اذكرو الجانب الايجابي عشان المقبلات على الزواج ... والله الفكرة بحد ذاتها مو شينة اني اذكر الجانب الايجابي للرجل الشرقي عشان مااصور للبنات انه وحش .. ولو انه بديهيا حتى لو ما ذكرنا الايجابيات فيه ... كل رجل عنده ايجابيات وسلبيات .. ! وانا اتصور والله اعلم ان البنت لو بتكره الزواج وتخاف منه .. ما راح تخاف بسبب كلام فلانة وعلانة .. بعض الاعضاء هنا وطريقة تعاملهم مع الانثى عموما ونظرتهم لها الواضحة من خلال كتاباتهم .. تزرع شي من الخوف جواتها .. لذلك مو كتابات الانثى فقط هي الي تحطم الامال .. تقولين :مالهدف المرجو من تسليط الضوء حول هذا الموضوع وذكر سلبياتهم وتأييدها من قبل جميع النساء..؟؟ هل بهذه الطريقة يتم الإصلاح والنصح والتوجيه ؟!. اولا : الهدف هو انهم (من فيهم السلبية المنتقدة ) ينتبهون لها ويتقبلون فكرة التصحيح وتحسين السلوكيات ثانيا: بعض السلبيات الي انتقدت .. لو استمر الرجل عليها تهدم العلاقة الزوجية .. فمن المنطقي التركيز عليها خصوصا وان درجة انتشارها كبيرة (وهالشي واضح من ردود الرجال سواء هنا او بمنتديات اخرى ومايهمني النسب) زي عقدة الرجل الشرقي الي وضحتها بموضوعي ما اشوف احد انكر هالعقدة مما يعني انها موجودة .. وماشفت تفاعل حيادي وموضوعي من بعض الرجال ولكن ما يهم ... المهم انه اقول ان شاء الله ان الموضوع ولد لو دافع بسيط جواة كل رجل ماتخلص من اثار هالعقدة انه يحاول يتخلص منها عشان ماتندمر علاقته بزوجته . . تقولين على اي اساس اعتمدتو لمن جيتو تناقشون هالسلبية .. من مجرد سوالف حريم ولا ولا ولا .. اقول لك .. ما يحتاج تسمعين سوالف الحريم انتي بس شوفي ردود بعض الرجال هنا .. وتفهمين وش القناعات السلبية المتكررة عندهم .. انا ادري انهم ما يمثلون كل الرجال .. ولكنهم بعض الرجال .. الي يمثلون جزء من البعض الاخر الي مايشاركون بهالمنتدى .. مجرد قراء.. حياك وردة |
|
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|