المشاركة الأصلية كتبت بواسطة أم عصفورة الجنة

السلام عليكم

المستجدات التي حصلت
١.. جلسنا انا وزوجي امس الليل تكلمنا على كل شي من اول مشاكلنا وسألت سبب عدم تصديقه لي رغم اخته ووالده بصفي قال بس انتي ماتحترمي الباقي ... قلت له ليش تقول كذا متى انا ما احترم اهلك
قال تذكري كذا وكذا وكذا قلت له بس هم اللي يسووا لي مشكله وتدري فيني ماقدر امسك اعصابي ... قال المشكله فيك مش فيهم .. قلت له يعني انت تشوف نفسك صح انك تمد يدك اة تصرخ علي قدامهم .. قال انتي اللي تجيبيها لنفسك ... قلت له اوك ولا يهمك تبيني اسكت عن حقي بسكت ولا راح ادافع عن نفسي بس ربي كريم وبينصرني
قال كويس خليكي كذا مطيعه .. قلت له ان شاء الله ورجعت فتحت معه موضوع ان اهلي جايين بالعيد قال حياهم قلت طيب لو بعد اذنك بروح اجلس عندهم فتره لاني من زمان لي سنتين ماشوفهم .. قال وليش يعني تروحين تجلسين عندهم انا بوديك كل يوم عندهم وارجعك مافي داعي تقعدين عندهم .. قلت له بس اهلي حابه اجلس معهم وابي ارتاح شوي عندهم واغير جو .. قال لا تخليني احلف ان حتى زياره مافي .. سكت مارديت عليه
بخلي الموضوع لأهلي لان راح يعند اكثر ومابغى مشاكل هالايام ودي هالايام تعدي على خير