سأعود لطليقي بعد زواجه ( أبو حكيم) - الصفحة 4 - منتدى عالم الأسرة والمجتمع
logo

الملاحظات

ساعدني لطلب مساعدة أحد الأعضاء في حل المشاكل الزوجية والاجتماعية

إضافة رد
قديم 28-11-2011, 12:43 AM
  #31
حلم وتحقق....
عضو مميز
تاريخ التسجيل: Jun 2010
المشاركات: 946
حلم وتحقق.... غير متصل  
أستاذي الفاضل أسأل الله تعالى أن يرزقك من واسع فضله ويسعدك في الدرين إنه هو السميع العليم
لن أنسى وقفتك معي وســأظل أدعــــو الله لك أن يسعـــــدك ويغفـــر لك ويجب دعوتــــك ويعطيــك فوق ما تتمــنى


مستجداتي..الحمــدلله لا إله إلا الله وما شاء الله لاقــوة إلا بالله
أشــعر بالتفــاؤل وبعــض من السعـــادهـ والرضــى وأسأل الله أن يديمها علي طـول حياتي إنه هو السميـــع العليــمه أ
مشاعــري تغيرت من ناحية زوجي..قبل ماكنت أقدر أقول هالكلمة.. أحس بالمــوده تجاهـه وصـرت أحــب أسـولف معاه وأكلمـه..الحمــدلله أولاً وآخــراً

كان صــبور معــاي وطــيب قـدر ينتشـلني من القلــق والخــــوف اللي كنت فيه بأسلـوبه الجــميل
أحس أفكــاري قبل غبيه..الله يثبتني إن شاء الله وما أرجع لها يارب

أخوي أنا أقدر الوقت اللي وهبتــه للأعضــاء في المنتـدى وطبــعاً المشــاكل اللي يمــر فيها بعضــهم أكبــر وأعمــق من مشكلــتي اللي بتكـون جدًا جداً بسيـطـه مقــارنه معهم بس بالنسـبه لي التعــب والألــم واحـــد حتى لو اختلـفــت الأسباب..وسبحـــان القـائل (( لايكــلـف الله نفسـاً إلا وسعــها ))

في أمــووور تشغـلني وأريد إجـابـات عليها.!

دايما أقرا لا تحـب شيء أكثــر من الله..واجعـل حب الله يمـلأ قلبك حتى لاتبتلى بحب ذاك الشيء

أنا طبــعا حب الله أكثـر شي..
بس مادري في أفكـار تجـي وتــروح ..!!
إني ما أسمــح لنفـسي بأن أحــب زوجــــي حتى لا أبتـلى فيه أتمنــى إنك فهمت علي أخــوي
نعــم ألبي له طلباتـه وأحفظـه في غيابه بس لايكــون إهوا شغـلي الشاغـل
ولا أجعـل كل وقتي له والأهــم إني ما أبين له الحـب علشان مايشوف نفسه ( هذي قناعتي )..مادري أريد تعليقـك الله يحفـظك\\ كذلك الزوج المحب يبدا مع مرور الأيام يتعود على
زوجته أكثـــر وبالتالي يخف حبه تدريجــياً

هوا اجتماعي جدا ويحـب الجمعه واللمه مع جماعته وأهلـه في طلعات البر..وممكن يباتون أيام العطلات هناك..أنا لاء وما أرتاح بسـرعه مع الغـرب واللي ما أعرفـهم
أهله قبل كنت أزورهم بس ما أسـولف معاهم باستثناء وحـده من خواته والباقي صمــت
هم افهمـوا إني ما أحبهم وفيني غرور أو أي شي من هذا...بس إذا عرف السبب بطل العجب
وأصلاً الفتــرة اللي قضيتهـا معاهــم جدا قليلــه |( ما أخذت عليهــم)
كان يقول لي إنتي غامضه وماتحبين أهلي..!!

شلون أخليه يفهم إن هذ طبعي وما أقـدر أغيرهـ!
أتذكــر هوشاتنا كانت بهالمحـــور..أخشا إنه مازال على تفكيره وأنا ما أبيه يعرف إن فيني حذر من هالناحيه..!!!


أبوه والله يكوووون بالعون
أنا كلمت زوجي عن مخاوفي..ضحك وقال لاتخافين أنا معاج وماراح أخليج بروحج
إذا مثلاً جاب أبوه سيره عن الأيام الخــوالي..أو مثلاً مدح هذيج جدامي..!!
ما أستبعـد إنه راح يكلمني أو ينصحني..في بالي إذا تكلـم بهـــذي الأمـــور المحــرمـه عندي راح أقــوم وأستأذن
ماراح أقعــد وأسمع مابي..تصـرفي هل يعتبر قلة أدب معه..!!

وفي شي بعد ضايقني بزوجي العزيز..!
أحس إنه مو واثق فيني..دايماً في كلامه ما يأكد لي هالشي
هو موقصده بس تطلع تلقائياً معاه..مثلاً أقوله شي يقول لي إن شاء الله والله لايغير علينا ويبعد عنا الطلاق ويجعــل فيج بركــه ومافيج خســارهـ..( شنو بضاعه شراها أنا )
اللي صار مني قبل ما أحب مجرد ذكره وهوا يدري وموضحه له هالشي أنا..ليش يذكـره بطريقته الغير مباشـره أحس إنه مو واثق فيني..واااضــح عليه التوجس
مرهـ تكلم بالموضـوع وأنا قلت له وقـف لاتكمـــل قال لي لا تتهربيــن..!!
ماراح أبرر له..صعــب علي

إختي تقول لي قولي له كااان فيني عين قويه..مادري كنت ناويه أقوله هالعذر بس لقيت نفسي ما أعرف أبرر
احتمال اللي أصابني عين..لــكن مابيه يظن إني أدور على أي عذر مداراة لخاطره وخلاااص نسكر ع السالفــه
شلووون أخليــه يقتنــع ومايكــون في القلب غصــه..!



أتمنى ما أثقلت عليك أخي..
كــذلك أتمنى أن توجهني والله لا أحب أن أتكلم بهذي الأمور مع أبوي وإخواني أثـــــق في رأيك وحكمتك أخــي
بارك الله فيك ونفعـنا بعلمــك..,,,
__________________
اللهم صلي وسلــم على سيدنا محمد
وعلى أصحـــاب وأزواج سـيدنا محـــمد
يارب إني مسني الضر وأنت أرحم الراحميـــــن..لا إله إلا أنت سبحانك إني كنت من الظالمين

التعديل الأخير تم بواسطة حلم وتحقق.... ; 28-11-2011 الساعة 12:57 AM
رد مع اقتباس
إضافة رد

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 07:23 PM.


images