فكري بأبنك وكيف سيكون وضعه ليس له ذنب ان يعيش مشتت

واستخيري

والخيره فيما اختاره الله

اختي نصيحة لك من قلب

انتقلي عند زوجك في أسرررع وقت.. خذي اجازة استثنائية وبعدين شوفي الوضع يا ان عملك يسمح لك بالنقل وللا عاد تتحملين المشوار

أهم شي كوني قريبه من زوجك وطالبيه بالعدل في النفقه والسكن والمبيت.. وعشان مايحس انك تتحدينه وتحاولين تكسرين كلمته.. ممكن تقولين له انك تعبانه نفسيا من بعد زواجه وكارهه الدنيا حتى الوظيفة تفكرين تتركينها (بما أن الفلوس نقطة ضعفه هدديه بترك الوظيفة) وعشان كذا تحتاجين تكونين جنبه عشان يحسسك بحبه واهتمامه (يعني مثل مايقولون كيد نساء)

وتذكري العود من أول ركزة.. لازم زوجك من هاللحظة يستوعب أهمية العدل.. ولو تنازلتي عن بعض حقوقك الحين,, بعد سنة راح تتنازلين عن أكثر (وان ماكان بعد كل) حقوقك

وتذكري ان في هالفترة اللي انتي بعيدة فيها عن زوجك.. الزوجة الجديدة راح تتقرب أكثر وأكثر من زوجك

وأصلا حتى لو ماحاولت تتقرب منه يكفي أن زوجك راح يتعود عليها وعلى وجودها الدائم معه

وانتي راح تصيرين بعيده عن نظره وقلبه بعد (لا سمح الله) لأن البعيد عن العين بعيد عن القلب!

وزوجك اذا هو صادق في كلمته انه حاط زوجته الجديدة تحت التجربة يا أنها تحمل خلال سنة يا يطلقها فيا ويله من الله!!!

بنات الناس مو لعبه عنده والمفروض قبل لا يفكر يتزوج يفكر يتعالج (هذا اذا كان فعلا صادق ان سبب زواجه هو رغبته في الانجاب)

أما اذا كان رغبته الحقيقية هي التغيير والتجديد.. الحقي عمرك مثل ماقلتلك ولا تنتظري دعوة من زوجك.. انتي أصري على الانتقال عنده

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا

سبب زواجه مو الولد صدقيني..سبب زواجه يبغى حرمه بقربه تحتويه وتدلعه حاله حال اي رجل متزوج..تلقينه هذيك الايام يسمع سوالف اللي حوله ويتحسر ع وضعه كانه عزوبي،،الله يسخره لك ويلين قلبه يارب،،

عندك وظيفة وولد .لمست من عرضك للمشكلة انك لاترغبين بتركه اما حب له او تضحية من اجل ابنك ويظهر لي انك صبورة ومتأنية في اتخاذ قراراتك . بما انه لازال في اول الشهر من زواجه يجب ان تكوني حازمة لان العدل شرط للتعدد ومن دونه يصبح حرام فامامك خيارين. مطالبته فورا بالعدل بدون تردد وانتظار. واقناعه بحاجتك للمزيد من الاطفال وضرورة العلاج او البقاء ف الهامش وجعل نفسك مجرد صرافة اختيارك طبعا يرجع لتقديرك لذاتك . لا اعرف ماهي دوافعه للزواج الثاني لكن لاتضعي نفسك موضع منافسة مع الاخرى هذا استنزاف لطاقاتك وعمرك وشبابك .

الي يقولون لك ارجعي
فشلة واحرااااج لك
بعد زواجه تطبي عليه في شهر العسل ممكن يحرجك
عيشي حياتك طبيعية جدااا وقوي ثقتك بالله

البنات كلهم اجتمعو على رجوعك خلاص خلي الموضوع بتدرج اول شي اجازة الصيف
خليكي جنبه استأجري شقه عنده وارجعي وخليه يعدل
وبعدين قدمي اجازه استثنائية وقولي نفسيتي تعبانه وكملي عنده
واحرصي على تقديم النقل وبالتوفيق حبيبتي

اشكر جميع من رد على موضوعي وأقتنعت بأن الحل الوحيد لمشكلتي هي الأنتقال الئ منطقته وعندما أتصل بي البارحة قلت له انني اشتقت لك انا وابني ولا نستطيع تحمل البعد علمآ ان له اسبوع بعيداً عنا وانني اريد الأنتقال الى منطقته فحاول تغيير الموضوع وقال كلها اسبوع وبجيكم يعني نفس الحكاية غياب اسبوعين ويحضر 3 ايام ..

أكيد لما تفاتحيه بالموضوع راح يرفض هو عاجبه الوضع كذا
عشان كذا قلت لك انتظري اجازه الصيف ولا تقولي له عن خططك
خلي الموضوع يجي بالهداوة حبه حبه
اول شي استأجري بالصيف جنبه
خطوة خطوة راح تلصقي فيه ياعسل
بس استعيني على قضاء حوائجك بالكتمان
حتى اهلك لاتخبريهم وبالتوفيق

اتفق مع سقيا
اذا ما خذيتي حقوقك الان ما بتاخذينها بعد سنه
بعدين 150 كيلو مش بعيدة
على الاقل اتفقي معه انه من الخميس الى السبت يكون عندك او تنقلين

ليش هي اللي تستاجر..؟
هو اللي ملزوم يوفرلها بيت..
كذا ما سوينا شي جات على حسابها حياها الله!

__________________
( والذاكرين الله كثيرا والذاكرات )
ادعوا الله ان يجعلكم من الذاكرين له..