لي ثلاث اسابيع ما دخل بطني الا كم بسكوتة
أصحى الصباح اسويلي تلاجة حليب و طول النهار رايحة جاية على التلاجة اصب لي كبايه
و بس ماعندي نية اتعرف على أيّ وجبة غذائية أخرى
رحت الدانوب عبييييت العربيه بسكوتات و شيبسات وخفايف قلت عشان تفتح شهيتي شوية
بس مافي أمل اطالع فيها كأن مافي شي قدامي
و بعدين طيب !
زمان كنت اخذ الموضوع بروح رياضيه و اقول خلاص هذا وزني ويستحيل يتغير
بس دحين صرت اتضايق جدا
جسمي تعب من جوه صرت ماعاد اقدر ابذل مجهود زي اول
اتفه الاشياء ما عندي استطاعة اقوم فيها خلاص صابني ضعف عام الظاهر

سويت اشيا كثير عشان يطلع للخمسين بس مافي امل
كنت في الاربعين و متأقلمة لكن الان كل ماله في نزول
صرت اقول ياليت يرجع لـ 43

طليت على مواضيع القسم كثير يبغو حل للنحافه
و دورت في قوقل بس ما لقيت شي يفتح الشهية ماجربته
وما لقيت نتيجة
يعني فيه نتايج بطيئة زي مثلا بعد شهور ازيد 2كيلو
في الشهور هذي اكون الزمت نفسي بجدول غذائي

سولفو علي شوفو لي دبرة لاحسن خلااص قفلت معي

__________________

‏
الوعي هو الملاذ ..

أستغفر الله العظيم ؛
( الفردوس غايتي )

مين يشاركك وجباتك فردوسه ؟

__________________

سؤال مهم ويمكن له دور

أم خالد أنا نفس مشكلتك، جد اعاني كثير واكتشفت انه نمط حياتي السبب

لما أكون عند أهلي يزيد وزني عشان دايما معاهم آكل تنفتح شهيتي

في بيتي وحيدة حتى زوجي ماشوفه الا يومين بالأسبوع فأبدا ما أشتهي.

طيب يعني قدامه تنفتح نفسك على الأكل ؟

صح كلامك نمط الحياة اتوقع له علاقه كوني في بيتنا غالبا هدوء و مافيه غيري و امي
و حتى امي مو دايما فالبيت مشغولة و تخرج بشكل شبه يومي
انا مع البنات فالدوام اكل والله اني استغرب من نفسي ماشالله شهيتي على طول مفتوحة
لدرجة اكل فطور و بعد ساعتين وجبة غدا لكن مجرد ارجع البيت خلاص
اذكر وحدة قالت لي انتي تاكلين و ما يبان فيك و لما حكيتها عن وضعي استغربت

__________________

‏
الوعي هو الملاذ ..

أستغفر الله العظيم ؛
( الفردوس غايتي )

ايوة حبيبتي هذا قصدي..

أتوقع الأكل عندي مقترن بالمشاركة مع الناس..

قبل لا اتزوج كنت دايما مع امي واخواتي كل وجباتنا، فعمري ما كنت اعاني من ضعف في الشهية بالرغم من طبيعة جسمي النحيفة..

بعد زواجي نحفت نحفت مرررة

كمان اذا كنتي زيي من النوع اللي يخطط كثير ويتوتر ويشيل هم كل أحد ويبغى كل شي بيرفكت فهذا سبب برضو

لا تنسي النفسية قد ايش لها دور

والله اول ما اتضايق معدتي تفقل والحمدلله اغلب وقتي مضايقة هههههههههه أمزح

شوفي يا اشراقه انا زمان كنت افضل من كذا بكثيييير
قبل اتزوج كان وزني 58 بعدين نحفت بعد الزواج لييييين 45

لما حملت نزل وزني زيادة بس افتكر لما كنت فالتاسع قبل مااولد باسبوع وزنت طلع 52
الدكتورة تضحك تقول لي وزن بنت هذا مو وحدة حامل

عاد مع الرضاعه حدث ولاحررررج يوصل لـ 36
المهم اني لي سنوات ما ارتفع للخمسين خلاص الخمسين هذا نسيته

حبوب و فيتامينات و اعشاب و خلطات و النتيجة محلك سر
انا طفشت ماعاد ابغا اتخن خلاص راضيه و متأقلمة
بس بديت اخاف على صحتي الفترة الاخيرة : (

وزيك تماااام في حرقة الاعصاب و لو اني صرت ابرد من قبل الحمدلله
طيب بسألك انتي تاكلي اي شي ولا في اكلات كثيرة ما تاكلينها

انا مو اي حاجة اشوفها اكلها حتى البسكوتات حقاتي مختارة بعنايه
انواع محددة من سنين ولا تتغير
تذكرت طليقي لما نزلني السوبر ماركت قال هيا اختاري اكل مدري ايش يعجبك
رحت الف الف مالقيت اللي ابغاه
بعدين اخترت بسكويت الشاي استغرب قال دحين سبتي الشيبسات و الكاكاوات
واخترتي دا حق الكهلات هههههههههههه
ماش محد فاهمني بالاكل 😩😂

__________________

‏
الوعي هو الملاذ ..

أستغفر الله العظيم ؛
( الفردوس غايتي )

محد خالتو
تصدقي جلست افكر بسؤالك لقيت انو محد
امي غسلت يدها مني اني اقعد معهم على السفرة
وضعنا ممل غالبا طول الاسبوع هدوء ماغير فالويكند يتجمعو اخواني و يكثر الطبخ

في الايام العادية لما يتجمعون على الغدا اكون يا اما دوبي شاربة حليب ومالي نفس
و يا اما يكون مو شاربة و برضو مالي نفس
ف كل الحالتين اقول لامي بعدين اغرف لي و يمر اليوم وانا ما اكلت

شهيتي تنفتح ف حاله وحدة بس ، اذا خرجت من البيت و مو مع أي أحد كمان
مع صديقاتي ماشالله تلاقيني ادعس مزبوط
بس قدام ناس عادية تلاقيني ما اكل شي ابدا
اشرب شاهي قهووة مويا ايوه بس اكل لا

__________________

‏
الوعي هو الملاذ ..

أستغفر الله العظيم ؛
( الفردوس غايتي )

بس انتي والوالدة بالبيت ؟
طيب كيف وزن الوالدة ؟ مو ملاحظة قاعد ينزل ولو شي بسيط ؟
شو رايك تشاركي الوالدة علي الاقل لو وجبة باليوم ...
عشانها

__________________

انا و امي و اخويا بس ابويا طبعا دايما مو عندنا مشغول
اخويا بحكم عمله ما يرتبط معانا فالوجبات
بقولك شي يصدمك امي و اهلي كلهم من ذوات الوزن السمين
انا مدري طالعه على مين جاية مسواك بينهم
حاولت والله بس ما يطلع معي امي اساسا ماعاد تكلمني على الاكل نهائي
انا مرات يجيلي مزاج اطبخ و اتحمس اسوي فطاير و اشياء
و خلال الطبخ اذوق طبعا ملعقة ملعقتين و لما انتهي من تحضيرها خلاص قيدني شبعت
اغرف لهم و خلاص ارفع نفسي عن السفرة

مشكلة فيا مااحب الاكل ولا اتحمس له
اخر مرة لما رحت عند صديقتي سوتلي رز ايراني
لو تشوفيني كيف هجمت عليه اللي يشوفني يقول بيتنا مافيه أكل

__________________

‏
الوعي هو الملاذ ..

أستغفر الله العظيم ؛
( الفردوس غايتي )

الصراحه ما هو المشكلة في وزنك او الزيادة
المشكلة ان غذائك غير صحي وغير مفيد
على الاقل حاولي انك تتركين الحليب لان يعزز الشعور بالشبع