ما أطفش من موضوعك ما دام انتي لا زال عندك نفس تكملي .. انتي اللي تعاني خلال الكتابة ربي يعينك ويآجرك حبيبتي ... أحس بحرقتك خلال سطورك الله يفرجها عليك

موضوع المرأة الأخرى طول الوقت ببالي ويفسر كثير لكن لأنك نفيتي هذا بأول موضوع لك فأنا استثنيته والان أرجع له ..

سؤال يا مليت .. أنتي من وين جايبه الثقة بان زوجك مو متزوج ؟؟ لما ذكرتي برنامجك اليومي ذكرتي بأن له طلعة يومي من المغرب لقبل نص الليل وذكرتي انه ما يترك جواله الى أن ينام ومع ذلك تأكدي بأنه يتابع تويتر

عموما .. المرأة الأخرى بحياة الرجل تخليه يكون أقسى بالهجر ويتتبع الأخطاء .. يعني يخلي حل الموضوع أصعب لكن بالرغم من ذلك فما في طريقة لكسب هذا النوع من الرجال إلا باللي قلت لك عليه سواء كان عنده غيرك أو لأ .. وجودها يخلي الموضوع أصعب لكن ما يغير طريقة الحل .


بعدين حبيبتي انتي ليه تعطي لنقده حجم كبير .. هو من نوع الناس اللي ينتقد ويهول كل شيء ولهذا السبب نقده كثير .. هو السبب مو أنتي .. ليش تفرضي على نفسك أنك لازم توصلي لسقف مطالبه .. أصلا ما في سقف لمطالبه وكل ما وصلتي لمستوى راح يطلب اللي فوق منه .. اعملي اللي يريح ضميرك واعتبري الباقي من كلام الغضب اللي قال لك بانه ما يقصده وما تاخذي فيه .

ركزي بموضوع الندية وبس ومن بعدها نشوف النتيجة ونقرر الخطوة اللي بعدها

__________________