الماسه ما تشوفين شر حبيبتي الله يشافيك ويعافيك
صدقيني اغلب النسا الحين يعانون من الوساوس والله اني يوميا افكر بموتي او موت اولادي او زوجي او امي او ابوي وكيف ابعيش من دونهم الله يحفظهم لي ولايحرمني منهم يعني باختصار ما انام الا وانا ضايق صدري ليه ما ادري واحيانا ابكي هذا غير الوساوس الي تزعجني اثناء عباداتي الحمد لله على كل حال لاتلتفتين لهذي الوساوس واستمري بالرقيه الشرعيه انتي ارقي نفسك بنفسك افضل والله اتذكر امي جلست تقريبا سبع شهور بالبيت ماتقدر تطلع ابد اذا طلعت تتعب وتدوخ ولاتقدر تتوازن وكانت ترقي نفسها بنفسها وبعد كانت تقرا وتنفث على ماء وتشرب منه والحمد لله من فضل ربي من عليها بالشفاء فانتي استمري بالرقيه ولا تلتفتين للوساوس ولالكيد الشيطان ماتشوفين شر يالغاليه الله يحفظك من كل سوء |
وعليكم السلام ورحمة الله وبركاته
سلامتك ياغالية .. لن ازيد على ماقاله الأخوة والأخوات بارك الله فيهم وجزاهم خيرا .. لكن كلمة اهمس بها في اذنك ياغالية .. لاتجعلي الوساوس تنتصر عليك .. لا تجعلي اليأس يدمر حياتك .. لاتستسلمي وتفقدي لذة حياتك الزوجية والاجتماعية ولذة الشعور بالرضا عن النفس .. عززي من ثقتك بنفسك .. اقرئي في كتب تطوير الذات .. نمي مهاراتك .. اكتشفي ذاتك وكوني دائما قوية .. وتذكري أن لك أخت مانستك من الدعاء في ظهر الغيب .. نقل إلى مكانه المناسب . |
بسم الله الرحمن الرحيم السلام عليكم ورحمة الله وبركاته إخوتي الكرام/ من زمان وأنا أتمنى أكتب وأفضفض عن نفسي شوي لأني تعبت زوجي وأنا أشتكيه وأحس إني أزيد همومه وهو وراه مسئوليات وأشغال كثيرة لكن وربي يشهد إنه مهتم فيني لأبعد حد ولما أتعب يكون جنبي لدرجة يتأخر عن دوامه ويجلس معاي ولما تكون نفسيتي تعبانة ومتضايقة يخرجني ويمشني عشان أنسى ماراح أنسى فضله علي أبدا والله والله صرت أخجل إني أقوله أنا تعبانة أنا حاسة بضيقة من حسن معاملته لي وإهتمامه أحاول أصبر نفسي وأتشجع وأترك الهم والخوف لكن مجرد يومين وأرجع أنتكس وأستسلم لتعبي بقولكم القصة من البداية وأتمنى إنكم ماتملون من كلامي لأني والله محتاجة أفضفض تزوجت قبل تقريبا 9 سنوات ولله الحمد كنت أحب زوجي كثير ومبسوطين أيام الملكة ومافيني شي حتى ثاني يوم من فرحي اتغير كل شي حلمت يومها بأني في الزفة وهناك امرأة تنظر لي بغرابة ولكنها مبتسمة وفجأة تحولت لثعبان ضخم جدا جدا ويجري وراي وأنا أهرب وأصرخ وأستيقظت من نومي مفزوعة وأصرخ وزوجي يهديني ويسمي علي وثالث يوم بدأت أشعر بالضيقة الشديدة وأبكي بكاء حار ومو عارفة اشفيني لدرجة إني أشقق ملابسي وقمصاني من الضيقة ....خرجني زوجي على البحر وارتحت الحمد لله بمجرد مارجعت البيت وترجع الضيقة مرة ثانية وبكيت وبكيت واتصل زوجي على اهلي ورحت لبيتهم ونمت عندهم أنا وياه ....كم يوم ورجعنا بيتنا وهدأت نفسي أحسن من أول لكن بدأت الأحلام ورؤية الثعابين في الظهور وحدثت لنا أشياء غريبة والله والله مااحد يصدقها لو أحكيها لكن بقولها لكم الجدران كان لون البوية موف وكنت يوميا أجد قطرات كان تسقط من أعلى الجدار للنصف ولونها أحمر أمسحها وترجع تظهر فجأة بدون ماانتبه ويوم جاتني أمي للبيت وشافت الجدار وقالت ليش ماتنظيف غرفتك وخاصمتني وقلت لها ماصدقت وزوجي أكد على كلامي قالت لا .........خلت الشغالات وهي معاهم ينظفوا جدران الغرفة ونمنا بالليل والصباح رجعت مرة ثانية .........بعدها تركت البيت وصرت أخاف من وجودي فيه ولما ننام تسقط علينا قطرات من أعلى السقف موية باردة وطلع زوجي بالسلم وكان السقف ناشف كل هاذي الأسباب خلتني أترك البيت وسكنا مع أهلي .......في نفس بيتهم الوالد كان يبني فيلا وخطط لشقة اعطاها لزوجي وقال لكم.....وانتظرناها تكمل والحمد لله سكنا فيها اختفت كل الأشياء اللي صارت لنا لكن الأحلام والضيقة مازالت معاي بعد 5 سنوات في يوم كان زوجي بره البيت وكنت أنا وولدي الصغير عمره 4سنوات معاية لوحدنا بالبيت وفجأة شعرت بهبوط غير طبيعي ولم أستطيع الوقوف وضيقة شديدة جدا وبكاء فضيع حسيت كأني بموت نزلت لأهلي ولما وصلت للباب فتحت لي الشغالة وطحت وفقدت الوعي وأخذوني على المستشفى والكل يطالع فيني ويبكي يحسبني بموت وزوجي يقرأ علي حتى هدأت نفسي والدكتور يقول البنت سليمة ومافيها ولا شي حسيت فجأة كأني أفقت من كابوس ورجعنا للبيت وبعدها بيومين رجعت لي الحالة وكان زوجي الله يحفظه ببداية التزامه ويعرف شيوخ وجاب واحد يقرأ علي وبدأت الحالة تزيد لدرجة مر علي شهر رمضان كامل لا أستطيع الوقوف واذا مشيت اخبط بالجدران بسبب عدم التوازن أهلي وزوجي تعبوا كثير وأحسهم مكسورين وهم مو قادرين يسولي شي غير الدعاء والرقية لا أنام وإذا نمت ماتمر دقيقة واستيقظ اصرخ واستنجد بأهلي الحقوني يؤذوني مين ماأدري زوجي وابوي كانوا مقصرين في دوامهم الكل حولي حتى جا ذاك اليوم وأحضر أبي شيخ لمعالجتي في البيت وبدأنا العلاج وكان مجرد مايبدأ الرقية لا أشعر بنفسي ويرشني بالماء وأصرخ من شدة حرارتها وأبوي وزوجي يقولو لي باردة والله بس أنا أحسها حارة ولما ينتهي يلقوني مثل المشلولة مااتحرك لمدة 8 ساعات والحمد لله بدأت في التحسن لفترة ولكن كل مرة يجيني شي جديد مرة بطني ومرة رجلي ومرة صداع ودوخة كل شي بجسمي يثور بين فترة وأخرى وماخلينا ولا مستشفى إلا ورحنا وجربناها تركت بعدها كل شي ولجأت لرب العالمين بدأت بصلاة الليل والدعااااااء والله كنت أبكي بكاء فضيع واترجى رب العالمين يشفيني كل سنة أحس نفسي افضل ولله الحمد والشكر لكن الوسواس الآن هو مشكلتي وفقدت الثقة بنفسي وأصبحت أخاف من كل شي حتى تفكيري مازالت تظهر أعراض مثل الصداع والدوخة الشديدة إلى الآن أكتب لكم وأنا أحس بصداع ودوخة تروح وتجي صرت كل مانفسي أفرح وانبسط يجيني شي يقولي لا تفرحي هذا عشان بتموتي اليوم لما زوجي يفرحني بهدية ولا شي أقول في نفسي أكيد بموت قريب لما أشوف أولادي يسلموا علية ويحضنوني كثير أقول شكلي بموت اليوم أي يوم أحس إني فرحانة فيه يجيني هالأحساس وإني بموت........صرت بس أصلي كثير واقرأ قرآن كثير عشان حاسة إني بموت وأبغى أرضي رب العالمين صرت متشائمة وأكره الخروج للناس بسبب التعب اللي يصيبني لما اروح لأي أحد زوجي يقولي قولي الحمد لله اتحسنتي كثير ............والله إني أشكر ربي دايما على هالنعمة أنا الآن ماني عارفة اش اسوي.......تجيني ضيقة بعض الأحيان والم شديد بجسمي وأنا عارفة إنه بسبب العين أو الله عالم ايش فيني أروح لشيوخ ويقرؤا علي ويعطوني علاجات استخدمها واتحسن لكن ارجع اتعب مرة ثانية صرت لما احس بشي اجلس على السرير وأبكي على حالي والله إني صابرة على هالإبتلاء لكن أحس إني محبطة وخاااايفة زي قبل شوي كنت مبسوطة واتعشينا انا وزوجي والأولاد وفجأة جاتني الدوخة وتركت الأكل وحاسة بثقل براسي وجيت غرفتي ........جاني زوجي وقال وين اللي تقول بنسهر سوى قلت له تعبانة وماني قادرة اكتئبت واستسلمت وأنا اللي وعدت نفسي مااستسلم لكن............ قلت خليني افضفض لكم أنتم إخوتي الكرام يمكن كلمة منكم وتشجيع .......دعاااااء صادق لي ..........يساعدني بعد الله أرجو إني ماأكون أثقلت عليكم بقصتي ولكن ....... اعتبركم أهلي وأعرف إنكم بإذن الله بترفعون معنوياتي جزاكم الله كل خير لمروركم تحيـــــــــــــــــــــــــــــاتي |
[font="arial"] أختي الكريمة ]حتى تتغلبي على مشاعـرك السلبية كالغضب والعصبية ...إلـخ أنصحك تكتبي بـقـوقـل جملة "الحرية النفسية" ستجدي موقع لدكتور ، حملي منه مذكرة تشرح التقنية، وشاهدي مقطع الفيديو لـهذه التقنية، والتي تساعد على التخلص من المشاعر السلبية أيا كانت ، والوساوس القهرية والمـخـاوف وغيرها ، وطبقيها تجاه غضبك من ابنك. وطبقيها على المشاعـر الماضية ، يعني تذكري موقـف فيه استفـزاز زوجـك وإثارة لمشاعر سلبية وطبقي عليه التقنية ... فـرصـة لتتعملي ما هي المشاعر السلبية في جسم الٍإنسان وكيف تحدث وكيف يمكن السيطرة عليها وفيه طـريـقـة تــابـعـة للتقنية سأطـرحها بمـوضـوع في كيفية التغلب على الحديث السلبي مع الذات أسأل الله التـيـسـيـر والعـون والقـبـول دمتم بحفظ الرحمن/font] |
وعليكم السلام ورحمة الله وبركاته
حبيبتى عليك ب عدة أشياء :- 1- حسن التوكل على الله عز وجل. 2- الدعاء ثم الدعاء ثم الدعاء . ادع الله و أنت موقنة بالإجابة.. كونى على يقين بأن الله سبحانه وتعالى سيشفيك بفضله وكرمه قال رسول الله صلى الله عليه وسلم :" يستجاب لأحدكم ما لم يعجل يقول دعوت فلم يستجب لى " صدق رسول الله صلى الله عليه وسلم 3- استشعار جنب الله . أى أن الله سبحانه وتعالى قريب منك ولا أحد ولا أى شىء فى الدنيا سوف يؤذيك طالما أنك فى جنب الله قال الله عز وجل "ان الله يدافع عن الذين امنوا ان الله لا يحب كل خوان كفور" الحج (آية:38) أسأل الله العظيم رب العرش العظيم أن يشفيك و أن يخفف عنك 4- آخر شىء مواجهة المخاوف وتأكدى أنه لن يصيبك إلا ما كتب الله لك قال الله تعالى قل لن يصيبنا إلا ما كتب الله لنا هو مولانا وعلى الله فليتوكل المؤمنون التوبة (آية:51) يعنى مثلا إذا أحسست أنك تسمعين صوتا فى أحد أركان منزلك قومى بالآتى 1- استشعرى جنب الله ( معية الله ). وتأكدى أن الله سبحانه وتعالى يراك ويحميك ويدافع عنك. 2- ثم اذهبى بعد ذلك لاستطلاع الأمر ومعرفة مصدر الصوت. أختك كانت خوافة من الدرجة الأولى و لكن الحمد لله زال الخوف . |
بسم الله عليك والله يحفظك من كل شر شوفي ياغالية انا مو اخصائية نفسية عشان اتفلسف عليك لكن احساسك بان الفرحة مستحيل تدوم عندك وتستخصرين نفسك فيها هذا شى نفسي وممكن يكون صار لك حدث وانتي صغيرة اثر عليك واكد عندك في عقلك الباطني انه لو جاتك فرحة او سعادة اكيد وراها بلاوي وهذا ناتج عن الثقة بالنفس من كثر الجروح اللي تجي الانسان في حياته تخليه يتعود بس على المصايب وان جاته فرحة يستغرب لها ويجيه مليون وساس
تاكدي انك تستاهلين خير الدنيا كله والا ربي ماكان رزقك بزوج حنين ويهتم فيك ويخاف عليك شوفي ياعمري قربك من الله عز وجل راح يقويك في كل الاحوال لاني اضن والله اعلم رئيتك للثعبان في احلامك هذوولى اعداء وحساد يطردونك وعين قوية انتي تحزمي بالمعوذات اعوذ بكلمات الله التامات من شر ماخلق والله يحفظك من كل شر حاولي تغيري جو وسافري مكان بعيد انتي وزوجك لا تخافين من شى ياغالية بيطيب حالك وتذكري كلامي طبعا بيد الله الله يسعدك ويحفظك ويبعد عنك كل حسود حقود |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|